2 تِیمُتھِیُس 2:18 - کِتاب مُقدّس سرائیکی ترجمہ

¹⁸ او سچائی کنُوں گُمراہ تھی تے ایہ آدھے ہِن جو قیامت تھی گئی ہے، تے اِینویں او کُجھ لوکاں دا اِیمان خراب کریندے پئے ہِن۔

2 تِیمُتھِیُس 2:18 Referans Kwoze

1کُرِنتھِیوں 15:12

جڈاں مسیح دے مُردیاں ءچوں زندہ تھیوݨ دی تبلیغ کیتی ویندی ہے تاں تُہاڈے ءچوں کُجھ کِینویں اکھیندے ہِن جو مُردیاں دی قیامت نئیں ہوندی؟

1 تِیمُتھِیُس 1:19

تے اِیمان تے نیک نیّتی اُتے قائم راہویں کیوں جو کُجھ لوکاں اِینکُوں رَد کر ڈِتے، تے آپنڑے اِیمان دا بیڑا غرق کر گِھدے۔

عبرانیوں 3:10

اِیں واسطے مَیں اُوں نسل نال ناراض تھیّا تے آکھیا جو ’اُنہاں دے دل ہمیشاں گُمراہ تھیندے راہندن، تے اُنہاں میڈے رستیاں کُوں نئیں پچھانڑیا۔‘

1 یُوحنّا 2:19

ایہ لوک ساڈے ءچوں نِکلے تاں ہِن پر اصل ءچ ساڈے ءچوں نہ ہَن۔ جے ساڈے ءچوں ہوندے تاں ساڈے نال راہندے۔ پر اُنہاں دے نِکل ونجنڑ تُوں ثابت تھی گئے جو او ساڈے ءچوں نہ ہَن۔

یعقُوب 5:19

میڈے بِھراؤ! جے تُہاڈے ءچوں کوئی سچائی دے رستے کنُوں پِھر ونجے تے کوئی ڈُوجھا اُونکُوں ولا گِھن آوے،

2 تِیمُتھِیُس 2:14

ایہ گالھیں لوکاں کُوں یاد ڈیوا، تے خُداوند کُوں گواہ بنڑا تے اُنہاں کُوں تاکید کر جو لفظاں دے بارے ءچ تکرار نہ کرݨ کیوں جو اِیں تُوں کُجھ حاصل نئیں تھیندا بلکہ سُنڑݨ آلے وِگڑ ویندے ہِن۔

1 تِیمُتھِیُس 6:21

کُجھ لوک ایجھے علم دی وجہ کنُوں آپنڑے اِیمان تُوں گُمراہ تھی گئے ہِن۔ خُدا دا فضل تُساں سبھ نال راہوے۔

1 تِیمُتھِیُس 6:10

کیوں جو پیسیاں دا لالچ ہر قِسم دی بُرائی دی جڑھ ہے تے کُجھ لوک دولت دے لالچ ءچ آ تے آپنڑے اِیمان تُوں گُمراہ تھی گئے تے آپنڑے آپ کُوں بہُوں ڈُکھ ڈِتے۔

کلُسِّیوں 3:1

تُساں مسیح نال زندہ کیتے گئے، اِیں واسطے اُنہاں چیزاں دی خواہش ءچ راہو جیہڑیاں اسمان اُتے ہِن، جِتھاں مسیح خُدا دے سجے پاسُوں بیٹھے۔

1کُرِنتھِیوں 11:19

تُہاڈے ءچ تفرقے دا ہووݨ ضرور ہے تاں جو ظاہر تھی ونجے جو تُہاڈے ءچ کیہڑے لوک سچے ہِن۔

اعمال 5:39

پر جے خُدا دی طرفوں ہے تاں تُساں اِنہاں بندیاں کُوں روک نہ سگسو بلکہ خُدا نال لڑن آلے کھڑائے ویسو۔“

لُوقا 8:13

تے پتھریلی زمین آلے او ہِن جیہڑے کلام کُوں سُنڑ تے اُونکُوں خوشی نال قبول تاں کریندے ہِن پر جڑھ نئیں رکھیندے۔ اِیں واسطے کُجھ عرصہ تئیں اِیمان رکھ تے ازمائش دے ویلے پِھر ویندے ہِن۔

متّی 22:29

یسُوع اُنہاں کُوں جواب ءچ آکھیا، ”تُساں گُمراہ ہیوے اِیں واسطے جو نہ تاں خُدا دے کلام کُوں جانڑدے ہیوے، نہ خُدا دی قُدرت کُوں۔

متّی 15:13

اُوں جواب ڈِتا، ”ہر او بُوٹا جیہڑا میڈے اسمانی باپ نئیں رہایا جڑھ کنُوں پَٹ ڈِتا ویسی۔

طِطُس 1:11

ایجھے لوکاں دا مُنہ بند کرݨ ضروری ہے، اِیں واسطے جو او ناجائز نفع دی خاطر غلط تعلیم سِکھا تے گھراں دے گھر برباد کر ڈیندے ہِن۔