2 تِیمُتھِیُس 2:26 - کِتاب مُقدّس سرائیکی ترجمہ

²⁶ وَل او ہوش ءچ آسن تے ابلیس دے پھندے کنُوں چُھٹ ویسن جِتھاں او اُوندے تابع راہوݨ کیتے رکھے گئے ہَن۔

2 تِیمُتھِیُس 2:26 Referans Kwoze

1 تِیمُتھِیُس 3:7

تے او غیر اِیمانداراں ءچ وی نیک ناں ہووے، اِینویں نہ تھیوے جو کوئی اُونکُوں بُرا بھلا آکھے تے او ابلیس دے پھندے ءچ پَھس ونجے۔

اِفِسیوں 5:14

کیوں جو جیہڑا کُجھ روشنی ءچ گِھن آیا ویندے، او روشن تھی ویندے۔ اِیں واسطے فرمایا گئے جو ”اے سمنڑ آلے، جاگ مُردیاں ءچوں زندہ تھی وَنج تاں مسیح دا نُور تیڈے اُتے چمکسی۔“

مُکاشفہ 12:9

تے او وڈا اژدہا یعنی اُوہو پُرانڑا نانگ جِیندا ناں ابلیس تے شیطان ہے تے جیہڑا ساری دُنیا کُوں گُمراہ کریندے، او تے اُوندے فرشتے وی زمین اُتے سَٹ ڈِتے گئے۔

1 تِیمُتھِیُس 1:20

اُنہاں ءچ ہُمِنِیُس تے سکندر وی ہِن، جِنہاں کُوں مَیں شیطان دے حوالے کر ڈِتے تاں جو او کُفر بَکنڑ کنُوں باز راہونڑا سِکھنڑ۔

کلُسِّیوں 1:13

خُدا ساکُوں اندھارے دے قبضے ءچوں چُھڑا تے آپنڑے عزیز پوتر دی بادشاہی ءچ داخل کیتے،

1کُرِنتھِیوں 15:34

چنگی طرحاں ہوش ءچ آؤ تے گُناہ نہ کرو۔ کیجھی شرم دی گالھ ہے جو ہُنڑ وی تُہاڈے ءچوں کُجھ خُدا کُوں نئیں جانڑدے۔ ایہ میں تُہاکُوں شرم ڈیواوݨ کیتے آدھا ہاں۔

اعمال 26:18

جو تُوں اُنہاں دے اکھیں کھولیں تاں جو او اندھارے کنُوں روشنی دو تے شیطان دے اِختیار کنُوں خُدا دو رجُوع گِھن آوݨ، تے میڈے اُتے اِیمان گِھن آ تے گُناہاں دی معافی پاوݨ، تے خُدا دے پاک لوکاں ءچ شریک تھی تے میراث حاصل کرݨ۔‘

اعمال 5:3

پر پطرس آکھیا، ”حننیاہ! شیطان تیڈے دل ءچ ایہ گالھ کیوں پا ڈِتی جو تُوں رُوح القُدس نال کُوڑ ماریں تے زمین دی قیمت ءچوں کُجھ رکھ چھوڑیں؟

یُوحنّا 13:27

اِیں گِراں کھاوݨ دے بعد شیطان یہُوداہ ءچ سما گِیا۔ بس یسُوع اُونکُوں آکھیا جو ”جیہڑا کُجھ تیکُوں کرنڑا ہے جلدی کر گِھن۔“

یُوحنّا 13:2

شام دے کھانڑے دا ویلا ہا تے ابلیس پہلے ای شمعون دے پوتر یہُوداہ اِسکریُوتی دے دل ءچ اُونکُوں پکڑوا ڈیوݨ دا خیال پا ڈِتا ہا۔

لُوقا 15:17

وَل اُوں ہوش ءچ آ تے آکھیا، ’میڈے پِیُو دے مزدُوراں کُوں ضرورت کنُوں وی زیادہ روٹی مِلدی ہے تے مَیں اِتھاں بُکھا مردا پِیا ہاں!

لُوقا 11:21

جِیں ویلے کوئی زور آور بندہ ہتھیار چا تے آپنڑے گھر دی حفاظت کریندے تاں اُوندا مال محفوظ راہندے۔

2کُرِنتھِیوں 2:11

اِینویں نہ تھیوے جو شیطان کُوں ساڈے تُوں فائدہ چاوݨ دا موقع مِل ونجے کیوں جو اساں اُوندیاں چالاں کُوں چنگی طرحاں جانڑدے ہیں۔

لُوقا 5:10

تے اِیہو حال زبدی دے پوتراں یعقُوب تے یُوحنّا دا ہا جیہڑے شمعون دے ساتھی ہَن۔ یسُوع شمعون کُوں آکھیا، ”ڈر نہ۔ ہُنڑ کنُوں تُوں خُدا کیتے بندیاں کُوں پکڑیسیں۔“