اعمال 11:24 - کِتاب مُقدّس سرائیکی ترجمہ

²⁴ او نیک بندہ ہا تے اِیمان تے رُوح القُدس نال بھریا ہویا ہا۔ تے بہُوں سارے لوک خُداوند دی کلیسیا ءچ شامل تھی گئے۔

اعمال 11:24 Referans Kwoze

اعمال 11:21

خُداوند دا ہتھ اُنہاں اُتے ہا تے بہُوں سارے لوک اِیمان گِھن آ تے خُداوند دو رجُوع تھئے۔

اعمال 5:14

اِیندے باوجود بہُوں سارے مرد تے عورتاں اِیمان گِھن آئے تے خُداوند دے مننڑ آلیاں دی تعداد ودھدی ویندی ہئی۔

اعمال 6:5

ایہ گالھ ساری جماعت کُوں پسند آئی۔ بس اُنہاں ستِفُنس ناں دے ہِک بندے کُوں جیہڑا اِیمان تے رُوح القُدس نال بھریا ہویا ہا تے فِلپُس، پرُخُرس، نِیکانور، تِیمون، پرمناس تے نیکُلاؤس کُوں چُنڑ گِھدا۔ نیکُلاؤس انطاکِیہ دا نو مُرید یہُودی ہا۔

رومیوں 15:15

وَل وی مَیں کُجھ گالھیں بہُوں دلیری نال تُہاکُوں یاد ڈیواوݨ کیتے لِکھیاں ہِن۔ خُدا میڈے اُتے فضل کیتے

اعمال 9:31

بس پُورے یہُودیہ، گلیل تے سامریہ ءچ کلیسیا کُوں سکون تھی گِیا تے اُوندی ترقی تھیندی گئی۔ او خُداوند دے خوف ءچ زندگی گُزار تے، تے رُوح القُدس دی مدد نال گِنتری ءچ ودھدی ویندی ہئی۔

اعمال 6:8

ستِفُنس فضل تے قوت نال بھریا ہویا لوکاں ءچ وڈے وڈے عجیب کم تے معجزے ظاہر کریندا ہا۔

اعمال 6:3

اِیں واسطے بِھراؤ! آپنڑے ءچوں سَت نیک ناں بندے چُنڑ گِھنو جیہڑے رُوح القُدس تے دانائی نال بھرے ہووݨ جو اساں اُنہاں کُوں اِیں کم کیتے مقرر کرُوں۔

رومیوں 5:7

کہیں راستباز دی خاطر وی کوئی مُشکل نال آپنڑی جان ڈیسی پر شاید کوئی کہیں نیک بندے کیتے آپنڑی جان ڈیوݨ دی جُرأت کرے۔

اعمال 24:16

اِیں واسطے میڈی تاں اِیہو کوشش راہندی ہے جو خُدا تے اِنسان ڈوہائیں دے سامنڑے میڈی نیّت نیک راہوے۔

یُوحنّا 7:12

تے لوک اُوندے بارے ءچ ہولے ہولے گالھیں کریندے پئے ہَن۔ کُجھ آدھے ہَن جو ”او نیک بندہ ہے“ تے کُجھ آدھے ہَن جو ”کائنی، او لوکاں کُوں گُمراہ کریندے۔“

لُوقا 23:50

اُتھاں یُوسف ناں دا ہِک نیک تے راستباز بندہ ہا جیہڑا صدر عدالت دا ممبر ہا،

متّی 19:17

اُوں اُونکُوں آکھیا جو ”تُوں مَیں کنُوں نیکی بارے کیوں پُچھدیں؟ نیک تاں بس ہِک ای ہے پر جے تُوں زندگی ءچ داخل تھیوݨ چاہندیں تاں حُکماں اُتے عمل کر۔“

متّی 12:35

چنگا بندہ آپنڑے دل دے چنگے خزانے ءچوں چنگیاں چیزاں کڈھیندے تے بُرا بندہ بُرے خزانے ءچوں بُریاں چیزاں کڈھیندے۔

اعمال 2:4

تے او سارے رُوح القُدس نال بھریج گئے تے مختلف زباناں بولنڑ لگے جِینویں رُوح اُنہاں کُوں قابلیت بخشی ہئی۔

اعمال 2:47

تے خُدا دی حمد کریندے تے سارے لوکاں دی نظر ءچ مقبول ہَن۔ تے خُداوند ہر روز نجات پاوݨ آلیاں کُوں جماعت ءچ شامل کر ڈیندا ہا۔