2 تِیمُتھِیُس 2:8 - کِتاب مُقدّس سرائیکی ترجمہ

⁸ یسُوع مسیح کُوں یاد رکھ جیہڑا داؤد دی نسل ءچوں ہے تے مُردیاں ءچوں زندہ تھی گئے۔ ایہ اُوہو خوشخبری ہے جیہڑی مَیں سُنڑیندا ہاں۔

2 تِیمُتھِیُس 2:8 Referans Kwoze

اعمال 2:24

پر خُدا اُونکُوں زندہ کر ڈِتا تے موت دے قبضے تُوں چُھڑایا کیوں جو ایہ ممکن نہ ہا جو او موت دے قبضہ ءچ راہندا۔

رومیوں 2:16

ایہ اُوں ڈینہہ تھیسی جڈاں خُدا یسُوع مسیح دے وسیلے اِنساناں دیاں لُکیاں گالھیں دا اِنصاف کریسی جِینویں مَیں خوشخبری سُنڑیندا ہاں۔

2تھِسّلُنیکیوں 2:14

خُدا تُہاکُوں اِیں نجات کیتے ساڈی سُنڑائی ہوئی خوشخبری دے ذریعے سڈیا تاں جو تُساں ساڈے خُداوند یسُوع مسیح دے جلال ءچ شامل تھی ونجو۔

متّی 1:1

یسُوع مسیح اِبنِ داؤد اِبنِ ابرہام دا شجرہ۔

1 تِیمُتھِیُس 2:7

اِیں مقصد کیتے میکُوں تبلیغ کرݨ آلا تے رسُول تے غیر قوماں کُوں اِیمان تے سچائی دے گالھیں سِکھاوݨ آلا مقرر کیتا گِیا۔ مَیں کُوڑ نئیں مریندا بلکہ سچ آدھا ہاں۔

1کُرِنتھِیوں 15:4

تے دفن تھیّا تے خُدا دے کلام دے مطابق تریجھے ڈینہہ زندہ تھی گِیا،

مُکاشفہ 5:5

وَل اُنہاں بزُرگاں ءچوں ہِک میکُوں آکھیا جو ”نہ رو، ڈیکھ، یہُوداہ دے قبیلے دا ببرشیر جیہڑا داؤد دی نسل ہے، غالب آیا ہے۔ اُوہو اُوں طُومار کُوں تے اُوندیاں ستّے مُہراں کُوں کھول سگدے۔“

1 تِیمُتھِیُس 1:11

ایہ تعلیم مُبارک خُدا دے جلال آلی اُوں خوشخبری دے مطابق ہے جیہڑی میڈے سپُرد کیتی گئی ہے۔

1کُرِنتھِیوں 15:1

ہُنڑ بِھراؤ! مَیں تُہاکُوں اُوہو خوشخبری یاد ڈیویندا ہاں، جیندی تبلیغ مَیں تُہاڈے ءچ کیتی ہے، جِینکُوں تُساں قبول کر گِھدے تے جیندے اُتے تُساں قائم وی ہیوے۔

رومیوں 16:25

خُدا دی تمجید ہووے جیہڑا تُہاکُوں میڈی خوشخبری یعنی یسُوع مسیح دی تبلیغ دے وسیلے مضبوط کر سگدا ہے، اُوں بھید دے مُکاشفہ دے مطابق جیہڑا ازل کنُوں لُکیا ریہا

اعمال 13:23

اِیندی نسل ءچوں خُدا آپنڑے وعدہ دے مطابق اِسرائیل دے کولھ ہِک نجات ڈیوݨ آلے یعنی یسُوع کُوں بھیجیا۔

اعمال 2:30

پر او نبی ہا تے ایہ جانڑدا ہا جو خُدا میڈے نال قَسم کھادی ہے جو مَیں تیڈی نسل ءچوں ہِک بندے کُوں تیڈے تخت اُتے بِلھیساں۔

لُوقا 24:46

تے اُنہاں کُوں آکھیا، ”اِینویں لِکھیا ہے جو المسیح ڈُکھ چے سی تے تریجھے ڈینہہ مُردیاں ءچوں زندہ تھی ویسی۔

2 تِیمُتھِیُس 1:8

اِیں واسطے تُوں ساڈے خُداوند دی گواہی ڈیوݨ تُوں نہ شرما، تے نہ میڈے تُوں جیہڑا اُوندی خاطر قیدی ہاں بلکہ خُدا دی قُدرت دی مدد نال میڈے نال خوشخبری دی خاطر ڈُکھ چا۔

2 تِیمُتھِیُس 2:7

اِنہاں گالھیں اُتے جیہڑیاں مَیں آدھا ہاں غور کر کیوں جو خُداوند تیکُوں اِنہاں سارے گالھیں دی سمجھ ڈیسی۔