اعمال 10:17 - کِتاب مُقدّس سرائیکی ترجمہ

¹⁷ جِیں ویلے پطرس آپنڑے دل ءچ سوچیندا پِیا ہا جو اِیں رویا دا کیا مطلب ہے، تاں کُرنیلیُس دے بھیجے ہوئے بندے شمعون دے گھر دا پتہ معلوم کر تے دروازے اُتے آ کھڑے تھئے۔

اعمال 10:17 Referans Kwoze

1 پطرس 1:11

اُنہاں پتا کرݨ دی کوشش کیتی جو مسیح دا رُوح جیہڑا اُنہاں ءچ ہا، کیندے دو تے کیہڑے وقت دو اِشارہ کریندا پِیا ہا، جِیں ویلے اُوں مسیح دے ڈُکھ سہنڑ، تے بعد ءچ جلال پاوݨ دی پیشنگوئی کیتی ہئی۔

اعمال 25:20

مَیں بہُوں اُلجھن ءچ ہم جو ایجھے گالھیں دی تفتیش کِینویں کراں، اِیں واسطے مَیں پولُس تُوں پُچھیا جو ’کیا تیکُوں یروشلیم ونجنڑ منظور ہے تاں جو اِنہاں گالھیں دا فیصلہ اُتھاں تھیوے؟‘

اعمال 10:3

ہِک ڈینہہ اُوں ڈوپہر دے ترے وجے دے نیڑے رویا ءچ صاف صاف ڈِٹھا جو خُدا دا ہِک فرشتہ میڈے کولھ آ تے اکھیندے، ”کُرنیلیُس۔“

اعمال 9:43

تے پطرس بہُوں ڈینہہ یافا ءچ شمعون ناں دے ہِک چم رنگنڑ آلے دے گھر ریہا۔

اعمال 5:24

ہیکل دے محافظاں دے سردار تے سردار کاہِناں ایہ گالھیں سُنڑیاں تاں حیران تھئے تے سوچنڑ لگے جو ہُنڑ کیا تھیسی۔

اعمال 2:12

سبھ حیران تھئے تے پریشان تھی تے ہِک بئے کُوں آکھنڑ لگے، ”ایہ کیا تھیندا پئے؟“

یُوحنّا 13:12

جِیں ویلے اُوں اُنہاں دے پیر دھو گِھدے تاں آپنڑے کپڑے پا تے آپنڑی جاہ تے وَل بہہ گِیا تے اُنہاں کُوں آکھیا، ”مَیں تُہاڈے نال جیہڑا کُجھ کیتے، کیا تُساں اُوندا مطلب سمجھدے ہیوے؟

اعمال 9:10

دمشق ءچ حننیاہ ناں دا ہِک شاگرد ہا۔ خُداوند اُونکُوں رویا ءچ آکھیا جو ”حننیاہ!“ اُوں آکھیا ”خُداوند! مَیں حاضر ہاں۔“