اعمال 1:7 - کِتاب مُقدّس سرائیکی ترجمہ

⁷ اُوں اُنہاں کُوں آکھیا، ”اُنہاں وقتاں تے معیاداں کُوں جاننڑاں جِنہاں کُوں باپ آپنڑے اِختیار ءچ رکھے، تُہاڈا کم نئیں۔

اعمال 1:7 Referans Kwoze

متّی 24:36

پر اُوں ڈینہہ تے اُوں ویلے دے بارے ءچ کوئی نئیں جانڑدا، نہ اسمان دے فرشتے نہ پوتر پر صرف باپ۔

مرقس 13:32

پر اُوں ڈینہہ یا اُوں ویلے دے بارے ءچ کوئی نئیں جانڑدا، نہ اسمان دے فرشتے نہ پوتر پر صرف باپ۔

مرقس 10:40

پر کہیں کُوں آپنڑے سجے یا کھبے پاسُوں بِلھاونڑاں میڈا کم نئیں۔ پر جِنہاں کیتے تیار کیتا گِیا ہے اُنہاں کیتے ہے۔“

اِفِسیوں 1:10

تے خُدا دی مرضی ایہ ہے جو مناسب وقت اُتے او ساریاں چیزاں کُوں مسیح ءچ کٹھا کرے، بھانویں اسمان دیاں ہووݨ یا زمین دیاں۔

لُوقا 21:24

او تلوار نال قتل تھیسن تے قیدی تھی تے ساریاں قوماں ءچ پُچائے ویسن۔ تے جئیں تئیں غیر قوماں دا وقت پُورا نہ تھیوے، یروشلیم غیر قوماں دے پیراں تلے لتاڑیا ویسی۔

2 تِیمُتھِیُس 3:1

پر ایہ جاݨ گِھن جو اخیر زمانے ءچ بہُوں بُرے ڈینہہ آسن۔

1 تِیمُتھِیُس 6:15

کیوں جو خُدا مناسب وقت اُتے مسیح کُوں ظاہر کریسی۔ خُدا مُبارک تے واحد حاکم، بادشاہاں دا بادشاہ تے خُداونداں دا خُداوند ہے۔

اعمال 17:26

اُوں ہِک بندے ءچوں لوکاں دی ہر قوم کُوں پیدا کیتا تاں جو پُوری زمین آباد تھیوے، تے اُوں اُنہاں دی زندگی دا وقت تے راہنڑ کیتے حد بندی مقرر کیتی۔

متّی 20:23

اُوں اُنہاں کُوں آکھیا، ”تُساں میڈا پیالہ تاں پِیسو پر کہیں کُوں آپنڑے سجے یا کھبے پاسُوں بِلھاونڑاں میڈا کم نئیں بلکہ ایہ جاہ صرف اُنہاں کیتے ہے جِنہاں کُوں میڈے باپ اِیں کیتے چُنڑ گِھدے۔“