اعمال 11:3 - کِتاب مُقدّس سرائیکی ترجمہ

³ جو ”تُوں غیریہُودیاں کولھ گِیا تے اُنہاں نال کھانڑا کھادے۔“

اعمال 11:3 Referans Kwoze

اعمال 10:28

اُنہاں کُوں آکھیا، ”تُساں جانڑدے ہیوے جو کہیں یہُودی دا غیریہُودی نال اُٹھنڑ باہنڑ یا اُوندے کولھ ونجنڑ شرع دے خلاف ہے پر خُدا میڈے اُتے ظاہر کیتے جو مَیں کہیں بندے کُوں پلیت یا ناپاک نہ آکھاں۔

گلتِیوں 2:12

اِیں واسطے جو یعقُوب دی طرفوں کُجھ لوکاں دے آوݨ کنُوں پہلے پطرس غیر قوماں دے نال کھانڑا کھاندا ہا پر جِیں ویلے او لوک اُتھاں پُجے تاں پطرس ختنہ کرواوݨ اُتے زور ڈیوݨ آلیاں دے ڈر کنُوں رُک گِیا تے غیر قوماں تُوں اَنج تھی گِیا۔

لُوقا 15:2

تے فریسی تے شریعت دے عالم شکایت کر تے آدھے ہَن جو ”ایہ بندہ گُنہگاراں کُوں مِلدے تے اُنہاں دے نال کھانڑا کھاندے۔“

2 یُوحنّا 1:10

جے کوئی تُہاڈے کولھ آوے پر ایہ تعلیم نہ ڈیوے تاں اُونکُوں آپنڑے گھر ءچ داخل نہ تھیوݨ ڈیؤ بلکہ سلام وی نہ کرو۔

1کُرِنتھِیوں 5:11

پر مَیں ایہ لِکھیا ہا جو جے کوئی اِیمان ءچ بِھرا اکھویندے تے وَل وی زِناکار، لالچی، بُتاں دا مننڑ آلا، مندھے کڈھنڑ آلا، شرابی یا ٹَھگ ہووے تاں اُوندے نال تعلق نہ رکھائے بلکہ ایجھیاں نال کھانڑا تئیں نہ کھوائے۔

اعمال 10:48

تے اُوں حُکم ڈِتا جو یسُوع مسیح دے ناں نال بپتسمہ ڈِتا ونجے۔ وَل اُنہاں پطرس کُوں درخاست کیتی جو ساڈے نال کُجھ ڈینہہ بِیا ٹِک۔

اعمال 10:23

بس پطرس اُنہاں کُوں اندر سڈ تے اُنہاں دی مہمان داری کیتی۔ سویل نال او اُٹھی تے اُنہاں نال روانہ تھیّا تے یافا ءچوں کُجھ بِھرا اُوندے نال تھی پئے،

متّی 9:11

فریسیاں ایہ ڈِٹھا تاں اُوندے شاگرداں کُوں آکھیا، ”تُہاڈا اُستاد محصُول گِھننڑ آلیاں تے گُنہگاراں دے نال کیوں کھاندے؟“

یُوحنّا 18:28

وَل یہُودی راہنما سویل نال یسُوع کُوں کائفا دے کولُھوں رومی گورنر دے قلعہ ءچ گِھن گئے۔ پر او خود قلعہ دے اندر نہ گئے تاں جو ناپاک نہ تھی ونجنڑ بلکہ فسح دا کھانڑا کھا سگنڑ۔

اعمال 10:32

بس کہیں کُوں یافا بھیج تے شمعون کُوں جیہڑا پطرس اکھویندے آپنڑے کولھ سڈ۔ او سمندر دے کنارے شمعون چم رنگنڑ آلے دے گھر مہمان ہے۔‘