اعمال 13:26 - کِتاب مُقدّس سرائیکی ترجمہ

²⁶ بِھراؤ! ابرہام دے فرزندو تے خُدا دا خوف مننڑ آلیو! اِیں نجات دا کلام ساڈے کولھ بھیجیا گِیا۔

اعمال 13:26 Referans Kwoze

کلُسِّیوں 1:5

ایہ اُنہاں اُمید کیتیاں ہوئیاں برکتاں دی وجہ کنُوں ہے جیہڑیاں تُہاڈے کیتے اسمان اُتے رکھیاں ہِن تے جِیندا ذِکر تُساں خوشخبری دے سچے کلام ءچ پہلے سُنڑ گِھدے،

اِفِسیوں 1:13

تے جِیں ویلے تُساں وی سچائی دے کلام کُوں یعنی آپنڑی نجات دی خوشخبری کُوں سُنڑیا تے مسیح اُتے اِیمان گِھن آئے تاں خُدا تُہاڈے اُتے وی وعدہ کیتے ہوئے رُوح القُدس دی مُہر لائی۔

رومیوں 1:16

مَیں خوشخبری کنُوں نئیں شرمیندا کیوں جو او ہر اِیمان گِھن آوݨ آلے دی نجات کیتے خُدا دی قُدرت ہے۔ پہلے یہُودی کیتے، وَل غیریہُودی کیتے۔

لُوقا 1:77

تاں جو اُوندے لوکاں کُوں نجات دا علم بخشیں جیہڑا اُنہاں کُوں گُناہاں دی معافی تُوں حاصل تھیوے۔

لُوقا 1:69

تے آپنڑے خادم داؤد دی اولاد ءچوں ساڈے کیتے ہِک نجات ڈیوݨ آلا بھیجیا،

اعمال 13:46

پولُس تے برنباس دلیری نال آکھنڑ لگے ”لازم ہا جو خُدا دا کلام پہلے تُہاکُوں سُنڑایا ویندا پر کیوں جو تُساں اُونکُوں رَد کریندے ہیوے تے آپنڑے آپ کُوں ہمیشاں دی زندگی دے لائق نئیں سمجھدے تاں ڈیکھو اساں غیر قوماں دو توجہ کریندے ہیں۔

اعمال 13:43

جِیں ویلے عبادت ختم تھی گئی تاں بہُوں سارے یہُودی تے خُدا پرست نومُرید یہُودی پولُس تے برنباس دے پِچُھوں تھی پئے۔ اُنہاں ڈوہائیں، اُنہاں نال مزید گالھیں کیتیاں تے زور ڈے تے آکھیا جو خُدا دے فضل اُتے قائم راہو۔

اعمال 10:35

بلکہ ہر قوم ءچ جیہڑا اُوں کنُوں ڈردے تے راستبازی دے کم کریندے، او اُونکُوں پسند آندے۔

اعمال 5:20

”ونجو ہیکل ءچ کھڑے تھی تے اِیں زندگی دے بارے ءچ سارے گالھیں لوکاں کُوں ڈساؤ۔“

اعمال 4:12

تے کہیں بئے دے وسیلے نجات نئیں مِلدی کیوں جو اسمان دے تلے لوکاں کُوں کوئی ڈُوجھا ناں نئیں بخشیا گِیا جیندے وسیلے نال اساں نجات پا سگوں۔“

لُوقا 24:47

تے اُوندے ناں ءچ یروشلیم کنُوں شروع کر تے ساریاں قوماں ءچ توبہ تے گُناہاں دی معافی دی تبلیغ کیتی ویسی۔

متّی 10:6

بلکہ اِسرائیل دے گھرانڑے دیاں گُم تھیّاں بھیڈاں دے کولھ وَنجائے۔

متّی 3:9

تے آپنڑی اِیں بُھل ءچ نہ رہ ونجو جو ’ابرہام ساڈا پِیُو ہے،‘ کیوں جو مَیں تُہاکُوں آدھا ہاں جو خُدا اِنہاں پتھراں تُوں ابرہام کیتے اولاد پیدا کر سگدے۔

اعمال 16:17

او پولُس تے ساڈے پِچُھوں آ تے چیخنڑ لگ پئی جو ”ایہ لوک خُدا تعالیٰ دے خادم ہِن جیہڑے تُہاکُوں نجات دا رستہ ڈسیندے ہِن۔“

اعمال 3:26

خُدا آپنڑے خادم یسُوع کُوں زندہ کر تے پہلے تُہاڈے کولھ بھیجیا تاں جو تُہاڈے ءچوں ہر ہِک کُوں اُوندیاں بدکاریاں تُوں ہٹا تے برکت ڈیوے۔“

اعمال 28:28

اِیں واسطے مَیں چاہندا ہاں جو تُساں جاݨ گِھنو جو خُدا دی نجات دا پیغام غیریہُودیاں دے کولھ وی بھیجیا گِیا ہے تے او اُونکُوں سُنڑسن۔“

یُوحنّا 6:68

شمعون پطرس اُونکُوں جواب ڈِتا، ”مالک! اساں کیندے کولھ ونجُوں؟ ہمیشاں دی زندگی دے گالھیں تاں تُہاڈے ای کولھ ہِن۔

اعمال 10:2

او بہُوں دیندار ہا تے آپنڑے گھرانڑے سمیت خُدا کنُوں ڈردا ہا، تے یہُودیاں کُوں بہُوں خیرات ڈیندا تے ہر ویلے خُدا کنُوں دُعا کریندا ہا۔

اعمال 22:5

کاہِن ِ اعظم تے سارے بزُرگ میڈے گواہ ہِن جو بِھرانواں کیتے مَیں اُنہاں کنُوں خط گِھدے تے دمشق دو روانہ تھیّا جو اِیں راہ اُتے ٹُرݨ آلے جِتّی اُتھاں ہووݨ، اُنہاں کُوں وی بَدھ تے یروشلیم گِھن آواں تے سزا ڈیواں۔