3 یُوحنّا 1:2 - کِتاب مُقدّس سرائیکی ترجمہ

² میڈے عزیز! مَیں ایہ دُعا کریندا ہاں جو تُوں ہر لحاظ نال ترقی کریں، تے جِینویں تُوں رُوحانی طور تے صحت مند ہیں، اُونویں ای جِسمانی طور تے وی صحت مند ہوویں۔

3 یُوحنّا 1:2 Referans Kwoze

2 پطرس 3:18

بلکہ ساڈے خُداوند تے نجات ڈیوݨ آلے یسُوع مسیح دے فضل تے علم ءچ ودھدے ونجو۔ اُوندی تعریف ہُنڑ وی تھیوے تے ہمیشاں تئیں تھیندی راہوے۔ آمین۔

1 پطرس 4:8

سبھ تُوں اہم گالھ تاں ایہ ہے جو آپس ءچ گھاٹی محبت رکھو کیوں جو محبت بہُوں سارے گُناہاں اُتے پڑدہ پا ڈیندی ہے۔

2تھِسّلُنیکیوں 1:3

بِھراؤ! ساڈے اُتے فرض ہے جو ہر ویلے تُہاڈے کیتے خُدا دا شُکر کریندے راہوں۔ تے ایہ مناسب وی ہے کیوں جو تُساں اِیمان ءچ بہُوں ترقی کریندے پئے ہیوے تے تُہاڈی آپس دی محبت وی ودھدی ویندی ہے۔

فِلِپّیوں 2:4

ہر کوئی صرف آپنڑے فائدے دا نئیں بلکہ ڈُوجھیاں دے فائدے دا وی خیال رکھے۔

مُکاشفہ 2:9

”مَیں تیڈی مُصیبت تے غریبی کُوں جانڑدا ہاں، پر حقیقت ءچ تُوں دولت مند ہیں۔ تے مَیں اُنہاں لوکاں دی تُہمت کُوں وی جانڑدا ہاں جیہڑے آپنڑے آپ کُوں بنی اِسرائیل تاں اکھیندے ہِن پر ہِن نئیں بلکہ شیطان دی جماعت ہِن۔

یعقُوب 5:12

پر بِھراؤ! سبھ تُوں ودھ تے ایہ ہے جو قَسم نہ چاؤ، نہ اسمان دی، نہ زمین دی تے نہ کہیں بئی شے دی بلکہ ہاں دی جاہ ہاں آکھو تے نہ دی جاہ نہ۔ اِینویں نہ تھیوے جو تُساں سزا دے لائق کھڑائے ونجو۔

فِلِپّیوں 2:27

بے شک او اِتنا بیمار تھی گِیا ہا جو مرݨ آلا ہا پر خُدا اُوندے اُتے رحم کیتا تے نہ صرف اُوندے اُتے بلکہ میڈے اُتے وی، تاں جو میڈا ڈُکھ مزید نہ ودھے۔

2تھِسّلُنیکیوں 2:13

پر بِھراؤ تے خُداوند دے پیاریو! تُہاڈے کیتے خُدا دا شُکر کریندے راہوݨ ساڈے اُتے فرض ہے کیوں جو اُوں تُہاکُوں شروع کنُوں ای چُنڑ گِھدے جو تُساں رُوح القُدس دے ذریعے پاکیزگی حاصل کر تے، تے حق اُتے اِیمان گِھن آ تے نجات پاؤ۔

متّی 9:12

اُوں ایہ سُنڑ تے آکھیا جو ”تندرُستاں کُوں حکیم دی لوڑ نئیں بلکہ بیماراں کُوں۔

3 یُوحنّا 1:1

ایہ خط مَیں بزُرگ دی طرفوں، پیارے گِیُس دے ناں ہے جیندے نال مَیں سچی محبت کریندا ہاں۔