2 تِیمُتھِیُس 3:15 - کِتاب مُقدّس سرائیکی ترجمہ

¹⁵ تے تُوں چھوٹے لا کنُوں خُدا دے پاک صحیفیاں تُوں واقف ہیں جیہڑے تیکُوں مسیح یسُوع اُتے اِیمان گِھن آوݨ نال نجات حاصل کرݨ دی دانائی بخش سگدن۔

2 تِیمُتھِیُس 3:15 Referans Kwoze

لُوقا 24:45

وَل اُوں اُنہاں دا ذہن کھولیا تاں جو خُدا دے کلام کُوں سمجھنڑ،

لُوقا 24:27

وَل مُوسیٰ کنُوں گِھن تے سارے نبیاں دے گالھیں جیہڑیاں اُوندے حق ءچ لِکھیاں ہوئیاں ہِن، اُنہاں کُوں سمجھا ڈِتیاں۔

متّی 22:29

یسُوع اُنہاں کُوں جواب ءچ آکھیا، ”تُساں گُمراہ ہیوے اِیں واسطے جو نہ تاں خُدا دے کلام کُوں جانڑدے ہیوے، نہ خُدا دی قُدرت کُوں۔

2 تِیمُتھِیُس 1:5

میکُوں تیڈا او حقیقی اِیمان وی یاد آندے جیہڑا پہلے تیڈی نانی لُوئِس تے تیڈی ماء یُونِیکے دا ہا، تے میکُوں یقین ہے جو اُوہو اِیمان تیڈا وی ہے۔

لُوقا 2:40

تے او چھوہر ودھدا تے قوت پَیندا گِیا تے حِکمت نال بھریندا گِیا تے خُدا دا فضل اُوندے اُتے ہا۔

رومیوں 16:26

پر ہُنڑ ظاہر تھی گئے۔ او ازلی خُدا دے حُکم دے مطابق نبیاں دیاں کتاباں دے ذریعے ساریاں قوماں کُوں ڈسایا گِیا ہے تاں جو او اِیمان گِھن آ تے خُدا دے تابع تھی ونجنڑ۔

رومیوں 1:2

اِیں خوشخبری دا وعدہ خُدا بہُوں پہلے کنُوں آپنڑے نبیاں دی معرفت پاک کلام ءچ

اعمال 10:43

سارے نبی اِیں بندے دے بارے ءچ گواہی ڈیندن جو جیہڑا کوئی اُوندے اُتے اِیمان گِھن آسی، اُوندے ناں نال گُناہاں تُوں معافی پیسی۔“

لُوقا 24:32

اُنہاں ہِک ڈُوجھے کُوں آکھیا جو ”جِیں ویلے او رستے ءچ ساڈے نال گالھیں کریندا تے ساکُوں خُدا دے کلام دے گالھیں سمجھیندا پِیا ہا تاں کیا ساڈے دل خوشی کنُوں نہ بھریج گئے ہَن؟“

اعمال 17:2

پولُس آپنڑے دستور دے مطابق عبادت خانے ءچ گِیا تے ترے سبتاں تئیں خُدا دے کلام ءچوں اُنہاں نال بحث کریندا ریہا۔

مُکاشفہ 19:10

وَل مَیں اُونکُوں سجدہ کرݨ کیتے اُوندے پیراں ءچ ڈھے پِیا پر اُوں میکُوں آکھیا، ”خبردار! اِینویں نہ کر۔ مَیں وی تیڈے نال تے تیڈے بِھرانواں نال جیہڑے یسُوع دی گواہی ڈیوݨ اُتے قائم ہِن، خدمت کرݨ آلا ہاں۔ خُدا ای کُوں سجدہ کر کیوں جو یسُوع دی گواہی ڈیوݨ نبُوّت دی رُوح ہے۔“

اعمال 13:29

جِیں ویلے او سبھ کُجھ پُورا کر گِھدا جیہڑا اُوندے حق ءچ لِکھیا گِیا ہا تاں اُونکُوں صلیب تُوں لہا تے قبر ءچ رکھ ڈِتا۔

2 پطرس 3:16

او آپنڑے سبھ خطاں ءچ اِنہاں گالھیں دا ذِکر کریندے۔ اُوندے کُچھ گالھیں دا سمجھنڑ مُشکل ہے، تے احمق تے بے قیام لوک اُنہاں دے معنی کُوں اِینویں تروڑ مروڑ تے پیش کریندے ہِن، جِینویں او ڈُوجھے صحیفیاں نال وی کریندے ہِن۔ او آپنڑے کیتے تباہی پیدا کریندے ہِن۔

لُوقا 1:15

کیوں جو او خُداوند دے حضُور ءچ بزُرگ ہوسی۔ او ہرگز نہ انگُور دی نہ کوئی بئی شراب پی سی، تے آپنڑی ماء دے پیٹ تُوں ای رُوح القُدس نال بھریج ویسی۔

یُوحنّا 5:47

پر جِیں ویلے تُساں اُوندے لِکھے گالھیں دا یقین نئیں کریندے تاں میڈے گالھیں دا کِینویں یقین کریسو؟“

اعمال 16:1

پولُس دِربے تے وَل لُسترہ ءچ وی پُجیا، جِتھاں تِیمُتِھیُس ناں دا ہِک شاگرد ہا۔ اُوندی ماء تاں یہُودی ہئی جیہڑی مسیح اُتے اِیمان گِھن آئی ہئی پر اُوندا پِیُو یُونانی ہا۔

اعمال 26:24

جِیں ویلے پولُس آپنڑی صفائی ءچ ایہ آدھا ای پِیا ہا تاں فیستُس اُونکُوں روک تے اُچی اواز نال آکھیا، ”پولُس تُوں دیوانہ تھی گئیں۔ علم دی زیادتی تیکُوں پاگل کر ڈِتے۔“

رومیوں 2:27

بلکہ کیا او جِیندا ختنہ نہ تھیّا ہووے پر شریعت اُتے عمل کریندے، تیکُوں جِیندا ختنہ تھیّا تے جیندے کولھ شریعت ہے، پر اُوندے اُتے عمل نئیں کریندا، قصُوروار نہ کھڑیسی؟

1کُرِنتھِیوں 1:21

کیوں جو خُدا آپنڑی حِکمت دے مطابق ایہ فیصلہ کیتے جو دُنیا آلے آپنڑی حِکمت نال خُدا کُوں نہ جانڑݨ بلکہ خُدا کُوں ایہ پسند آیا جو اِیں بیوقُوفی دے پیغام دے وسیلے نال جیندی اساں تبلیغ کریندے ہیں اِیمان گِھن آوݨ آلیاں کُوں نجات بخشے۔

اِفِسیوں 6:4

تے اولاد آلیو! تُساں آپنڑے بالاں کُوں کاوڑ نہ ڈیواؤ بلکہ خُداوند دی طرفوں تربیت تے نصیحت ڈے تے اُنہاں دی پرورش کرو۔

1 تِیمُتھِیُس 4:13

میڈے آوݨ تئیں خُدا دا کلام دی تلاوت کرݨ، نصیحت کرݨ تے تعلیم ڈیوݨ ءچ مصروف رہ۔

2 تِیمُتھِیُس 1:1

ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہاں تاں جو اُوں وعدہ کیتی ہوئی زندگی دی تبلیغ کراں جیہڑی مسیح یسُوع ءچ مِلدی ہے۔