اعمال 12:19 - کِتاب مُقدّس سرائیکی ترجمہ

¹⁹ جِیں ویلے ہیرودیس اُونکُوں تلاش کروایا تے اُوندا پتہ نہ چلیا تاں پہرےداراں دی پُچھ گچھ کر تے اُنہاں دے قتل دا حُکم ڈِتا۔ وَل او یہُودیہ کُوں چھوڑ تے قیصریہ ءچ ٹِکیا ریہا۔

اعمال 12:19 Referans Kwoze

اعمال 16:27

داروغہ جاگ پِیا تے جِیں ویلے اُوں قید خانہ دے دروازے کُھلے ڈِٹھے تاں سمجھیا جو سارے قیدی قید خانہ ءچوں نِکل تے بھج گئے ہِن۔ بس اُوں آپنڑی تلوار چاتی تے آپنڑے آپ کُوں مارݨ آلا ہا۔

اعمال 21:8

ڈُوجھے ڈینہہ اساں روانہ تھئے تے قیصریہ ءچ پُج تے فِلپُس ناں دے ہِک بندے دے گھر ٹِکے جیہڑا نجات دی خوشخبری سُنڑیندا ہا تے یروشلیم ءچ چُنڑے ہوئے سَت مددگاراں ءچوں ہا۔

اعمال 12:6

جِیں ویلے ہیرودیس اُونکُوں پیشی کیتے گِھن آوݨ آلا ہا تاں اُونہی رات پطرس ڈُو زنجیراں نال بدھیا ہویا، ڈُو سپاہیاں دے اَدھ ءچ سُتا پِیا ہا تے پہرے دار دروازہ اُتے قید خانہ دی نگہبانی کریندے پئے ہَن۔

اعمال 12:4

تے اُونکُوں پکڑ تے قید کر ڈِتا تے پہرے کیتے چار چار سپاہیاں دے چار پہریاں ءچ رکھیا، اِیں اِرادے نال جو عید ِ فسح دے بعد اُونکُوں لوکاں دے سامنڑے پیش کرے۔

اعمال 8:40

وَل فِلپُس اشدُود ءچ وَنج نِکلیا تے قیصریہ ءچ پُجنڑ تئیں سارے شہراں ءچ خوشخبری سُنڑیندا گِیا۔

متّی 2:13

اُنہاں دے ونجنڑ تُوں بعد رب دا ہِک فرشتہ یُوسف کُوں خواب ءچ ڈِکھالی ڈِتا تے آکھنڑ لگا، ”اُٹھی۔ بال تے اُوندی ماء کُوں نال گِھن تے مِصر دو بھج وَنج، تے جئیں تئیں مَیں نہ آکھاں اُتھائیں رہوائے، کیوں جو ہیرودیس اِیں بال کُوں گولھ تے مارݨ چاہندے۔“

اعمال 27:42

سپاہیاں دی صلاح ہئی جو قیدیاں کُوں مار سٹنڑ کِتھائیں اِینویں نہ تھیوے جو اُنہاں ءچوں کوئی تیر تے بھج ونجے۔

اعمال 25:13

کُجھ ڈینہہ بعد اگرِپّا بادشاہ تے برنِیکے، قیصریہ آئے تاں جو فیستُس نال مُلاقات کر سگنڑ۔

متّی 2:16

جِیں ویلے ہیرودیس کُوں پتہ لگیا جو مجُوسیاں میڈے نال دوکھا کیتے تاں اُونکُوں بہُوں کاوڑ لگی۔ اُوں بیت لحم تے اُوندے چودھارُوں سپاہی بھیج تے سارے بالاں کُوں جیہڑے ڈُو سال یا اِیں تُوں چھوٹے ہَن قتل کروا ڈِتا، اُوں ویلے دے حساب نال جیہڑی اُوں مجُوسیاں تُوں تحقیق کیتی ہئی۔

متّی 2:1

یسُوع، ہیرودیس بادشاہ دے زمانے ءچ یہُودیہ علاقے دے بیت لحم ءچ جمیا۔ اُوں ویلے سِجھ اُبھار تُوں مجُوسی یروشلیم ءچ ایہ پُچھدے ہوئے آئے جو

اعمال 12:18

جِیں ویلے سویل تھئی تاں سپاہی بہُوں گھبرا گئے جو پطرس نال کیا تھئے۔