اعمال 10:34 - کِتاب مُقدّس سرائیکی ترجمہ

³⁴ وَل پطرس آکھنڑ لگا، ”مَیں چنگی طرحاں جاݨ گِیا ہاں جو خُدا کہیں دا طرفدار نئیں

اعمال 10:34 Referans Kwoze

رومیوں 2:11

کیوں جو خُدا کہیں دی طرفداری نئیں کریندا۔

کلُسِّیوں 3:25

پر بُرائی کرݨ آلا آپنڑی بُرائی دا بدلہ پے سی کیوں جو خُدا کہیں دی طرفداری نئیں کریندا۔

1 پطرس 1:17

خُدا، جِیں تُوں تُساں باپ آکھ تے دُعا کریندے ہیوے، بغیر طرفداری دے ہر بندے دے عمل دے مطابق اُوندا اِنصاف کریندے، اِیں واسطے جئیں تئیں تُساں دُنیا ءچ مسافر دے طور تے راہندے ہیوے، خُدا دے خوف ءچ زندگی گُزارو۔

اِفِسیوں 6:9

مالکو! تُساں وی آپنڑے نوکراں نال ایجھا ای سلوک کرو۔ اُنہاں کُوں دھمکیاں نہ ڈیؤ کیوں جو تُساں جانڑدے ہیوے جو اُنہاں دا تے تُہاڈا ڈُوہائیں دا مالک اسمان اُتے ہے تے او کہیں دا طرفدار نئیں۔

لُوقا 20:21

اُنہاں اُوں کنُوں پُچھیا، ”اُستاد! اساں جانڑدے ہیں جو تُہاڈا کلام تے تعلیم درُست ہے تے تُساں کہیں دی طرفداری نئیں کریندے بلکہ سچائی نال خُدا دی راہ دی تعلیم ڈیندے ہیوے۔

یعقُوب 2:9

پر جے تُساں طرفداری نال کم گِھندے ہیوے تاں گُناہ کریندے ہیوے تے شریعت تُہاکُوں قصُوروار کھڑیندی ہے۔

کلُسِّیوں 3:11

اِیں نوِیں زندگی ءچ نہ تاں کوئی یہُودی ریہا، نہ یُونانی، نہ ختنے آلا نہ بغیر ختنے آلا، نہ جنگلی نہ وحشی، نہ غُلام نہ آزاد، صرف مسیح ای سبھ کُجھ تے ساریاں ءچ ہے۔

گلتِیوں 2:6

جماعت دے او لوک جیہڑے وڈے سمجھے ویندے ہَن (او کیجھے وی ہَن، میکُوں اِیندے نال کُجھ واسطہ نئیں کیوں جو خُدا کہیں بندے دا طرفدار نئیں،) اُنہاں میڈی تبلیغ ءچ کُجھ اضافہ نہ کیتا۔

یعقُوب 2:4

تاں کیا تُساں طرفداری نہ کیتی تے بدنیتی نال فیصلہ نہ کیتا؟

متّی 22:16

بس اُنہاں آپنڑے شاگرداں کُوں ہیرودیس دے پیروکاراں نال اُوندے کولھ بھیجیا تے اُنہاں آکھیا، ”اُستاد! اساں جانڑدے ہیں جو تُساں سچے ہیوے تے سچائی نال خُدا دی راہ دی تعلیم ڈیندے ہیوے، تے کہیں دی پرواہ نئیں کریندے کیوں جو تُساں کہیں بندے دے طرفدار نئیں۔

متّی 5:2

تے او اُنہاں کُوں اِینویں تعلیم ڈیوݨ لگا:

اعمال 8:35

فِلپُس خُدا دے کلام دی اُوں جاہ تُوں شروع کر تے اُونکُوں یسُوع دے بارے ءچ خوشخبری ڈِتی۔

اعمال 10:33

بس مَیں فوراً تُہاکُوں سڈوا بھیجیا تے تُساں وی بہُوں چنگا کیتا جو آ گئے۔ ہُنڑ اساں سارے خُدا دے حضُور ءچ حاضر ہیں تاں جو جیہڑا کُجھ خُداوند تُہاکُوں آکھیا ہے، اُونکُوں سُنڑوں۔“

اعمال 15:9

تے اِیمان دے وسیلہ نال اُنہاں دے دل پاک کر تے ساڈے ءچ تے اُنہاں ءچ کوئی فرق نئیں کیتا۔

رومیوں 3:29

کیا خُدا صرف یہُودیاں دا خُدا ہے؟ کیا او غیریہُودیاں دا نئیں؟ بے شک او غیریہُودیاں دا وی ہے۔

یعقُوب 2:1

میڈے بِھراؤ، ساڈے جلالی خُداوند یسُوع مسیح اُتے اِیمان رکھیندے ہوئے تُہاڈے ءچ طرفداری نہ ہووے۔