اعمال 11:26 - کِتاب مُقدّس سرائیکی ترجمہ

²⁶ تے جِیں ویلے او مِلیا تاں اُونکُوں انطاکِیہ ءچ گِھن آیا۔ تے ساؤل تے برنباس ہِک سال تئیں اُتھاں دی کلیسیا ءچ شامل تھیندے تے بہُوں سارے لوکاں کُوں تعلیم ڈیندے ریہے۔ شاگرد پہلی پھیری انطاکِیہ ءچ ای مسیحی اکھوائے۔

اعمال 11:26 Referans Kwoze

1 پطرس 4:16

پر جے کوئی مسیح دا بندہ ہووݨ دے سببّوں ڈُکھ چاوے تاں شرماوے نہ بلکہ خُدا دی تعریف کرے جو او اِیں ناں تُوں سڈیا ویندے۔

اعمال 26:28

اگرِپّا پولُس کُوں آکھیا، ”کیا تُوں سوچیندیں جو میکُوں تھوڑی جیہی تبلیغ کر تے مسیحی بنڑݨ اُتے قائل کر سگدیں؟“

1 یُوحنّا 2:27

پر رُوح القُدس جیندے نال مسیح تُہاکُوں مسح کیتے، تُہاڈے دِلاں ءچ قائم راہندے، اِیں واسطے ضرورت کائنی جو کوئی تُہاکُوں سِکھاوے۔ رُوح القُدس ای تُہاکُوں سارے گالھیں سکھیندے تے جیہڑا کُجھ او سکھیندے، سچائی ہے کُوڑ نئیں۔ بس جِینویں اُوں تُہاکُوں سِکھائے، اُونویں ای تُساں مسیح ءچ قائم راہو۔

1 پطرس 4:14

جے مسیح دے ناں دے سببّوں تُہاڈی بے عزتی کیتی ویندی ہے تاں تُساں مُبارک ہیوے کیوں جو خُدا دا جلالی رُوح القُدس تُہاڈے اُتے چھاں کیتی پئے۔

اِفِسیوں 3:15

جیندے تُوں اسمان تے زمین دے ہر خاندان کُوں ناں مِلے۔

1کُرِنتھِیوں 14:23

جے ساری کلیسیا ہِک جاہ جمع ہووے تے سارے دے سارے غیر زباناں بولنڑ لگ پووݨ تے کُجھ ناواقف یا غیر اِیماندار لوک اندر آ ونجنڑ تاں کیا او تُہاکُوں پاگل نہ سمجھسن؟

1کُرِنتھِیوں 12:12

جِینویں اِنسانی بدن ہِک ہے تے اُوندے بہُوں سارے اَنگ ہِن تے او سبھ اَنگ رَل تے ہِک بدن بنڑیندن، اُونویں ای مسیح دا بدن وی ہے۔

1کُرِنتھِیوں 11:18

پہلی گالھ ایہ ہے جو مَیں سُنڑے جو جِیں ویلے تُساں کلیسیا دے طور تے جمع تھیندے ہیوے تاں تُہاڈے ءچ تفرقے تھیندے ہِن۔ تے میکُوں کہیں حد تئیں اِیں گالھ دا یقین وی ہے۔

1کُرِنتھِیوں 4:17

اِیں واسطے مَیں تِیمُتِھیُس کُوں جیہڑا خُداوند یسُوع ءچ میڈا عزیز تے وفادار فرزند ہے، تُہاڈے کولھ بھجیندا پِیا ہاں۔ او تُہاکُوں میڈے او طریقے یاد ڈیویسی جِنہاں اُتے مَیں یسُوع مسیح ءچ ہوندے ہوئے عمل کریندا ہاں تے جیہڑے مَیں ہر جاہ تے ہر کلیسیا ءچ سکھیندا ہاں۔

اعمال 14:27

اُتھاں پُج تے اُنہاں کلیسیا کُوں کٹھا کر تے او سبھ ڈسایا جیہڑا کُجھ خُدا اُنہاں دے ذریعے کیتا ہا تے ایہ جو اُوں غیر قوماں کیتے اِیمان دا دروازہ کھول ڈِتے۔

متّی 28:19

اِیں واسطے تُساں ونجو تے ساریاں قوماں کُوں شاگرد بنڑاؤ تے اُنہاں کُوں باپ تے بیٹے تے رُوح القُدس دے ناں ءچ بپتسمہ ڈیؤ۔

مُکاشفہ 3:18

میڈا مشورہ ایہ ہے جو مَیں کنُوں بھاہ ءچ خالص کیتا ہویا سونا مُل گِھن چا، تاں جو دولت مند تھی ونجیں تے مَیں کنُوں چِٹے کپڑے گِھن چا، تاں جو اُنہاں کُوں پا تے تیکُوں ننگا تھیوݨ دے سببّوں شرمندہ نہ تھیونڑا پووے تے آپنڑے اکھیں ءچ پاوݨ کیتے سُرمہ گِھن چا، تاں جو ڈیکھ سگیں۔

اعمال 14:23

اُنہاں ہر کلیسیا ءچ بزُرگاں کُوں مقرر کیتا تے روزہ رکھ تے، تے دُعاواں کر تے اُنہاں کُوں خُداوند دے سپُرد کیتا جئیں اُتے او اِیمان گِھن آئے ہَن۔

اعمال 11:27

اُونہی ڈینہاں ءچ کُجھ نبی یروشلیم کنُوں انطاکِیہ ءچ آئے۔

اعمال 11:22

اُنہاں لوکاں دی خبر یروشلیم دی کلیسیا دے کَناں تئیں پُجی تے اُنہاں برنباس کُوں انطاکِیہ تئیں بھیجیا۔

اعمال 11:20

پر اُنہاں ءچوں کُجھ کُپرُس تے کُرین دے ہَن۔ او انطاکِیہ ءچ آ تے یُونانیاں کُوں وی خُداوند یسُوع دی خوشخبری دے گالھیں سُنڑاوݨ لگے۔

اعمال 6:5

ایہ گالھ ساری جماعت کُوں پسند آئی۔ بس اُنہاں ستِفُنس ناں دے ہِک بندے کُوں جیہڑا اِیمان تے رُوح القُدس نال بھریا ہویا ہا تے فِلپُس، پرُخُرس، نِیکانور، تِیمون، پرمناس تے نیکُلاؤس کُوں چُنڑ گِھدا۔ نیکُلاؤس انطاکِیہ دا نو مُرید یہُودی ہا۔

یُوحنّا 2:2

یسُوع تے اُوندے شاگرداں دی وی اُوں شادی ءچ دعوت ہئی۔

اعمال 1:15

اُنہاں ڈینہاں ءچ پطرس بِھرانواں دی جماعت ءچ جیہڑے تقریباً ہِک سو وِیہہ دے نیڑے ہَن، کھڑا تھی تے آکھنڑ لگا،

اعمال 6:1

اُنہاں ڈینہاں ءچ جِیں ویلے شاگرداں دی تعداد ودھدی ویندی ہئی تاں یُونانی بولنڑ آلے یہُودی، عبرانیاں دی شکایت کرݨ لگے جو ہر روز جِیں ویلے کھانڑا تقسیم تھیندا ہے تاں ساڈیاں بیوہ عورتاں کُوں نظر انداز کیتا ویندے۔

اعمال 9:19

وَل کُجھ کھا تے طاقت پائی۔ ساؤل کئی ڈینہہ اُنہاں شاگرداں نال ریہا جیہڑے دمشق ءچ ہَن۔

اعمال 9:38

تے کیوں جو لُدہ یافا دے نیڑے ای ہا، شاگرداں ایہ سُنڑ تے جو پطرس لُدہ ءچ ہے، ڈُو بندے بھیجے تے اُونکُوں درخاست کیتی جو ”جلدی اِتھاں آ ونجو۔“

اعمال 11:29

بس شاگرداں فیصلہ کیتا جو آپنڑی آپنڑی مالی حیثیت دے مطابق، یہُودیہ ءچ راہنڑ آلے بِھرانواں دی مدد کیتے کُجھ نہ کُجھ بھیجُوں۔

اعمال 14:20

پر جِیں ویلے شاگرد اُوندے چودھارُوں آ کھڑے تھئے تاں او اُٹھی تے شہر ءچ آیا تے ڈُوجھے ڈینہہ برنباس نال دِربے چلیا گِیا۔

اعمال 14:22

تے شاگرداں دے دِلاں کُوں مضبوط کریندے تے ایہ نصیحت کریندے ہَن جو ”آپنڑے اِیمان اُتے قائم راہو“ تے آدھے ہَن ”ضرور ہے جو اساں بہُوں ساریاں مُصیبتاں سہہ تے خُدا دی بادشاہی ءچ داخل تھیؤں۔“

اعمال 14:28

تے او شاگرداں دے کولھ بہُوں عرصہ تئیں ٹِکے ریہے۔

اعمال 18:27

جِیں ویلے اپُلّوس سمندر پار اَخیہ ونجنڑ دا اِرادہ کیتا تاں بِھرانواں اُوندی ہِمت ودھائی تے اُتھوں دے شاگرداں کُوں لِکھیا جو اُونکُوں گرم جوشی نال مِلنڑ۔ اُتھاں پُج تے اُوں لوکاں دی بہُوں مدد کیتی جیہڑے خُدا دے فضل نال اِیمان گِھن آئے ہَن۔

اعمال 19:9

پر اُنہاں ءچوں کُجھ سخت دل تھی تے اِیمان نہ گِھن آئے بلکہ مسیح دی اِیں راہ کُوں لوکاں دے سامنڑے بُرا بھلا آکھنڑ لگے تاں پولُس اُنہاں کُوں چھوڑ ڈِتا۔ او مسیحی شاگرداں کُوں نال گِھن تے تُرنّس دے سکُول ءچ وَنج تے ہر روز بحث کریندا راہندا ہا۔

اعمال 20:1

جِیں ویلے افراتفری ختم تھی گئی تاں پولُس شاگرداں کُوں سڈ تے نصیحت کیتی تے اُنہاں کنُوں رُخصت تھی تے مَکِدُنیہ کیتے روانہ تھی گِیا۔

اعمال 20:30

بلکہ تُہاڈے ءچوں ای ایجھے لوک اُٹھسن جیہڑے حق کُوں تروڑ مروڑ تے پیش کریسن تاں جو شاگرداں کُوں آپنڑے پاسے چھیک گِھننڑ۔

اعمال 21:4

اُتھاں راہنڑ آلے شاگرداں کُوں گولھ تے اساں اُنہاں نال سَت ڈینہہ تئیں ریہے۔ اُنہاں رُوح دی ہدایت نال پولُس کُوں یروشلیم ونجنڑ تُوں منع کیتا۔

یعقُوب 2:7

کیا ایہ لوک مسیح دے ناں دی توہین نئیں کریندے جیندے ناں تُوں تُساں اکھویندے ہیوے؟