اعمال 11:19 - کِتاب مُقدّس سرائیکی ترجمہ

¹⁹ بس جیہڑے لوک اُوں مُصیبت پارُوں جِیندا آغاز ستِفُنس دی موت تُوں تھیّا ہا، کِھنڈ گئے ہَن، او پِھردے پِھردے فینیکے تے کُپرُس تے انطاکِیہ ءچ پُجے پر یہُودیاں دے علاوہ کہیں بئے کُوں کلام نہ سُنڑیندے ہَن۔

اعمال 11:19 Referans Kwoze

اعمال 21:2

اُتھاں ہِک جہاز مِلیا جیہڑا سِدھا فینیکے ویندا پِیا ہا۔ اساں اُوندے ءچ سوار تھی تے روانہ تھئے۔

اعمال 15:35

پر پولُس تے برنباس انطاکِیہ ءچ ای کھڑ گئے تے بہُوں سارے بئے لوکاں نال خُداوند دا کلام سکھیندے تے اُوندی تبلیغ کریندے ریہے۔

اعمال 15:22

وَل رسُولاں تے بزُرگاں ساری کلیسیا سمیت مناسب سمجھیا جو آپنڑے ءچوں کُجھ بندیاں کُوں چُنڑ تے پولُس تے برنباس دے نال انطاکِیہ بھیجنڑ یعنی یہُوداہ کُوں جیہڑا برسبّا اکھویندے تے سِیلاس کُوں۔ ایہ بِھرانواں ءچ قابل ِ احترام ہَن۔

اعمال 15:3

بس کلیسیا اُنہاں کُوں روانہ کیتا تے او فینیکے تے سامریہ ءچوں تھیندے ہوئے، غیر قوماں دا مسیح اُتے اِیمان گِھن آوݨ دا بیان کریندے گئے تے اِیں خبر نال سبھ بِھرانواں کُوں خوش کریندے گئے۔

اعمال 4:36

لاوی قبیلے دا یُوسف ناں دا ہِک بندہ ہا جیہڑا کُپرُس دا راہنڑ آلا ہا۔ رسُولاں اُوندا ناں برنباس رکھیا ہا جِیندا مطلب ہے حوصلہ ڈیوݨ آلا۔

گلتِیوں 2:11

پر جِیں ویلے پطرس انطاکِیہ ءچ آیا تاں مَیں اُوندے سامنڑے اُوندی مخالفت کیتی کیوں جو او ملامت دے لائق ہا۔

اعمال 21:16

قیصریہ دے کُجھ شاگرد وی ساڈے نال ٹُر پئے تے ساکُوں مَنَاسون دے گھر گِھن آئے جِتھاں اساں ٹِکنڑاں ہا۔ مَنَاسون کُپرُس دا راہنڑ آلا ہا تے پُرانڑے شاگرداں ءچوں ہا۔

اعمال 18:22

او قیصریہ ءچ پُج تے یروشلیم چلیا گِیا تے کلیسیا کُوں سلام کیتا تے وَل انطاکِیہ دو روانہ تھی گِیا۔

اعمال 15:39

بس اُنہاں ءچ ایجھی تکرار تھئی جو او ہِک بئے کنُوں اَنج تھی گئے۔ برنباس مرقس کُوں گِھن تے جہاز ءچ کُپرُس روانہ تھیّا۔

اعمال 13:46

پولُس تے برنباس دلیری نال آکھنڑ لگے ”لازم ہا جو خُدا دا کلام پہلے تُہاکُوں سُنڑایا ویندا پر کیوں جو تُساں اُونکُوں رَد کریندے ہیوے تے آپنڑے آپ کُوں ہمیشاں دی زندگی دے لائق نئیں سمجھدے تاں ڈیکھو اساں غیر قوماں دو توجہ کریندے ہیں۔

اعمال 13:4

بس او ڈوہائیں رُوح القُدس دے بھیجے ہوئے، سِلُوکیہ گئے تے اُتھوں کنُوں جہاز اُتے کُپرُس چلے گئے۔

اعمال 13:1

انطاکِیہ دی کلیسیا ءچ کئی نبی تے اُستاد ہَن یعنی برنباس تے شمعون جیہڑا کالا اکھویندے تے لُوکِیُس کُرینی تے مناہیم جیہڑا چوتھائی مُلک دے حاکم ہیرودیس دے نال پلیا ہا تے ساؤل۔

اعمال 3:26

خُدا آپنڑے خادم یسُوع کُوں زندہ کر تے پہلے تُہاڈے کولھ بھیجیا تاں جو تُہاڈے ءچوں ہر ہِک کُوں اُوندیاں بدکاریاں تُوں ہٹا تے برکت ڈیوے۔“

یُوحنّا 7:35

یہُودی آپس ءچ آکھنڑ لگے، ”ایہ کِتھاں ویسی جو اساں اُونکُوں گولھ نہ سگسوں؟ کیا او اُنہاں دے کولھ جیہڑے یُونانیاں ءچ اِڈے اُڈے وسدے ہِن چلیا ویسی تے یُونانیاں کُوں تعلیم ڈیسی؟

متّی 10:6

بلکہ اِسرائیل دے گھرانڑے دیاں گُم تھیّاں بھیڈاں دے کولھ وَنجائے۔

اعمال 6:5

ایہ گالھ ساری جماعت کُوں پسند آئی۔ بس اُنہاں ستِفُنس ناں دے ہِک بندے کُوں جیہڑا اِیمان تے رُوح القُدس نال بھریا ہویا ہا تے فِلپُس، پرُخُرس، نِیکانور، تِیمون، پرمناس تے نیکُلاؤس کُوں چُنڑ گِھدا۔ نیکُلاؤس انطاکِیہ دا نو مُرید یہُودی ہا۔

اعمال 11:20

پر اُنہاں ءچوں کُجھ کُپرُس تے کُرین دے ہَن۔ او انطاکِیہ ءچ آ تے یُونانیاں کُوں وی خُداوند یسُوع دی خوشخبری دے گالھیں سُنڑاوݨ لگے۔

اعمال 11:22

اُنہاں لوکاں دی خبر یروشلیم دی کلیسیا دے کَناں تئیں پُجی تے اُنہاں برنباس کُوں انطاکِیہ تئیں بھیجیا۔

اعمال 14:26

اُتھوں او جہاز اُتے سوار تھی تے ولا انطاکِیہ گئے جِتھاں اُنہاں کُوں اُوں خدمت کیتے جیہڑی اُنہاں ہُنڑ پُوری کر گِھدی ہئی خُدا دے فضل دے سپُرد کیتا گِیا ہا۔

اعمال 15:30

بس او روانہ تھی تے انطاکِیہ پُجے تے جماعت کُوں کٹھا کر تے خط ڈے ڈِتا۔