2 تِیمُتھِیُس 2:24 - کِتاب مُقدّس سرائیکی ترجمہ

²⁴ تے خُداوند دے خادم کُوں جھیڑا نئیں کرنڑا چاہیدا بلکہ او ساریاں نال نرمی نال پیش آوے، تعلیم ڈیوݨ دے لائق تے برداشت کرݨ آلا ہووے۔

2 تِیمُتھِیُس 2:24 Referans Kwoze

طِطُس 3:2

کہیں دی بدگوئی نہ کرݨ، تکراری نہ ہووݨ بلکہ نرم دل ہووݨ تے سبھ لوکاں نال بہُوں حلیمی نال پیش آوݨ۔

طِطُس 1:7

نگہبان کُوں خُدا دے لوکاں دا مُختار ہووݨ دے سببّوں بے اِلزام ہوونڑا چاہیدے۔ او ضِدی تے کوڑیل نہ ہووے، شرابی تے مار کُٹ کرݨ آلا نہ ہووے تے نہ ای پیسے دا لالچی ہووے۔

1تھِسّلُنیکیوں 2:7

اِیندے بجائے، جِینویں ہِک ماء آپنڑے بالاں دی نرمی نال ڈیکھ بھال کریندی ہے اُونویں ای اساں وی تُہاڈے وچال نرمی نال ریہے۔

1 تِیمُتھِیُس 6:11

پر تُوں خُدا دے بندے، اِنہاں کنُوں بھج تے راستبازی، دینداری، اِیمان، محبت، صبر تے نرم دِلی دا طالب تھی۔

کلُسِّیوں 3:13

ہِک ڈُوجھے دی برداشت کرو تے جے کوئی شکایت ہووے تاں ہِک ڈُوجھے کُوں معاف کرو۔ جِینویں خُداوند تُہاکُوں معاف کیتے، اُونویں ای تُساں وی معاف کرو۔

فِلِپّیوں 2:14

تے ہر کم بغیر شکایت تے بحث دے کیتا کرو۔

فِلِپّیوں 2:3

خود غرضی تے غیر مناسب فخر کنُوں دُور راہو بلکہ حلیمی نال ہِک ڈُوجھے کُوں آپنڑے تُوں چنگا سمجھو۔

اِفِسیوں 4:2

یعنی کمال فروتنی، نرم دِلی تے صبر نال، محبت ءچ ہِک ڈُوجھے دی برداشت کرو۔

1 پطرس 3:8

آخری گالھ ایہ ہے جو تُساں سارے ہِک ڈُوجھے نال ہمدردی، برادرانہ محبت، رحم دِلی تے عاجزی نال راہو۔

یعقُوب 3:17

پر جیہڑی حِکمت اسمان کنُوں آندی ہے، اوّل تاں او پاک ہوندی ہے، وَل امن پسند، نرم مزاج تے تربیت قبول کرݨ آلی ہوندی ہے تے رحم تے چنگے کماں نال بھری ہوندی ہے۔ اُوندے ءچ طرفداری تے منافقت نئیں ہوندی۔

طِطُس 1:9

جیہڑا سچا کلام اُونکُوں سِکھایا گئے، او اُوندے اُتے قائم راہوے تاں جو او صحیح تعلیم نال ڈُوجھیاں کُوں نصیحت ڈے سگے تے مخالفاں کُوں وی سمجھا سگے۔

2کُرِنتھِیوں 10:1

ہُنڑ مَیں پولُس جیندے بارے ءچ کُجھ لوک آدھے ہِن جو تُہاڈے سامنڑے تاں عاجز ہاں پر غیر حاضری ءچ دلیر ہاں، مسیح دی عاجزی تے نرمی یاد ڈیویندے ہوئے خود تُہاکُوں درخاست کریندا ہاں۔

اعمال 7:26

وَل ڈُوجھے ڈینہہ اُوں اُنہاں ءچوں ڈُو کُوں آپس ءچ لڑدے ڈِٹھا تے ایہ آکھ تے اُنہاں ءچ صُلح کراوݨ دی کوشش کیتی جو ’جوانو! تُساں تاں بِھرا بِھرا ہیوے، کیوں ہِک بئے اُتے ظلم کریندے ہیوے؟‘

متّی 12:19

ایہ نہ جھیڑا کریسی نہ شور تے نہ گلیاں ءچ کوئی اُوندی اواز سُنڑسی۔

یعقُوب 4:2

تُساں کہیں چیز دی خواہش کریندے ہیوے پر او تُہاکُوں نئیں مِلدی تاں قتل کریندے ہیوے۔ تُساں حسد کریندے ہیوے پر جیہڑا کُجھ چاہندے ہیوے حاصل نئیں کر سگدے تاں لڑدے تے جھیڑا کریندے ہیوے۔ تُہاکُوں اِیں واسطے نئیں مِلدا کیوں جو تُساں خُدا کنُوں نئیں منگدے۔

یعقُوب 1:1

ایہ خط میں یعقُوب دی طرفوں ہے جیہڑا خُدا دا تے خُداوند یسُوع مسیح دا خادم ہاں، بنی اِسرائیل دے بارہاں قبیلیاں کُوں جیہڑے غیر یہُودی قوماں ءچ تِتربِتر تھی گئے ہِن، سلام پُجے۔

یہُوداہ 1:3

عزیزو! مَیں تُہاکُوں اُوں نجات دے بارے ءچ لِکھنڑ دا بہُوں شوق رکھیندا ہم جیندے ءچ اساں سارے شریک ہیں، پر مَیں ایہ نصیحت کرݨ ضروری سمجھدا ہاں جو تُساں اُوں اِیمان کیتے بہُوں محنت کرو جیہڑا خُدا آپنڑے مُقدّساں کُوں ہِکے پھیری ہمیشاں کیتے سپُرد کر ڈِتا ہا۔

اعمال 23:9

بس اُتھاں ہنگامہ تھی گِیا، تے فریسیاں ءچوں کُجھ شریعت دے عالم کھڑے تھی گئے تے جھیڑا کر تے آکھنڑ لگے جو ”اساں اِیں بندے ءچ کوئی قصُور نئیں ڈیدھے تے جے کہیں فرشتے یا رُوح اِیندے نال گالھ کیتی ہے تاں کیا تھیّا؟“

طِطُس 1:1

ایہ خط میں پولُس دی طرفوں ہے جیہڑا خُدا دا خادم تے یسُوع مسیح دا رسُول ہاں۔ میں اِیں واسطے مقرر کیتا گِیا تاں جو خُدا دے چُنڑے ہوئے لوک اِیمان ءچ تے اُوں سچائی دی پچھاݨ ءچ ترقی کرݨ جیہڑی دیندار زندگی دو گِھن ویندی ہے،

گلتِیوں 5:22

پر رُوح القُدس دا پھل محبت، خوشی، اِطمینان، صبر، مہربانی، نیکی، وفاداری،

2کُرِنتھِیوں 10:4

کیوں جو ساڈی لڑائی دے ہتھیار دُنیاوی نئیں بلکہ خُدا دی طرفوں مضبوط قلعیاں کُوں ڈھا ڈیوݨ دی قُدرت رکھیندے ہِن۔

اعمال 15:2

جِیں ویلے پولُس تے برنباس دی اُنہاں دے نال سخت تکرار تے بحث تھئی تاں کلیسیا ایہ مقرر کیتا جو پولُس تے برنباس تے اُنہاں ءچوں کُجھ بئے بندے اِیں مسئلہ کیتے رسُولاں تے بزُرگاں کولھ یروشلیم ونجنڑ۔

یُوحنّا 6:52

اِیں تے یہُودیاں ءچ جھیڑا شروع تھی گِیا تے او آکھنڑ لگے، ”ایہ بندہ کِینویں ساکُوں آپنڑا گوشت کھاوݨ کیتے ڈے سگدے؟“

2کُرِنتھِیوں 6:4

بلکہ خُدا دے خادم ہوندے ہوئے اساں ہر گالھ تُوں آپنڑی نیکی ظاہر کریندے ہیں، یعنی بہُوں صبر نال، مُصیبت ءچ، مُشکلات ءچ، تنگی ءچ،