اعمال 10:31 - کِتاب مُقدّس سرائیکی ترجمہ

³¹ تے آکھیا، ’کُرنیلیُس! خُدا تیڈی دُعا سُنڑ گِھدی تے تیڈی خیرات دی خُدا دے حضُور یاد تھئی ہے۔

اعمال 10:31 Referans Kwoze

اعمال 10:4

او ڈر گِیا تے اُونکُوں غور نال ڈیدھے ہوئے آکھیا ”مالک، کیا ہے؟“ فرشتہ اُونکُوں آکھیا ”تیڈی خیرات تے دُعاواں نذرانے دے طور تے خُدا دے حضُور پُج گئیاں ہِن،

لُوقا 1:13

پر فرشتے اُونکُوں آکھیا، ”زکریاہ! خوف نہ کر کیوں جو تیڈی دُعا سُنڑی گئی ہے تے تیڈے کیتے تیڈی ذال اِلیشِبَع دے پوتر جمسی۔ تُوں اُوندا ناں یُوحنّا رکھیں۔

مُکاشفہ 5:8

تے جِیں ویلے اُوں او طُومار گِھن گِھدا تاں او چارے جاندار تے او چوِّیہہ بزُرگ، لیلے دے سامنڑے سجدہ ءچ ڈھے پئے۔ اُنہاں ءچوں ہر ہِک دے کولھ ستار تے خوشبودار مصالحے نال بھرے سونے دے مُنگر ہَن۔ ایہ مُقدّساں دیاں دُعاواں ہِن۔

فِلِپّیوں 4:18

میڈے کولھ سبھ کُجھ ہے بلکہ ضرورت تُوں زیادہ ہے۔ تُہاڈیاں بھیجیاں ہوئیاں شیواں اِپفُردِتُس دے ہتُھوں گِھن تے میڈے کولھ بہُوں کُجھ تھی گئے۔ ایہ ہِک ایجھی خوشبودار تے مقبول قُربانی ہے جیہڑی خُدا کُوں پسند ہے۔

عبرانیوں 6:10

کیوں جو خُدا بے اِنصاف نئیں جو او تُہاڈے کم تے اُوں محبت کُوں بُھل ونجے جیہڑی تُساں اُوندے ناں دی خاطر اُوندے مُقدّساں دی خدمت کر تے ظاہر کیتی تے ہُنڑ وی کریندے پئے ہیوے۔

اعمال 10:30

کُرنیلیُس آکھیا، ”چار ڈینہہ پہلے مَیں آپنڑے گھر ءچ اِیں ویلے یعنی ڈوپہر دے ترے وجے دُعا کریندا پِیا ہم جو اچانک ہِک بندہ چمکدار پُشاک ءچ میڈے سامنڑے آ کھڑا تھیّا

اعمال 10:32

بس کہیں کُوں یافا بھیج تے شمعون کُوں جیہڑا پطرس اکھویندے آپنڑے کولھ سڈ۔ او سمندر دے کنارے شمعون چم رنگنڑ آلے دے گھر مہمان ہے۔‘