2 تِیمُتھِیُس 3:3 - کِتاب مُقدّس سرائیکی ترجمہ

³ محبت تُوں خالی، سخت دل، بدنام کرݨ آلے، آپنڑے نفس اُتے قابو نہ رکھنڑ آلے، ظالم، نیکی دے دُشمنڑ،

2 تِیمُتھِیُس 3:3 Referans Kwoze

یہُوداہ 1:18

اُنہاں تُہاکُوں آکھیا ہا جو ”آخری ڈینہاں ءچ ٹھٹّھا کرݨ آلے نِکلسن جیہڑے آپنڑی بے دینی دیاں خواہشاں دے پِچُھوں ٹُرسن۔“

رومیوں 1:31

بیوقُوف، بے وفا، بے محبت تے بے رحم تھی گئے۔

متّی 10:21

بِھرا کُوں بِھرا تے پِیُو آپنڑے پوتر کُوں قتل کیتے پکڑویسی۔ تے بال آپنڑے ماء پِیُو دے خلاف کھڑے تھی تے اُنہاں کُوں مروا ڈیسن۔

2 پطرس 2:14

اُنہاں دے اکھیں ہر ویلے زِناکار عورتاں دی گولھ ءچ راہندیاں ہِن، تے گُناہ کرݨ تُوں کڈھائیں باز نئیں آندیاں۔ او کمزور لوکاں کُوں غلط کم کرݨ کیتے ورغلیندے ہِن تے لالچ کرݨ ءچ ماہر ہِن۔ او لعنتی ہِن۔

1 تِیمُتھِیُس 3:11

اُنہاں دی ذالاں کُوں وی چاہیدے جو او سنجیدہ ہووݨ، ڈُوجھیاں کُوں بدنام کرݨ آلیاں نہ ہووݨ بلکہ پرہیز گار تے ہر گالھ ءچ اِیماندار ہووݨ۔

متّی 4:1

وَل رُوح القُدس یسُوع کُوں بیابان ءچ گِھن گِیا تاں جو او ابلیس تُوں ازمایا ونجے۔

مُکاشفہ 17:6

مَیں ڈِٹھا جو او عورت مُقدّساں تے یسُوع دے شہیداں دا خون پی پی تے مدہوش تھی گئی ہئی۔ اُونکُوں ڈیکھ تے میکُوں بہُوں حیرانگی تھئی۔

مُکاشفہ 16:6

کیوں جو اُنہاں تیڈے مُقدّساں تے نبیاں دا خون وہایا تے تَیں اُنہاں کُوں پِیوݨ کیتے خون ای ڈِتا۔ او اِیندے ای لائق ہِن۔“

مُکاشفہ 13:17

تے صرف او لوک جِنہاں اُتے پہلے حیوان دا نشان یعنی اُوندا ناں یا اُوندے ناں دا عدد ہوسی، خرید و فروخت کر سگسن۔

مُکاشفہ 13:15

اُونکُوں پہلے حیوان دے بُت ءچ دم پُھونکنڑ دا اِختیار ڈِتا گِیا تاں جو حیوان دا بُت بول سگے تے جیہڑے اُوں بُت کُوں سجدہ کرݨ دا اِنکار کرݨ، اُنہاں کُوں قتل کروا چھوڑے۔

یہُوداہ 1:16

ایہ لوک ہمیشاں بَک بَک تے عیب جوئی کریندے ہِن تے آپنڑیاں خواہشاں دے پِچُھوں ٹُردے ہِن تے آپنڑے بارے ءچ وڈے بول بُولیندے ہِن تے آپنڑے فائدے کیتے ڈُوجھیاں دی خوشامد کریندے ہِن۔

2 پطرس 3:3

سبھ تُوں پہلے تُہاکُوں ایہ سمجھنڑا چاہیدے جو آخری ڈینہاں ءچ ایجھے ٹھٹّھا باز لوک آسن جیہڑے آپنڑیاں نفسانی خواہشاں دے مطابق زندگی گُزریسن،

یعقُوب 2:6

پر تُساں غریب دی بے عزتی کیتی۔ کیا دولت مند ای تُہاڈے اُتے ظلم نئیں کریندے تے تُہاکُوں عدالتاں ءچ گِھیل تے نئیں گِھن ویندے؟

طِطُس 2:3

اِینویں ای بزُرگ عورتاں کُوں سِکھا جو او خُدا پرست زندگی گُزارݨ۔ او تُہمت لاوݨ آلیاں تے شرابی نہ ہووݨ بلکہ نیک گالھیں سِکھاوݨ آلیاں ہووݨ،

طِطُس 1:8

بلکہ مہمان نواز، بھلائی نال محبت کرݨ آلا، مُتّقی، اِنصاف پسند، پاک تے آپنڑے نفس اُتے قابو رکھنڑ آلا ہووے۔

1تھِسّلُنیکیوں 4:8

اِیں واسطے جیہڑا ایہ ہدایت نئیں منیندا او اِنسان کُوں نئیں بلکہ خُدا کُوں رَد کریندے، جیہڑا تُہاکُوں رُوح القُدس عطا کریندے۔

1کُرِنتھِیوں 7:9

پر جے برداشت دی طاقت نہ ہووے تاں شادی کر گِھننڑ کیوں جو شادی کر گِھننڑ خواہش دی بھاہ ءچ سڑدے راہنڑ کنُوں چنگا ہے۔

1کُرِنتھِیوں 7:5

تُساں ڈوہائیں ہِک ڈُوجھے کنُوں اَنج نہ رہوائے سوائے ڈوہائیں دی رضامندی دے تے صرف کُجھ عرصہ کیتے تاں جو دُعا کرݨ کیتے فُرصت مِل سگے پر بعد ءچ ولا کٹھے تھی ونجائے، کِتھائیں اِینویں نہ تھیوے جو تُساں آپنڑے آپ اُتے قابو نہ رکھ سگو تے شیطان تُہاکُوں ازمائش ءچ سَٹ ڈیوے۔

یُوحنّا 6:70

یسُوع اُنہاں کُوں جواب ڈِتا، ”کیا مَیں تُساں بارہاں کُوں نئیں چُنڑ گِھدا؟ وَل وی تُہاڈے ءچوں ہِک شیطان ہے۔“

لُوقا 16:14

فریسی جیہڑے پیسے نال پیار کریندے ہَن، اِنہاں سبھ گالھیں کُوں سُنڑ تے اُوندا مذاق اُڈاوݨ لگے۔

لُوقا 10:16

جیہڑا کوئی تُہاڈی سُنڑدے او میڈی سُنڑدے، تے جیہڑا تُہاکُوں نئیں منیندا او میکُوں نئیں منیندا، تے جیہڑا میکُوں نئیں منیندا او میڈے بھیجنڑ آلے کُوں نئیں منیندا۔“

2 پطرس 2:19

ایہ کُوڑے اُستاد اُنہاں دے نال تاں ازادی دا وعدہ کریندے ہِن پر خود بُرائی دے غُلام بنڑے پئے ہِن۔ کیوں جو جیہڑی چیز اِنسان اُتے غالب آ ویندی ہے، اِنسان اُوندی غُلامی ءچ ہوندے۔

رومیوں 1:29

او ہر طرحاں دی ناراستی، بدی، لالچ، ناانصافی، حسد، قتل، جھیڑے، فریب تے بُغض نال بھریج گئے۔ او چغلی کرݨ آلے،