2 تِیمُتھِیُس 2:21 - کِتاب مُقدّس سرائیکی ترجمہ

²¹ بس جے کوئی آپنڑے آپ کُوں اِنہاں بے ہُودہ گالھیں کنُوں پاک صاف رکھیسی تاں او عزت کیتے اِستعمال تھیوݨ آلے تھاں وانگُوں بنڑ ویسی۔ او مُقدّس ہوسی، آپنڑے مالک دے کم آسی تے ہر نیک کم کیتے تیار تھیسی۔

2 تِیمُتھِیُس 2:21 Referans Kwoze

2 تِیمُتھِیُس 3:17

تاں جو خُدا دا بندہ کامِل بنڑے تے ہر ہِک نیک کم کرݨ کیتے تیار تھی ونجے۔

اِفِسیوں 2:10

کیوں جو اساں خُدا دی کاریگری ہیں تے اُوں ساکُوں مسیح یسُوع ءچ نیک کماں کیتے نویں سِروں پیدا کیتا۔ ایہ نیک کم اُوں پہلے ای ساڈے کیتے تیار کیتے ہَن۔

2کُرِنتھِیوں 7:1

عزیزو، ساڈے نال ایجھے وعدے کیتے گئے ہِن، اِیں واسطے آؤ اساں آپنڑے آپ کُوں جِسم تے رُوح کُوں ناپاک کرݨ آلی ہر چیز کنُوں پاک کرُوں تے خُدا دا خوف منیندے ہوئے آپنڑی پاکیزگی کُوں کمال تئیں پُچاؤں۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

1 یُوحنّا 3:3

تے جیہڑا کوئی یسُوع تُوں ایہ اُمید رکھیندے، او آپنڑے آپ کُوں پاک رکھیندے، جِینویں او خود پاک ہے۔

2 تِیمُتھِیُس 2:20

ہِک وڈے گھر ءچ نہ صرف سونے چاندی دے تھاں ہوندن بلکہ لکڑ تے مِٹی دے وی ہوندن۔ کُجھ عزت آلے کماں کیتے تے کُجھ عام کماں کیتے۔

طِطُس 3:8

ایہ گالھ سچ ہے تے مَیں چاہندا ہاں جو تُوں اِنہاں گالھیں اُتے خاص زور ڈے تاں جو خُدا اُتے اِیمان گِھن آوݨ آلے دھیان نال نیک کماں ءچ مصروف راہوݨ۔ ایہ گالھیں سبھ کیتے چنگیاں تے مفید ہِن۔

اعمال 9:15

پر خُداوند حننیاہ کُوں آکھیا جو ”تُوں وَنج کیوں جو ایہ بندہ غیر قوماں، بادشاہاں تے بنی اِسرائیل ءچ میڈا ناں ظاہر کرݨ کیتے میڈا چُنڑیا ہویا وسیلہ ہے۔

1 پطرس 1:7

تاں جو تُہاڈا ازمایا ہویا اِیمان جیہڑا بھاہ نال خالص کیتے ہوئے فانی سونے تُوں وی بہُوں قیمتی ہے، اصلی ثابت تھی ونجے تے یسُوع مسیح دے ظہور دے ڈینہہ تعریف، جلال تے عزت مِلنڑ دا سبب ہووے۔

1کُرِنتھِیوں 5:7

آپنڑے آپ کُوں بدی دے اُوں پُڑانڑے خمیر تُوں پاک کر گِھنو تاں جو تازہ مَلیا ہویا اٹّا بنڑ ونجو۔ تُساں ہیوے خمیر تُوں پاک کیوں جو مسیح جیہڑا فسح دا لیلا ہے ساڈے کیتے قُربان کیتا گئے۔

طِطُس 3:14

ساڈے لوکاں کُوں وی چاہیدے جو او چنگے کماں ءچ لگے راہونڑا سِکھنڑ تاں جو ضرورتاں کُوں پُورا کر سگنڑ تے بے پھل زندگی نہ گُزارݨ۔

طِطُس 3:1

لوکاں کُوں یاد ڈیوا جو او حاکماں تے اِختیار آلیاں دے تابع راہوݨ، اُنہاں دا حُکم مننڑ تے ہر نیک کم کُوں کرݨ کیتے تیار راہوݨ،

2کُرِنتھِیوں 9:8

خُدا تُہاڈے اُتے ہر طرحاں دا فضل کثرت نال کر سگدے، تاں جو تُہاڈے کولھ ہمیشاں ہر چیز ضرورت کنُوں زیادہ ہووے تے ہر ہِک نیک کم کیتے تُہاڈے کولھ بہُوں کُجھ موجود ہووے۔

1 تِیمُتھِیُس 6:11

پر تُوں خُدا دے بندے، اِنہاں کنُوں بھج تے راستبازی، دینداری، اِیمان، محبت، صبر تے نرم دِلی دا طالب تھی۔

2 تِیمُتھِیُس 2:16

بے ہُودہ بکواس کنُوں دُور رہ، کیوں جو اِیندے نال لوک زیادہ بے دین تھی ویندن،

2 تِیمُتھِیُس 4:11

صرف لُوقا میڈے نال ہے۔ تُوں مرقس کُوں آپنڑے نال گِھن آ کیوں جو او میڈی خدمت ءچ میڈے کیتے فائدہ مند ہے۔