2 تِیمُتھِیُس 2:19 - کِتاب مُقدّس سرائیکی ترجمہ

¹⁹ وَل وی خُدا دی مضبوط بنیاد قائم راہندی ہے تے اُوندے اُتے اِنہاں گالھیں دی مُہر تھی گئی ہے جو ”رب آپنڑے بندیاں کُوں پچھاݨ گِھندے۔“ تے ”جیہڑا کوئی رب دا ناں گِھندے او بدی تُوں دُور راہوے۔“

2 تِیمُتھِیُس 2:19 Referans Kwoze

یُوحنّا 10:14

چنگا آجڑی مَیں ہاں۔ مَیں آپنڑیاں بھیڈاں کُوں جانڑدا ہاں تے او میکُوں جانڑدیاں ہِن،

1کُرِنتھِیوں 8:3

پر جیہڑا خُدا نال محبت رکھیندے، خُدا اُونکُوں جانڑدے۔

لُوقا 13:27

پر او اکھیسی، ’مَیں تُہاکُوں آدھا ہاں جو مَیں نئیں جانڑدا جو تُساں کِتھوں دے ہیوے۔ بدکارو! تُساں سارے مَیں کنُوں دُور تھی ونجو۔‘

گلتِیوں 4:9

پر ہُنڑ جڈاں تُساں خُدا کُوں پچھاݨ گِھدے بلکہ خُدا تُہاکُوں پچھاݨ گِھدے تاں تُساں کیوں اُنہاں کمزور تے بے کار اصُولاں دو واپس ویندے پئے ہیوے؟ کیا ولا کنُوں اُنہاں دی غُلامی ءچ آوݨ چاہندے ہیوے؟

مُکاشفہ 3:8

”مَیں تیڈے کماں کُوں جانڑدا ہاں۔ ڈیکھ! مَیں تیڈے سامنڑے ہِک دروازہ کھول رکھے جِینکُوں کوئی بند نئیں کر سگدا۔ مَیں جانڑدا ہاں جو تیڈے ءچ طاقت گھٹ ہے پر تَیں میڈے کلام اُتے عمل کیتے تے میڈے ناں دا اِنکار نئیں کیتا۔

مُکاشفہ 22:4

او اُوندا مُنہ ڈیکھسن تے اُوندا ناں اُنہاں دے متھیاں اُتے لِکھیا ہوسی۔

اِفِسیوں 4:30

خُدا دے رُوح القُدس کُوں ناراض نہ کرو جیندے نال تُہاڈے اُتے مخلصی دے ڈینہہ کیتے مُہر کیتی گئی ہے۔

1کُرِنتھِیوں 1:2

خُدا دی اُوں کلیسیا دے ناں جیہڑی کُرِنتُھس شہر ءچ ہے، یعنی اُنہاں دے ناں جیہڑے یسُوع مسیح ءچ پاک کیتے گئے تے مُقدّس لوک ہووݨ کیتے سڈے گئے ہِن۔ ایہ خط اُنہاں ساریاں دے ناں وی ہے جیہڑے جاہ جاہ یسُوع مسیح دا ناں گِھندے ہِن جیہڑا اُنہاں دا تے ساڈا خُداوند ہے۔

2 پطرس 3:14

بس عزیزو، کیوں جو تُساں اِنہاں گالھیں دے اِنتظار ءچ ہیوے، اِیں واسطے پُوری کوشش کرو جو تُساں خُدا دے نال صُلح ءچ اُوندے نزدیک بے داغ تے بے اِلزام تے ثابت تھیؤ۔

2کُرِنتھِیوں 7:1

عزیزو، ساڈے نال ایجھے وعدے کیتے گئے ہِن، اِیں واسطے آؤ اساں آپنڑے آپ کُوں جِسم تے رُوح کُوں ناپاک کرݨ آلی ہر چیز کنُوں پاک کرُوں تے خُدا دا خوف منیندے ہوئے آپنڑی پاکیزگی کُوں کمال تئیں پُچاؤں۔

مُکاشفہ 2:13

”مَیں جانڑدا ہاں جو جِتھاں تُوں راہندیں اُتھاں شیطان دا تخت ہے، پر وَل وی تُوں میڈے ناں نال وفادار ریہا ہیں۔ تے اُنہاں ڈینہاں ءچ وی جِیں ویلے میڈا سچا گواہ اِنتپاس تیڈے شہر ءچ شہید کیتا گِیا جِتھاں شیطان راہندے، اُوں ویلے وی تَیں میڈے اُتے اِیمان رکھنڑ تُوں اِنکار نئیں کیتا۔

متّی 7:23

اُوں ویلے مَیں اُنہاں کُوں صاف اکھیساں جو ’میڈی کڈھائیں تُہاڈے نال واقفیت نہ ہئی۔ بدکارو! میڈے سامنڑے تُوں دُور تھی ونجو۔‘

اِفِسیوں 3:15

جیندے تُوں اسمان تے زمین دے ہر خاندان کُوں ناں مِلے۔

رومیوں 15:20

میڈا صرف ایہ مقصد ہا جو جِتھاں مسیح دا ناں نئیں پُجیا، اُتھاں خوشخبری سُنڑاواں، کیوں جو مَیں کہیں بئے دی بنیاد اُتے کُجھ بنڑاوݨ نئیں چاہندا۔

اعمال 15:17

تاں جو باقی لوک یعنی ساریاں قوماں جیہڑیاں میڈے ناں تُوں اکھویندیاں ہِن، خُداوند کُوں گولھنڑ۔‘ ایہ اُوہو خُداوند فرمیندے

متّی 7:25

تے بارش تھئی تے سیلاب آیا تے اندھاریاں گُھلیاں تے اُوں گھر کُوں ٹکراں ماریاں پر او نہ ڈھٹھا، کیوں جو اُوندی بنیاد چٹان اُتے رکھی گئی ہئی۔

1 یُوحنّا 2:19

ایہ لوک ساڈے ءچوں نِکلے تاں ہِن پر اصل ءچ ساڈے ءچوں نہ ہَن۔ جے ساڈے ءچوں ہوندے تاں ساڈے نال راہندے۔ پر اُنہاں دے نِکل ونجنڑ تُوں ثابت تھی گئے جو او ساڈے ءچوں نہ ہَن۔

رومیوں 12:9

محبت ڈِکھاوے دی نہ ہووے۔ بُرائی کنُوں نفرت رکھو۔ نیکی کُوں پکڑی رکھو۔

مرقس 13:22

کیوں جو کُوڑے المسیح تے کُوڑے نبی اُٹھی کھڑے تھیسن تے نشان تے عجیب کم ڈِکھیسن جو جے ممکن ہووے تاں خُدا دے چُنڑے ہوئے لوکاں کُوں وی گُمراہ کر ڈیوݨ۔

رومیوں 9:11

تے اجنڑ تئیں نہ تاں چھوہر جائے ہَن تے نہ ای اُنہاں کُجھ نیکی یا بدی کیتی ہئی، خُدا رِبقہ کُوں آکھیا جو وڈا چھوٹے دی خدمت کریسی، تاں جو خُدا ایہ ظاہر کرے جو اُوندا مقصد قائم راہندے کیوں جو او آپنڑی مرضی نال لوکاں کُوں چُنڑدے نہ جو اُنہاں دے اعمال نال۔

1 تِیمُتھِیُس 6:19

اِینویں او آپنڑے کیتے ہِک چنگا خزانہ جمع کریسن یعنی آوݨ آلے زمانے کیتے ہِک مضبوط بنیاد، تے اِینویں حقیقی زندگی اُتے قبضہ کرݨ۔

رومیوں 8:28

تے اساں جانڑدے ہیں جو ساریاں چیزاں مِل تے خُدا نال محبت رکھنڑ آلیاں کیتے بھلائی پیدا کریندیاں ہِن یعنی اُنہاں کیتے جیہڑے اُوندے اِرادے دے مطابق سڈے گئے ہِن۔

اعمال 9:14

تے اِتھاں اِینکُوں سردار کاہِناں دی طرفوں اِختیار مِلیا ہے جو جیہڑے لوک تیڈا ناں گِھندے ہِن اُنہاں ساریاں کُوں گرفتار کر گِھنے۔“

یُوحنّا 13:18

مَیں تُساں ساریاں دے بارے ءچ نئیں آدھا۔ جِنہاں کُوں مَیں چُنڑیا ہے مَیں اُنہاں کُوں جانڑدا ہاں۔ پر کلام دی ایہ گالھ پُوری تھیوݨ ضرور ہے جو جیہڑا میڈی روٹی کھاندے اُوہو میڈے اُتے لَت چیندے۔

متّی 24:24

کیوں جو کُوڑے المسیح تے کُوڑے نبی اُٹھی کھڑے تھیسن تے ایجھے وڈے وڈے نشان تے عجیب کم ڈِکھیسن جو جے ممکن ہووے تاں خُدا دے چُنڑے ہوئے لوکاں کُوں وی گُمراہ کر ڈیوݨ۔

اِفِسیوں 2:20

تُساں ہِک ایجھی عمارت ہیوے جیہڑی رسُولاں تے نبیاں دی بنیاد اُتے اُساری گئی ہے، جیندے کونے دے سرے دا پتھر یسُوع مسیح خود ہے۔

رومیوں 11:2

خُدا آپنڑی قوم کُوں جِینکُوں او پہلے کنُوں جانڑدا ہا، رَد نئیں کیتا۔ کیا تُساں نئیں جانڑدے جو خُدا دا کلام ایلیّاہ دے بارے ءچ کیا فرمیندے، جو او کِینویں خُدا کُوں اِسرائیل دے خلاف ایہ فریاد کریندے جو

لُوقا 6:48

او اُوں بندے وانگُوں ہے جئیں گھر بنڑیندے ویلے زمین کُوں بہُوں جِھکا کھٹیا تے گھر دی بنیاد چٹان اُتے رکھی۔ جِیں ویلے سیلاب آیا تے پانڑی دیاں چھلاں اُوں گھر کُوں ٹکراں ماریاں تاں اُونکُوں ہِلا نہ سگیاں کیوں جو او مضبوط بنڑیا ہا۔

رومیوں 15:9

تے غیریہُودی خُدا دے رحم دی وجہ کنُوں اُوندی تعریف کرݨ۔ جِینویں لِکھیا ہے جو ”اِیں واسطے مَیں غیر قوماں ءچ تیڈا اِقرار کریساں، تے تیڈے ناں دی حمد کریساں۔“

مُکاشفہ 21:14

اُوں شہر دی چاردیواری دی بنیاد بارہاں پتھراں اُتے قائم ہئی جِنہاں اُتے لیلے دے بارہاں رسُولاں دے ناں لِکھے ہَن۔

عبرانیوں 11:10

کیوں جو ابرہام اُوں مضبوط بنیاد آلے شہر دے اِنتظار ءچ ہا، جِیندا نقشہ بنڑاوݨ آلا تے تعمیر کرݨ آلا خود خُدا ہے۔

متّی 28:19

اِیں واسطے تُساں ونجو تے ساریاں قوماں کُوں شاگرد بنڑاؤ تے اُنہاں کُوں باپ تے بیٹے تے رُوح القُدس دے ناں ءچ بپتسمہ ڈیؤ۔

مُکاشفہ 17:8

جیہڑا حیوان تَیں ڈِٹھے، او پہلے ہا، پر ہُنڑ نئیں۔ او بے تَل کھڈے کنُوں نِکلسی تے ہلاک تھی ویسی۔ تے زمین دے او راہنڑ آلے جِنہاں دے ناں دُنیا بنڑݨ کنُوں پہلے کتاب ِ حیات ءچ لِکھے نئیں گئے، اُوں حیوان کُوں ڈیکھ تے حیران رہ ویسن، کیوں جو او پہلے ہا، پر ہُنڑ نئیں تے وَل آوݨ آلا ہے۔

اعمال 11:26

تے جِیں ویلے او مِلیا تاں اُونکُوں انطاکِیہ ءچ گِھن آیا۔ تے ساؤل تے برنباس ہِک سال تئیں اُتھاں دی کلیسیا ءچ شامل تھیندے تے بہُوں سارے لوکاں کُوں تعلیم ڈیندے ریہے۔ شاگرد پہلی پھیری انطاکِیہ ءچ ای مسیحی اکھوائے۔

یُوحنّا 3:33

جئیں اُوندی گواہی قبول کیتی اُوں اِیں گالھ دی تصدیق کر ڈِتی جو خُدا سچا ہے۔

1 تِیمُتھِیُس 3:15

جو جے میکُوں آوݨ ءچ دیر تھی ونجے تاں تیکُوں پتا ہووے جو خُدا دے گھر آلیاں دے وچال جیہڑے زندہ خُدا دی کلیسیا تے حق دا تھمبا تے بنیاد ہِن، ساڈا چال چلنڑ کِینویں ہوونڑا چاہیدے۔

مرقس 12:16

او گِھن آئے۔ اُوں اُنہاں کنُوں پُچھیا، ”اِیندے اُتے کیندی تصویر تے ناں ہے؟“ اُنہاں آکھیا، ”قیصر دا۔“