اعمال 1:14 - کِتاب مُقدّس سرائیکی ترجمہ

¹⁴ ایہ سارے اُنہاں عورتاں تے یسُوع دی ماء مریم تے اُوندے بِھرانواں نال کٹھے تھی تے دُعا کریندے ریہے۔

اعمال 1:14 Referans Kwoze

اِفِسیوں 6:18

ہر ویلے رُوح القُدس ءچ ہر طرحاں نال دُعا تے مِنت کریندے راہو۔ تے اِیں مقصد کیتے جاگدے راہو تے سارے مُقدّساں کیتے ہر ویلے دُعا کریندے راہو۔

اعمال 6:4

پر اساں تاں دُعا ءچ تے کلام دی خدمت ءچ مصروف راہسوں۔“

کلُسِّیوں 4:2

شُکرگزاری تے بیداری نال دُعا کرݨ ءچ مصروف راہو۔

اعمال 2:42

تے ایہ لوک رسُولاں کنُوں تعلیم گِھننڑ، رفاقت رکھنڑ، کٹھے روٹی کھاوݨ تے دُعا کرݨ ءچ لگے ریہے۔

رومیوں 12:12

اُمید ءچ خوش، مُصیبت ءچ صابر، دُعا کرݨ ءچ لگے راہو۔

لُوقا 18:1

وَل یسُوع شاگرداں کُوں سِکھاوݨ کیتے جو ہر ویلے دُعا کریندے راہوݨ تے ہِمت نئیں ہارنڑی چاہیدی، ایہ مثال سُنڑائی:

متّی 21:22

تے جیہڑا کُجھ تُساں دُعا ءچ اِیمان نال منگسو او تُہاکُوں مِلسی۔“

اعمال 2:1

جِیں ویلے عید ِ پِنتیکُست دا ڈینہہ آیا تاں او سارے ہِک جاہ تے جمع ہَن،

لُوقا 11:13

جِیں ویلے تُساں بُرے ہووݨ دے باوجود آپنڑے بالاں کُوں چنگیاں چیزاں ڈیوݨ جانڑدے ہیوے تاں تُہاڈا اسمانی باپ آپنڑے منگنڑ آلیاں کُوں رُوح القُدس کیوں نہ ڈیسی؟“

اعمال 2:46

او ہر روز ہِک دل تھی تے ہیکل ءچ جمع تھیندے تے گھراں ءچ روٹی تروڑ تے خوشی تے سادہ دِلی نال کٹھے کھانڑا کھاندے ہَن۔

لُوقا 24:53

تے او ہر ویلے ہیکل ءچ حاضر تھی تے خُدا دی حمد کریندے راہندے ہَن۔

متّی 12:46

جِیں ویلے یسُوع بِھیڑ نال گالھ کریندا پِیا ہا تاں اُوندی ماء تے بِھرا باہر کھڑے ہَن تے او اُوندے نال گالھ کرݨ چاہندے ہَن۔

لُوقا 24:10

جِنہاں عورتاں، رسُولاں کُوں اِنہاں گالھیں دی خبر ڈِتی او مریم مگدلینی، یُوأنہ، تے یعقُوب دی ماء مریم تے اُنہاں دے نال دیاں باقی عورتاں ہَن۔

لُوقا 23:55

او عورتاں جیہڑیاں گلیل کنُوں اُوندے نال آئیاں ہَن، یُوسف دے پِچُھوں پِچُھوں گئیاں تے اُنہاں اُوں قبر کُوں ڈِٹھا تے ایہ وی جو اُوندی لاش کُوں کِینویں رکھیا گِیا ہے۔

لُوقا 23:49

تے یسُوع دے سبھ جاݨ پچھاݨ آلے تے او عورتاں جیہڑیاں گلیل کنُوں اُوندے نال آئیاں ہَن، پرے کنُوں ایہ سبھ ڈیدھیاں پئیاں ہَن۔

مرقس 16:1

جِیں ویلے سبت دا ڈینہہ لنگھ گِیا تاں مریم مگدلینی تے یعقُوب دی ماء مریم تے سلومی خوشبودار مصالحے مُل گِھدے تاں جو وَنج تے یسُوع دی لاش اُتے مَلنڑ۔

مرقس 15:40

کئی عورتاں دُور کنُوں ڈیدھیاں پئیاں ہَن۔ اُنہاں ءچ مریم مگدلینی تے چھوٹے یعقُوب تے یوسیس دی ماء مریم تے سلومی ہَن۔

متّی 27:55

تے اُتھاں بہُوں ساریاں تریمتاں جیہڑیاں گلیل کنُوں یسُوع دی خدمت کریندیاں ہوئیاں اُوندے پِچُھوں پِچُھوں آئیاں ہَن، پرے کنُوں ڈیدھیاں پئیاں ہَن۔

لُوقا 24:33

بس او اُوں ویلے اُٹھی تے یروشلیم دو وَل گئے تے اُتھاں اُنہاں یارہاں تے اُنہاں دے ساتھیاں کُوں ہِک جاہ تے کٹھے ڈِٹھا۔

لُوقا 8:20

تے اُونکُوں خبر ڈِتی گئی جو ”تُہاڈی ماء تے تُہاڈے بِھرا باہر کھڑے ہِن تے تُہاکُوں مِلنڑ چاہندے ہِن۔“

1کُرِنتھِیوں 14:13

اِیں واسطے جیہڑا کوئی غیر زبان ءچ گالھیں کریندے، او دُعا کرے جو او اُوندا ترجمہ وی کر سگے۔