اعمال 1:5 - کِتاب مُقدّس سرائیکی ترجمہ

⁵ کیوں جو یُوحنّا تاں پانڑی نال بپتسمہ ڈِتا پر تُساں تھوڑے ڈینہاں دے بعد رُوح القُدس نال بپتسمہ پےسو۔“

اعمال 1:5 Referans Kwoze

متّی 3:11

مَیں تاں تُہاکُوں توبہ کیتے پانڑی نال بپتسمہ ڈیندا ہاں پر جیہڑا میڈے بعد آندے او مَیں تُوں زیادہ زور آور ہے۔ مَیں تاں اُوندیاں جُتیاں چاوݨ دے وی لائق نئیں۔ او تُہاکُوں رُوح القُدس تے بھاہ نال بپتسمہ ڈیسی۔

لُوقا 3:16

تاں یُوحنّا سبھ کُوں جواب ءچ آکھیا، ”مَیں تاں تُہاکُوں پانڑی نال بپتسمہ ڈیندا ہاں، پر جیہڑا مَیں کنُوں زور آور ہے، او آوݨ آلا ہے۔ مَیں اُوندی جُتی دا تسمہ کھولنڑ دے لائق نئیں۔ او تُہاکُوں رُوح القُدس تے بھاہ نال بپتسمہ ڈیسی۔

1کُرِنتھِیوں 12:13

کیوں جو اساں ساریاں بھانویں یہُودی ہِن یا یُونانی، بھانویں غُلام ہِن یا آزاد، ہِکو رُوح دے وسیلہ نال ہِک بدن تھیوݨ کیتے بپتسمہ گِھدے، تے ساکُوں ساریاں کُوں ہِکو رُوح القُدس مِلیا ہے۔

طِطُس 3:5

تاں خُدا ساکُوں نجات ڈِتی پر ساڈے نیک کماں دی وجہ کنُوں نئیں جیہڑے اساں کیتے بلکہ آپنڑے رحم دی وجہ کنُوں۔ ایہ نجات ساکُوں رُوح القُدس دے وسیلے مِلی جئیں ساکُوں دھو تے نویں سرے تُوں پیدا کیتا تے نوِیں زندگی ڈِتی۔

مرقس 1:8

مَیں تاں تُہاکُوں پانڑی نال بپتسمہ ڈیندا ہاں پر او تُہاکُوں رُوح القُدس نال بپتسمہ ڈیسی۔“

اعمال 19:4

پولُس آکھیا ”یُوحنّا تاں توبہ دا بپتسمہ ڈِتا تے آکھیا جو ’او جیہڑا میڈے بعد آوݨ آلا ہے تُساں اُوندے اُتے اِیمان گِھن آؤ یعنی یسُوع اُتے‘۔“

اعمال 10:45

پطرس دے نال آوݨ آلے یہُودی جیہڑے اِیماندار تھی گئے ہَن، او سارے حیران تھیوݨ لگے جو غیریہُودیاں کُوں وی رُوح القُدس دی نعمت بخشی گئی۔

یُوحنّا 1:31

مَیں خود تاں اُونکُوں نہ جانڑدا ہم پر مَیں اِیں واسطے پانڑی نال بپتسمہ ڈیندا آیا تاں جو او بنی اِسرائیل اُتے ظاہر تھی ونجے۔“

متّی 3:6

تے آپنڑے گُناہاں دا اِقرار کر تے یردن دریا ءچ اُوں کنُوں بپتسمہ گِھدا۔

یُوحنّا 1:26

یُوحنّا جواب ءچ اُنہاں کُوں آکھیا جو ”مَیں تاں پانڑی نال بپتسمہ ڈیندا ہاں پر تُہاڈے وچال ہِک بندہ موجود ہے جِینکُوں تُساں نئیں جانڑدے۔

یُوحنّا 1:33

مَیں تاں اُونکُوں پچھانڑدا نہ ہم پر جئیں میکُوں پانڑی نال بپتسمہ ڈیوݨ کیتے بھیجیا ہا اُوں میکُوں ڈسایا جو ’جیندے اُتے رُوح القُدس کُوں لہندے تے کھڑ دا ڈیکھیں، اُوہو رُوح القُدس نال بپتسمہ ڈیسی۔‘