اعمال 1:16 - کِتاب مُقدّس سرائیکی ترجمہ

¹⁶ ”بِھراؤ! اُوں نوِشتہ دا پُورا تھیوݨ ضرور ہا، جیہڑا رُوح القُدس پہلے ای داؤد دی زبان کنُوں اکھوا ڈِتا ہا۔ او گالھ یہُوداہ دے بارے ءچ ہئی جئیں یسُوع کُوں پکڑواوݨ آلیاں دی راہنمائی کیتی ہئی،

اعمال 1:16 Referans Kwoze

یُوحنّا 13:18

مَیں تُساں ساریاں دے بارے ءچ نئیں آدھا۔ جِنہاں کُوں مَیں چُنڑیا ہے مَیں اُنہاں کُوں جانڑدا ہاں۔ پر کلام دی ایہ گالھ پُوری تھیوݨ ضرور ہے جو جیہڑا میڈی روٹی کھاندے اُوہو میڈے اُتے لَت چیندے۔

اعمال 1:20

پطرس وَل آکھیا، ”زبُور ءچ لِکھیا ہے جو ’اُوندا گھر برباد تھی ونجے تے اُوندے ءچ راہنڑ آلا کوئی نہ ہووے‘ تے ’اُوندی خدمت کوئی بِیا گِھن گِھنے۔‘

متّی 26:56

پر ایہ سبھ کُجھ اِیں واسطے تھیّا جو نبیاں دے صحیفیاں ءچ لِکھیاں ہوئیاں گالھیں پُوریاں تھیوݨ۔“ وَل سبھ شاگرد اُونکُوں چھوڑ تے بھج گئے۔

متّی 26:54

پر اُوں صورت ءچ کلام دیاں او پیشن گوئیاں کِینویں پُوریاں تھیسن جِنہاں دا پُورا تھیوݨ لازم ہے؟“

متّی 26:47

او ایہ گالھیں کریندا ای پِیا ہا جو یہُوداہ جیہڑا اُنہاں بارہاں ءچوں ہا، اُتھاں آ گِیا۔ اُوندے نال ہِک وڈی بِھیڑ، تلواراں تے سوٹے چا تے آ پُجی، جِینکُوں سردار کاہِن تے قوم دے بزُرگاں بھیجیا ہا۔

1 پطرس 1:11

اُنہاں پتا کرݨ دی کوشش کیتی جو مسیح دا رُوح جیہڑا اُنہاں ءچ ہا، کیندے دو تے کیہڑے وقت دو اِشارہ کریندا پِیا ہا، جِیں ویلے اُوں مسیح دے ڈُکھ سہنڑ، تے بعد ءچ جلال پاوݨ دی پیشنگوئی کیتی ہئی۔

مرقس 14:43

او ایہ گالھیں کریندا ای پِیا ہا جو یہُوداہ جیہڑا بارہاں ءچوں ہا، اُتھاں آ گِیا۔ اُوندے نال ہِک بِھیڑ، تلواراں تے سوٹے چا تے آ پُجی جِینکُوں سردار کاہِناں تے شریعت دے عالماں تے بزُرگاں بھیجیا ہا۔

2 پطرس 2:21

جِنہاں صداقت دی راہ کُوں جاݨ تاں گِھدا پر اُوں پاک حُکم کنُوں پِھر گئے جیہڑا اُنہاں کُوں ڈِتا گِیا ہا، تاں اُنہاں کیتے اِیہو چنگا ہا جو اِیں راہ کُوں کڈھائیں نہ جانڑدے۔

اعمال 23:6

جِیں ویلے پولُس کُوں پتہ لگیا جو اُنہاں ءچوں کُجھ صدوقی ہِن تے کُجھ فریسی تاں اُوں عدالت ءچ اُچی اواز ءچ آکھیا، ”بِھراؤ! مَیں فریسی ہاں تے فریسی پِیُو دا پوتر ہاں۔ میڈے اُتے اِیں واسطے مقدمہ چلایا ویندا پئے جو مَیں اُمید رکھیندا ہاں جو مُردے وَل زندہ تھیسن۔“

اعمال 23:1

پولُس عدالت دے ارکان کُوں غور نال ڈیکھ تے آکھیا، ”میڈے بِھراؤ! مَیں اَج تئیں بہُوں نیک نیّتی نال خُدا دے حُکماں دے مطابق زندگی گُزریندا ریہا ہاں۔“

اعمال 22:1

”بِھراؤ تے بزُرگو، ہُنڑ میڈے گالھیں سُنڑو جیہڑیاں مَیں آپنڑے دفاع ءچ اکھیندا ہاں۔“

اعمال 15:7

کافی بحث دے بعد پطرس کھڑا تھی تے اُنہاں کُوں آکھیا جو ”بِھراؤ! تُساں جانڑدے ہیوے جو بہُوں عرصہ پہلے خُدا تُساں لوکاں ءچوں میکُوں چُنڑیا جو غیر قوماں میڈی زبان تُوں خوشخبری دا کلام سُنڑ تے اِیمان گِھن آوݨ۔

اعمال 13:38

بس بِھراؤ! تُساں جاݨ گِھنو جو یسُوع ای دے وسیلے تُہاکُوں گُناہاں دی معافی دی خبر ڈِتی ویندی ہے۔

اعمال 13:15

توریت تے نبیاں دے صحیفے پڑھن تُوں بعد عبادت خانہ دے سرداراں اُنہاں کُوں اکھوا بھیجیا جو ”بِھراؤ! جے لوکاں دی نصیحت کیتے تُہاڈے کولھ پیغام ہے تاں آکھو۔“

اعمال 7:2

اُوں آکھیا ”بِھراؤ تے بزُرگو سُنڑو! جلالی خُدا ساڈے پِیُو ابرہام اُتے اُوں ویلے ظاہر تھیّا جِیں ویلے او حاران شہر ءچ آباد تھیوݨ کنُوں پہلے مسوپتامیہ ءچ ہا،

اعمال 2:37

جِیں ویلے اُنہاں ایہ سُنڑیا تاں اُنہاں دے دِلاں کُوں ڈُکھ لگیا تے پطرس تے باقی رسُولاں کُوں آکھیا جو ”بِھراؤ! اساں کیا کرُوں؟“

اعمال 2:23

جِیں ویلے او خُدا دے پہلے کنُوں بنڑائے منصوبے تے علم دے مطابق پکڑوایا گِیا تاں تُساں اُونکُوں بدکار لوکاں دے ہتُھوں صلیب اُتے چڑھا تے قتل کر ڈِتا۔

یُوحنّا 19:36

ایہ گالھیں اِیں واسطے تھیّاں جو خُدا دے کلام ءچ لِکھیا ہویا پُورا تھی ونجے جو ”اُوندی کوئی ہڈی تروڑی نہ ویسی۔“

یُوحنّا 10:35

جِیں ویلے اُوں اُنہاں کُوں خُدا آکھیا جِنہاں کولھ اُوندا کلام آیا، تے کتاب ِ مُقدّس غلط نئیں تھی سگدی،

لُوقا 22:47

او ایہ گالھیں کریندا ای پِیا ہا جو ہِک بِھیڑ آئی تے اُنہاں بارہاں ءچوں او جِیندا ناں یہُوداہ ہا، اُنہاں دے اگُوں اگُوں ہا۔ او یسُوع دا بوسہ گِھننڑ کیتے اگُوں ودھیا،

مرقس 12:36

داؤد خود رُوح القُدس دی ہدایت نال آکھیا جو ’رب میڈے مالک کُوں آکھیا میڈے سجے پاسُوں بہہ جئیں تئیں مَیں تیڈے دُشمنڑاں کُوں تیڈے پیراں دے تلے نہ کر ڈیواں۔‘

اعمال 28:25

جِیں ویلے او آپس ءچ مُتفق نہ تھئے تاں پولُس اُنہاں دے روانہ تھیوݨ تُوں پہلے ایہ گالھ آکھی جو ”رُوح القُدس یسعیاہ نبی دی معرفت ساڈے پِیُو ڈاڈا دے بارے ءچ ٹھیک ای آکھیا ہا جو

اعمال 28:17

ترے ڈینہہ بعد پولُس یہُودی راہنماواں کُوں سڈوایا۔ جِیں ویلے او جمع تھئے تاں پولُس اُنہاں کُوں آکھیا، ”بِھراؤ، مَیں آپنڑی اُمت دے تے پِیُو ڈاڈا دیاں رسماں دے خلاف کوئی کم نئیں کیتا وَل وی میکُوں یروشلیم ءچ گرفتار کر تے رومیاں دے حوالے کر ڈِتا گئے۔

اعمال 15:13

جِیں ویلے اُنہاں دے گالھیں ختم تھیّاں تاں یعقُوب آکھنڑ لگا جو ”بِھراؤ! میڈی گالھ سُنڑو۔

متّی 26:14

وَل اُنہاں بارہاں ءچوں ہِک جِیندا ناں یہُوداہ اِسکریُوتی ہا، سردار کاہِناں دے کولھ وَنج تے آکھیا جو

یُوحنّا 17:12

جئیں تئیں مَیں اُنہاں دے نال ہم، مَیں تیڈے بخشے ہوئے ناں دے وسیلہ نال اُنہاں دی حفاظت کیتی۔ مَیں اُنہاں دی ڈیکھ بھال کیتی تے اُنہاں ءچوں کوئی ہلاک نہ تھیّا سوائے اُوندے جئیں ہلاک تھیونڑا ہا، تاں جو خُدا دا کلام پُورا تھیوے۔

2 پطرس 1:21

کیوں جو نبُوّت دی کوئی گالھ اِنسان دی خواہش نال کڈھائیں نئیں تھئی بلکہ بندے رُوح القُدس دی تحریک دے سببّوں خُدا دی طرفوں بُولیندے ہَن۔