اعمال 12:3 - کِتاب مُقدّس سرائیکی ترجمہ

³ جِیں ویلے ڈِٹھا جو یہُودیاں کُوں ایہ گالھ پسند آئی تاں بے خمیری روٹی دی عید دے ڈینہاں ءچ پطرس کُوں وی گرفتار کر گِھدا،

اعمال 12:3 Referans Kwoze

اعمال 24:27

ڈُو سالاں بعد فیلِکس دی جاہ پُرکِیُس فیستُس گورنر مقرر تھیّا تے فیلِکس خود کُوں یہُودیاں دا خیر خواہ ثابت کرݨ کیتے پولُس کُوں قید ءچ ای چھوڑ گِیا۔

یُوحنّا 12:43

کیوں جو او اِنسان تُوں عزت پاوݨ، خُدا تُوں عزت پاوݨ کنُوں زیادہ پسند کریندے ہَن۔

اعمال 25:9

پر فیستُس خود کُوں یہُودیاں دا خیر خواہ ثابت کرݨ چاہندا ہا، اِیں واسطے اُوں پولُس کُوں آکھیا، ”کیا تیکُوں یروشلیم ونجنڑ منظور ہے تاں جو مَیں اِیں مقدمہ دا فیصلہ اُتھاں کراں؟“

گلتِیوں 1:10

کیا مَیں ایہ کوشش کریندا پِیا ہاں جو لوک میکُوں پسند کرݨ یا خُدا میکُوں پسند کرے؟ کیا مَیں آدمیاں کُوں خوش کرݨ چاہندا ہاں؟ جے ہُنڑ تئیں آدمیاں کُوں خوش کرݨ دی کوشش ءچ لگا راہندا تاں مسیح دا خادم نہ ہوندا۔

اعمال 20:6

پر اساں بے خمیری روٹی دی عید دے بعد فِلپی کنُوں جہاز ءچ روانہ تھئے تے پنج ڈینہہ بعد تروآس ءچ اُنہاں کُوں وَنج مِلے تے سَت ڈینہہ تئیں اُتھائیں ریہے۔

1تھِسّلُنیکیوں 2:4

بلکہ جِینویں خُدا ساکُوں مقبول بندے سمجھ تے خوشخبری ساڈے سپُرد کیتی ہے، اُونویں ای اساں خوشخبری بیان کریندے ہیں۔ اساں آدمیاں کُوں نئیں بلکہ خُدا کُوں خوش کرݨ چاہندے ہیں جیہڑا ساڈے دِلاں کُوں پرکھدے۔

یُوحنّا 21:18

مَیں تیکُوں سچ آدھا ہاں جو جِیں ویلے تُوں جوان ہَویں تاں آپ ای آپنڑی چیل بدھیندا ہَویں تے جِتھاں دل آدھا ہا ٹُر پوندا ہَویں۔ پر جِیں ویلے تُوں بُڈھا تھی ویسیں تاں تُوں آپنڑے ہتھ ودھیسیں تے کوئی ڈُوجھا تیڈی چیل بدھیسی تے جِتھاں تُوں ونجنڑ وی نہ چاہسیں، تیکُوں گِھن ویسی۔“

یُوحنّا 19:11

یسُوع اُونکُوں جواب ڈِتا ”جے ایہ اِختیار تیکُوں اُتوں نہ مِلیا ہوندا تاں تیڈا میڈے اُتے کوئی اِختیار نہ ہوندا۔ اِیں سببّوں جیہڑے بندے میکُوں تیڈے حوالے کیتے، او زیادہ گُنہگار ہے۔“

متّی 26:17

بے خمیری روٹی دی عید دے پہلے ڈینہہ شاگرداں یسُوع دے کولھ آ تے پُچھیا جو ”تُساں کِتھاں چاہندے ہیوے جو اساں تُہاڈے کیتے فسح کھاوݨ دی تیاری کرُوں؟“

اعمال 4:13

جِیں ویلے اُنہاں پطرس تے یُوحنّا دی جُرأت ڈِٹھی تے معلوم تھیّا جو او اَن پڑھ تے عام بندے ہِن تاں بہُوں حیران تھئے۔ نال نال اُنہاں جاݨ گِھدا جو ایہ ڈوہائیں یسُوع دے نال رہ چُکے ہِن۔

اعمال 2:14

پر پطرس باقی یارہاں دے نال کھڑا تھیّا تے اُچی اواز ءچ لوکاں کُوں آکھیا، ”یہُودی بِھراؤ تے یروشلیم دے سارے راہنڑ آلیو! ایہ جاݨ گِھنو تے میڈی گالھ توجہ نال سُنڑو۔

اعمال 12:4

تے اُونکُوں پکڑ تے قید کر ڈِتا تے پہرے کیتے چار چار سپاہیاں دے چار پہریاں ءچ رکھیا، اِیں اِرادے نال جو عید ِ فسح دے بعد اُونکُوں لوکاں دے سامنڑے پیش کرے۔