اعمال 13:30 - کِتاب مُقدّس سرائیکی ترجمہ

³⁰ پر خُدا اُونکُوں مُردیاں ءچوں زندہ کر ڈِتا۔

اعمال 13:30 Referans Kwoze

اعمال 2:24

پر خُدا اُونکُوں زندہ کر ڈِتا تے موت دے قبضے تُوں چُھڑایا کیوں جو ایہ ممکن نہ ہا جو او موت دے قبضہ ءچ راہندا۔

اعمال 17:31

کیوں جو اُوں ہِک ڈینہہ مقرر کر ڈِتے جِیں ویلے او عدل نال ساری دُنیا دی عدالت اُوں بندے دے ذریعے کریسی جِینکُوں اُوں مقرر کیتا ہے۔ تے اُونکُوں مُردیاں ءچوں زندہ کر تے ایہ گالھ سارے اِنساناں اُتے ثابت کر ڈِتی ہے۔“

متّی 28:6

او اِتھاں کائنی کیوں جو جِینویں اُوں آکھیا ہا زندہ تھی گئے۔ آؤ ڈیکھو، او جاہ جِتھاں او پِیا ہا۔

عبرانیوں 13:20

اِطمینان دا خُدا جئیں اُوں ابدی عہد قائم کرݨ آلے خون دے ذریعے بھیڈاں دے عظیم آجڑی یعنی ساڈے خُداوند یسُوع کُوں مُردیاں ءچوں زندہ کیتا،

اعمال 10:40

پر خُدا اُونکُوں تریجھے ڈینہہ زندہ کر ڈِتا تے ظاہر وی کیتا۔

اعمال 4:10

تاں تُساں تے ساری اِسرائیلی قوم ایہ جاݨ گِھنے جو یسُوع مسیح ناصری دے ناں نال جِینکُوں تُساں صلیب اُتے چڑھا ڈِتا تے جِینکُوں خُدا مُردیاں ءچوں زندہ کیتا، ایہ بندہ تُہاڈے سامنڑے تندرُست کھڑا ہے۔

اعمال 3:26

خُدا آپنڑے خادم یسُوع کُوں زندہ کر تے پہلے تُہاڈے کولھ بھیجیا تاں جو تُہاڈے ءچوں ہر ہِک کُوں اُوندیاں بدکاریاں تُوں ہٹا تے برکت ڈیوے۔“

اعمال 3:15

تُساں زندگی دے مالک کُوں قتل کر ڈِتا جِینکُوں خُدا مُردیاں ءچوں زندہ کیتا۔ اساں اِیندے گواہ ہیں۔

اعمال 3:13

ابرہام، اِضحاق تے یعقُوب دے خُدا یعنی ساڈے پِیُو ڈاڈا دے خُدا آپنڑے خادم یسُوع کُوں جلال ڈِتے۔ تُساں اُونکُوں پکڑوا ڈِتا تے جِیں ویلے پِیلاطُس اُونکُوں چھوڑ ڈیوݨ دا اِرادہ کیتا تاں تُساں پِیلاطُس دے سامنڑے اُوندا اِنکار کیتا۔

اعمال 2:32

خُدا یسُوع کُوں زندہ کیتا تے اساں سارے اِیں گالھ دے گواہ ہیں۔

یُوحنّا 10:17

میڈا باپ میکُوں اِیں واسطے پیار کریندے، جو مَیں آپنڑی جان قُربان کریندا ہاں تاں جو اُونکُوں ولا گِھن گِھناں۔

یُوحنّا 2:19

یسُوع جواب ءچ اُنہاں کُوں آکھیا ”اِیں ہیکل کُوں سَٹ ڈیؤ تاں مَیں ترے ڈینہہ ءچ ولا کھڑا کر ڈیساں۔“

اعمال 13:33

جو خُدا یسُوع کُوں زندہ کر تے اُنہاں دی اولاد یعنی ساڈے کیتے اُونہی وعدہ کُوں پُورا کیتا۔ جِینویں ڈُوجھے زبُور ءچ لِکھیا ہے جو ’تُوں میڈا پوتر ہیں، اَج مَیں تیڈا باپ بنڑیا۔‘

اعمال 13:34

تے یسُوع دے مُردیاں ءچوں زندہ تھیوݨ تے اُوندے جِسم دے سڑن دے بارے ءچ خُدا اِینویں آکھیا ہے، ’مَیں تیکُوں داؤد نال وعدہ کیتیاں ہوئیاں پاک تے سچیاں نعمتاں ڈیساں۔‘

اعمال 13:37

پر جِینکُوں خُدا زندہ کیتا اُوندے سڑن دی نوبت نئیں آئی۔