اعمال 10:2 - کِتاب مُقدّس سرائیکی ترجمہ

² او بہُوں دیندار ہا تے آپنڑے گھرانڑے سمیت خُدا کنُوں ڈردا ہا، تے یہُودیاں کُوں بہُوں خیرات ڈیندا تے ہر ویلے خُدا کنُوں دُعا کریندا ہا۔

اعمال 10:2 Referans Kwoze

اعمال 10:4

او ڈر گِیا تے اُونکُوں غور نال ڈیدھے ہوئے آکھیا ”مالک، کیا ہے؟“ فرشتہ اُونکُوں آکھیا ”تیڈی خیرات تے دُعاواں نذرانے دے طور تے خُدا دے حضُور پُج گئیاں ہِن،

اعمال 10:22

اُنہاں آکھیا، ”کُرنیلیُس صوبیدار جیہڑا راستباز تے خُدا دا خوف مننڑ آلا بندہ ہے تے یہُودیاں دی ساری قوم ءچ نیک ناں ہے، اُوں خُدا دے پاک فرشتہ کنُوں ہدایت پاتی جو تیکُوں آپنڑے گھر سڈ تے تُہاڈے تُوں کلام سُنڑے۔“

اعمال 13:16

بس پولُس کھڑا تھی تے ہتھ نال اِشارہ کر تے آکھیا، ”اِسرائیلیو تے خُدا دا خوف مننڑ آلیو! سُنڑو۔

اعمال 10:35

بلکہ ہر قوم ءچ جیہڑا اُوں کنُوں ڈردے تے راستبازی دے کم کریندے، او اُونکُوں پسند آندے۔

اعمال 10:7

جِیں ویلے او فرشتہ چلیا گِیا جئیں اُوندے نال گالھیں کیتیاں ہَن تاں کُرنیلیُس آپنڑے نوکراں ءچوں ڈُو کُوں تے آپنڑے خاص سپاہیاں ءچوں ہِک دیندار کُوں سڈیا،

اعمال 8:2

کُجھ اِیماندار لوکاں ستِفُنس کُوں دفنایا تے اُوندے اُتے وڈا ماتم کیتا۔

مُکاشفہ 15:4

اے خُداوند! کوݨ تیڈا خوف نہ منیسی تے کوݨ تیڈے ناں دی تمجید نہ کریسی؟ کیوں جو صرف تُوں ای قدُّوس ہیں۔ ساریاں قوماں آ تے تیڈے سامنڑے سجدہ کریسن کیوں جو تیڈے صداقت دے کم ظاہر تھی گئے ہِن۔“

اعمال 18:8

عبادت خانہ دا سردار کرِسپُس آپنڑے سارے خاندان سمیت خُداوند اُتے اِیمان گِھن آیا تے کُرِنتُھس دے بئے بہُوں سارے لوکاں وی کلام سُنڑیا تے اِیمان گِھن آئے تے اُنہاں بپتسمہ گِھدا۔

اعمال 13:26

بِھراؤ! ابرہام دے فرزندو تے خُدا دا خوف مننڑ آلیو! اِیں نجات دا کلام ساڈے کولھ بھیجیا گِیا۔

لُوقا 2:25

یروشلیم ءچ ہِک بندہ ہا جِیندا ناں شمعون ہا۔ او نیک تے خُدا ترس تے اِسرائیل دی نجات دا اِنتظار کریندا پِیا ہا تے رُوح القُدس اُوندے اُتے ہا۔

یعقُوب 1:5

جے تُہاڈے ءچوں کہیں ءچ حِکمت دی کمی ہووے تاں او خُدا کنُوں منگے جیہڑا جِھڑکے بغیر ساریاں کُوں فیاضی نال ڈیندے تے خُدا اُونکُوں ڈیسی۔

1تھِسّلُنیکیوں 5:17

بلاناغہ دُعا کرو۔

کلُسِّیوں 4:2

شُکرگزاری تے بیداری نال دُعا کرݨ ءچ مصروف راہو۔

اعمال 22:12

اُتھاں حننیاہ ناں دا ہِک بندہ جیہڑا شریعت دا سخت پابند تے اُتھوں دے یہُودیاں ءچ بہُوں نیک ناں ہا،

اعمال 13:50

پر یہُودیاں خُدا پرست تے معزز عورتاں تے شہر دے راہنماواں کُوں بھڑکایا تے پولُس تے برنباس کُوں ستاوݨ کیتے اُبھار تے اُنہاں کُوں آپنڑے علاقے ءچوں کڈھ ڈِتا۔

اعمال 10:31

تے آکھیا، ’کُرنیلیُس! خُدا تیڈی دُعا سُنڑ گِھدی تے تیڈی خیرات دی خُدا دے حضُور یاد تھئی ہے۔

اعمال 9:36

تے یافا ءچ ہِک شاگردہ ہئی جِیندا ناں تبِیتا ہئی جِیندا مطلب ہرنی ہے، او بہُوں ای نیک کم کریندی تے خیرات کریندی راہندی ہئی۔

اعمال 9:31

بس پُورے یہُودیہ، گلیل تے سامریہ ءچ کلیسیا کُوں سکون تھی گِیا تے اُوندی ترقی تھیندی گئی۔ او خُداوند دے خوف ءچ زندگی گُزار تے، تے رُوح القُدس دی مدد نال گِنتری ءچ ودھدی ویندی ہئی۔

اعمال 9:11

خُداوند اُونکُوں آکھیا ”اُٹھ، اُوں گلی ءچ وَنج جیہڑی سِدھی اکھویندی ہے تے یہُوداہ دے گھر ءچ ساؤل ناں دے ہِک بندے کیتے پُچھیں جیہڑا تَرسُس شہر دا ہے۔ ڈیکھ او دُعا کریندا پئے،

لُوقا 18:1

وَل یسُوع شاگرداں کُوں سِکھاوݨ کیتے جو ہر ویلے دُعا کریندے راہوݨ تے ہِمت نئیں ہارنڑی چاہیدی، ایہ مثال سُنڑائی:

اعمال 2:5

اُوں ویلے دُنیا دی ہر قوم ءچوں خُدا ترس یہُودی، یروشلیم ءچ راہندے ہَن۔

اعمال 11:14

او تیکُوں ہِک ایجھا پیغام ڈیسی جیندے وسیلے تُوں تے تیڈا سارا خاندان نجات پیسی۔‘

متّی 25:17

اِینویں ای جِینکُوں ڈُو مِلے ہَن اُوں ڈُو بئے کَما گِھدے۔