اعمال 11:20 - کِتاب مُقدّس سرائیکی ترجمہ

²⁰ پر اُنہاں ءچوں کُجھ کُپرُس تے کُرین دے ہَن۔ او انطاکِیہ ءچ آ تے یُونانیاں کُوں وی خُداوند یسُوع دی خوشخبری دے گالھیں سُنڑاوݨ لگے۔

اعمال 11:20 Referans Kwoze

اعمال 13:1

انطاکِیہ دی کلیسیا ءچ کئی نبی تے اُستاد ہَن یعنی برنباس تے شمعون جیہڑا کالا اکھویندے تے لُوکِیُس کُرینی تے مناہیم جیہڑا چوتھائی مُلک دے حاکم ہیرودیس دے نال پلیا ہا تے ساؤل۔

متّی 27:32

جِیں ویلے باہر آئے تاں اُنہاں کُوں کُرین شہر دا ہِک بندہ مِلیا جِیندا ناں شمعون ہا۔ اُنہاں ونگار ءچ اُونکُوں پکڑیا جو او یسُوع دی صلیب چاوے،

اِفِسیوں 3:8

بھانویں میں مُقدّساں ءچوں ساریاں کنُوں چھوٹا ہاں، وَل وی میڈے اُتے ایہ فضل تھئے جو مَیں غیر قوماں کُوں مسیح دی بے حد دولت دی خوشخبری سُنڑاواں،

اعمال 6:9

کُرینی، اِسکندرِیہ، کلکیہ تے آسِیہ دے کُجھ لوک اُوں عبادت خانہ دے ہَن جیہڑا آزاد کیتے گئے غُلاماں دا اکھویندے۔ او ستِفُنس نال بحث کرݨ لگے۔

اعمال 2:10

فروگیہ، پمفِیلیہ، مِصر تے لِبیا دے اُوں علاقے دے راہنڑ آلے ہیں جیہڑا کُرینے دے نیڑے ہے۔ تے اِتھاں رومی مسافر

1کُرِنتھِیوں 2:2

کیوں جو مَیں فیصلہ کر گِھدا ہا جو تُہاڈے ءچ یسُوع المسیح بلکہ اُوندے صلیب اُتے چڑھائے ونجنڑ دی تبلیغ دے علاوہ کوئی بئی گالھ نہ کریساں۔

اعمال 17:18

کُجھ اِپکُوری تے ستوئیکی فیلسُوف اُوندے نال بحث ءچ پے گئے۔ اُنہاں ءچوں کُجھ آکھیا جو ”ایہ بکواسی کیا آکھنڑ چاہندا ہے؟“ کُجھ ایہ آکھنڑ لگے جو ”ایہ تاں اجنبی دیوتیاں دی خبر ڈیوݨ آلا لگدے۔“ کیوں جو پولُس یسُوع تے قیامت دی خوشخبری ڈیندا ہا۔

اعمال 9:29

تے یُونانی بولنڑ آلے یہُودیاں نال گالھیں تے بحث وی کریندا ہا۔ پر او اُونکُوں قتل کرݨ دی کوشش کرݨ لگے۔

اعمال 9:20

تے فوراً عبادت خانیاں ءچ یسُوع دی تبلیغ کرݨ لگا جو او خُدا دا پوتر ہے۔

اعمال 8:35

فِلپُس خُدا دے کلام دی اُوں جاہ تُوں شروع کر تے اُونکُوں یسُوع دے بارے ءچ خوشخبری ڈِتی۔

اعمال 8:5

تے فِلپُس سامریہ شہر ءچ وَنج تے لوکاں ءچ المسیح دی تبلیغ کرݨ لگا۔

اعمال 5:42

تے او ہیکل تے گھراں ءچ ہر روز تعلیم ڈیوݨ تے اِیں گالھ دی خوشخبری سُنڑاوݨ تُوں باز نہ آئے جو یسُوع ای المسیح ہے۔

اعمال 4:36

لاوی قبیلے دا یُوسف ناں دا ہِک بندہ ہا جیہڑا کُپرُس دا راہنڑ آلا ہا۔ رسُولاں اُوندا ناں برنباس رکھیا ہا جِیندا مطلب ہے حوصلہ ڈیوݨ آلا۔

یُوحنّا 7:35

یہُودی آپس ءچ آکھنڑ لگے، ”ایہ کِتھاں ویسی جو اساں اُونکُوں گولھ نہ سگسوں؟ کیا او اُنہاں دے کولھ جیہڑے یُونانیاں ءچ اِڈے اُڈے وسدے ہِن چلیا ویسی تے یُونانیاں کُوں تعلیم ڈیسی؟

اعمال 6:1

اُنہاں ڈینہاں ءچ جِیں ویلے شاگرداں دی تعداد ودھدی ویندی ہئی تاں یُونانی بولنڑ آلے یہُودی، عبرانیاں دی شکایت کرݨ لگے جو ہر روز جِیں ویلے کھانڑا تقسیم تھیندا ہے تاں ساڈیاں بیوہ عورتاں کُوں نظر انداز کیتا ویندے۔

اعمال 6:5

ایہ گالھ ساری جماعت کُوں پسند آئی۔ بس اُنہاں ستِفُنس ناں دے ہِک بندے کُوں جیہڑا اِیمان تے رُوح القُدس نال بھریا ہویا ہا تے فِلپُس، پرُخُرس، نِیکانور، تِیمون، پرمناس تے نیکُلاؤس کُوں چُنڑ گِھدا۔ نیکُلاؤس انطاکِیہ دا نو مُرید یہُودی ہا۔

اعمال 11:19

بس جیہڑے لوک اُوں مُصیبت پارُوں جِیندا آغاز ستِفُنس دی موت تُوں تھیّا ہا، کِھنڈ گئے ہَن، او پِھردے پِھردے فینیکے تے کُپرُس تے انطاکِیہ ءچ پُجے پر یہُودیاں دے علاوہ کہیں بئے کُوں کلام نہ سُنڑیندے ہَن۔

اعمال 11:22

اُنہاں لوکاں دی خبر یروشلیم دی کلیسیا دے کَناں تئیں پُجی تے اُنہاں برنباس کُوں انطاکِیہ تئیں بھیجیا۔

اعمال 11:26

تے جِیں ویلے او مِلیا تاں اُونکُوں انطاکِیہ ءچ گِھن آیا۔ تے ساؤل تے برنباس ہِک سال تئیں اُتھاں دی کلیسیا ءچ شامل تھیندے تے بہُوں سارے لوکاں کُوں تعلیم ڈیندے ریہے۔ شاگرد پہلی پھیری انطاکِیہ ءچ ای مسیحی اکھوائے۔

اعمال 11:27

اُونہی ڈینہاں ءچ کُجھ نبی یروشلیم کنُوں انطاکِیہ ءچ آئے۔

اعمال 14:26

اُتھوں او جہاز اُتے سوار تھی تے ولا انطاکِیہ گئے جِتھاں اُنہاں کُوں اُوں خدمت کیتے جیہڑی اُنہاں ہُنڑ پُوری کر گِھدی ہئی خُدا دے فضل دے سپُرد کیتا گِیا ہا۔

اعمال 15:22

وَل رسُولاں تے بزُرگاں ساری کلیسیا سمیت مناسب سمجھیا جو آپنڑے ءچوں کُجھ بندیاں کُوں چُنڑ تے پولُس تے برنباس دے نال انطاکِیہ بھیجنڑ یعنی یہُوداہ کُوں جیہڑا برسبّا اکھویندے تے سِیلاس کُوں۔ ایہ بِھرانواں ءچ قابل ِ احترام ہَن۔

اعمال 15:23

تے اُنہاں دے ہتھ ایہ خط بھیجیا جو رسُولاں تے بزُرگ بِھرانواں دی طرفوں انطاکِیہ، سُوریہ تے کلکیہ دے اُنہاں مسیحی بِھرانواں کُوں جیہڑے غیر قوماں ءچوں ہِن، سلام پُجے۔

اعمال 15:30

بس او روانہ تھی تے انطاکِیہ پُجے تے جماعت کُوں کٹھا کر تے خط ڈے ڈِتا۔

اعمال 18:22

او قیصریہ ءچ پُج تے یروشلیم چلیا گِیا تے کلیسیا کُوں سلام کیتا تے وَل انطاکِیہ دو روانہ تھی گِیا۔

گلتِیوں 2:11

پر جِیں ویلے پطرس انطاکِیہ ءچ آیا تاں مَیں اُوندے سامنڑے اُوندی مخالفت کیتی کیوں جو او ملامت دے لائق ہا۔