اعمال 13:36 - کِتاب مُقدّس سرائیکی ترجمہ

³⁶ کیوں جو داؤد تاں آپنڑے زمانہ ءچ خُدا دا مقصد پُورا کرݨ دے بعد موت دی نیندر سَم گِیا تے آپنڑے پِیُو ڈاڈا نال دفن تھیّا تے اُوندے سڑن دی نوبت آئی۔

اعمال 13:36 Referans Kwoze

اعمال 2:29

بِھراؤ! مَیں قوم دے بزُرگ داؤد دے حق ءچ تُہاکُوں دلیری نال آکھ سگدا ہاں جو او مر گِیا تے دفن وی تھیّا تے اُوندی قبر اَج تئیں ساڈے ءچ موجود ہے۔

اعمال 13:22

وَل اُوں ساؤل کُوں تخت تُوں لہاوݨ دے بعد داؤد کُوں اُنہاں دا بادشاہ بنڑایا جیندے بارے ءچ خُدا گواہی ڈِتی جو ’میکُوں یسّی دا پوتر داؤد مِل گئے جیہڑا میڈے دل دے مطابق ہے، اُوہو میڈی ساری مرضی کُوں پُورا کریسی۔‘

1کُرِنتھِیوں 15:18

بلکہ جیہڑے مسیح اُتے اِیمان رکھیندے ہوئے سَم گئے ہِن او وی ہلاک تھئے۔

1کُرِنتھِیوں 15:6

اُوندے بعد او پنج سو تُوں زیادہ بِھرانواں کُوں ہِکو پھیری ڈِکھالی ڈِتا جِنہاں ءچوں اکثر ہُنڑ تئیں زندہ ہِن، پر کُجھ سَم گئے ہِن۔

یُوحنّا 11:39

یسُوع آکھیا، ”پتھر کُوں ہٹا ڈیؤ۔“ پر موئے بندے دی بھینڑ مَرتھا اُونکُوں آکھیا، ”مالک! اُوندے ءچوں تاں ہُنڑ بدبُو آندی ہے کیوں جو اُونکُوں موئے ہوئے چار ڈینہہ تھی گئے ہِن۔“

1تھِسّلُنیکیوں 4:13

بِھراؤ! اساں نئیں چاہندے جو تُساں اُنہاں اِیمانداراں دے حال دے بارے ءچ ناواقف راہو جیہڑے سَم گئے ہِن، تاں جو تُساں اُنہاں وانگُوں غم نہ کرو جِنہاں کُوں کوئی اُمید نئیں۔

اعمال 20:27

کیوں جو مَیں بغیر کہیں جِھجک دے خُدا دا پُورا مقصد تُہاڈے اُتے ظاہر کریندا ہاں۔

اعمال 7:60

وَل اُوں گوڈے ٹیک تے وڈی اواز نال آکھیا جو ”اے خُداوند! ایہ گُناہ اِنہاں دے ذمہ نہ لا۔“ تے ایہ آکھ تے سَم گِیا۔

اعمال 8:1

تے ساؤل اُوندے قتل اُتے راضی ہا۔ اُونہی ڈینہہ اُوں کلیسیا اُتے جیہڑی یروشلیم ءچ ہئی، وڈے ظلم دا سلسلہ شروع تھیّا تے رسُولاں دے علاوہ سارے لوک یہُودیہ تے سامریہ دے چودھارُوں تِتربِتر تھی گئے۔

متّی 25:16

جِیں نوکر کُوں پنج تھیلے مِلے ہَن اُوں فوراً وَنج تے کاروبار کیتا تے پنج تھیلے بئے کَما گِھدے۔