اعمال 1:11 - کِتاب مُقدّس سرائیکی ترجمہ

¹¹ تے آکھنڑ لگے ”گلیل دے مردو! تُساں کھڑے کھڑے اسمان دو کیوں ڈیدھے پئے ہیوے؟ اِیہو یسُوع جیہڑا تُہاڈے سامنڑے اسمان اُتے چا گِھدا گِیا ہے اِینویں ای ولا آسی جِینویں تُساں اُونکُوں اسمان دو ویندے ڈِٹھے۔“

اعمال 1:11 Referans Kwoze

مُکاشفہ 1:7

”ڈیکھو او بدلاں اُتے آوݨ آلا ہے تے ہر اکھ اُونکُوں ڈیکھسی جِنہاں اُونکُوں چھیدیا ہا او وی ڈیکھسن تے زمین دیاں سبھ قوماں اُوندے سببّوں دھاڑپِٹ کریسن ہا، اِینویں ای تھیوے۔ آمین۔“

1تھِسّلُنیکیوں 4:16

کیوں جو خُداوند خود وڈی اُچی اواز ءچ ہِک حُکم نال تے سردار فرشتہ دی اواز تے خُدا دے نرسِنگے دے وجائے ونجنڑ دے نال اسمان تُوں تلے لہہ آسی۔ تے پہلے تاں او جیہڑے مسیح ءچ مر گئے ہِن زندہ تھی ویسن۔

مرقس 13:26

اُوں ویلے لوک اِبنِ آدم کُوں بدلاں ءچ وڈی قُدرت تے جلال نال آندا ڈیکھسن۔

یُوحنّا 14:3

تے جے مَیں وَنج تے تُہاڈے کیتے جاہ تیار کراں تاں ولا آ تے تُہاکُوں آپنڑے نال گِھن ویساں تاں جو جِتھاں مَیں ہاں تُساں وی ہوو۔

متّی 25:31

جِیں ویلے اِبنِ آدم آپنڑے جلال ءچ آسی تے سارے فرشتے اُوندے نال آسن تاں او آپنڑے جلالی تخت اُتے بَہسی۔

متّی 24:30

اُوں ویلے اِبنِ آدم دا نشان اسمان اُتے ظاہر تھیسی، تے دُنیا دیاں سبھ قوماں چھاتی پِٹسن تے اِبنِ آدم کُوں بدلاں اُتے قُدرت تے وڈے جلال نال آندے ڈیکھسن۔

متّی 16:27

کیوں جو اِبنِ آدم آپنڑے باپ دے جلال ءچ آپنڑے فرشتیاں نال آسی۔ اُوں ویلے ہر ہِک کُوں اُوندے کماں دے مطابق اجر ڈیسی۔

1تھِسّلُنیکیوں 1:10

تے ایہ وی جو تُساں اُوندے پوتر دے اسمان کنُوں آوݨ دا اِنتظار کریندے ہیوے، یعنی یسُوع جِینکُوں خُدا مُردیاں ءچوں زندہ کیتا تے جیہڑا ساکُوں آوݨ آلے غضب کنُوں بچیندے۔

لُوقا 21:27

اُوں ویلے لوک اِبنِ آدم کُوں قُدرت تے وڈے جلال نال بدل اُتے آندا ڈیکھسن۔

اعمال 13:31

تے جیہڑے لوک گلیل کنُوں اُوندے نال یروشلیم آئے ہَن، او اُنہاں کُوں بہُوں ڈینہاں تئیں ڈِکھالی ڈِتا۔ ہُنڑ اُوہو لوک اُمت دے سامنڑے اُوندے گواہ ہِن۔

لُوقا 24:5

عورتاں ڈر کنُوں مُنہ دے بھار زمین اُتے جُھک گئیاں پر اُنہاں مرداں اِنہاں کُوں آکھیا جو ”زندہ کُوں مُردیاں ءچ کیوں گولھیندیاں ہیوے؟

اعمال 3:12

پطرس ایہ ڈیکھ تے لوکاں کُوں آکھیا، ”اِسرائیلیو! تُساں اِیں اُتے کیوں حیران تھیندے ہیوے تے ساکُوں اِینویں کیوں ڈیدھے پئے ہیوے جِینویں اساں آپنڑی قُدرت یا دینداری دے سببّوں اِیں منڈے کُوں ٹُرݨ پِھرݨ دے لائق بنڑا ڈِتے؟

اعمال 2:7

سارے بہُوں حیران تھی تے آکھنڑ لگے ”کیا ایہ بولنڑ آلے یکے گلیل دے راہوݨ آلے نئیں؟

مرقس 14:70

پر اُوں ولا اِنکار کیتا۔ تھوڑی دیر بعد اُتھاں کھڑے ہوئے لوکاں پطرس کُوں ولا آکھیا، ”بےشک تُوں اُنہاں ءچوں ہیں کیوں جو تُوں گلیل دے علاقے دا ہیں۔“

متّی 16:28

مَیں تُہاکُوں سچ آدھا ہاں جو جیہڑے اِتھاں کھڑے ہِن اُنہاں ءچوں کُجھ ایجھے ہِن جو جئیں تئیں اِبنِ آدم کُوں اُوندی بادشاہی ءچ آندے ہوئے ڈیکھ نہ گِھنسن، ہرگز نہ مرسن۔“

مرقس 16:19

خُداوند یسُوع اُنہاں نال کلام کرݨ تُوں بعد اسمان اُتے چا گِھدا گِیا تے خُدا دے سجے پاسُوں بہہ گِیا۔

اعمال 1:2

اُوں ڈینہہ تئیں جِیں ویلے او اسمان اُتے چاتا گِیا۔ چاتے ونجنڑ تُوں پہلے اُوں آپنڑے چُنڑے ہوئے رسُولاں کُوں رُوح القُدس دے وسیلہ نال ہدایت کیتی۔

اعمال 1:9

ایہ آکھ تے او اُنہاں دے ڈیدھے ڈیدھے اُتے چا گِھدا گِیا تے بدّل اُونکُوں اُنہاں دے اکھیں کنُوں لُکا گِھدا۔

اعمال 3:21

پر یسُوع دا اسمان اُتے راہنڑ ضرور ہے جئیں تئیں او ساریاں چیزاں بحال نہ کر ڈِتیاں ونجنڑ جِنہاں دا ذِکر خُدا دُنیا دے شروع کنُوں آپنڑے پاک نبیاں دی زبانی کیتے۔

عبرانیوں 9:28

اُونویں ای مسیح وی بہُوں سارے لوکاں دے گُناہ آپنڑے سر اُتے چاوݨ کیتے ہِکے پھیری قُربان تھیّا۔ تے او ڈُوجھی پھیری گُناہ چاوݨ کیتے نئیں بلکہ اُنہاں لوکاں کُوں نجات ڈیوݨ کیتے ڈِکھالی ڈیسی جیہڑے اُوندے اِنتظار ءچ ہِن۔