2 تِیمُتھِیُس 2:12 - کِتاب مُقدّس سرائیکی ترجمہ

¹² جے اساں ڈُکھ سَہسوں تاں اُوندے نال بادشاہی وی کریسوں۔ جے اساں اُوندا اِنکار کریسوں تاں او وی ساڈا اِنکار کریسی۔

2 تِیمُتھِیُس 2:12 Referans Kwoze

رومیوں 8:17

تے جے فرزند ہیں تاں وارث وی ہیں یعنی خُدا دے وارث تے مسیح دے ہم میراث، شرط ایہ ہے جو اساں اُوندے نال ڈُکھ چاؤں تاں جو اُوندے نال جلال وی پاؤں۔

متّی 10:33

پر جیہڑا کوئی لوکاں دے سامنڑے میڈا اِنکار کریسی مَیں وی آپنڑے اسمانی باپ دے سامنڑے اُوندا اِنکار کریساں۔

مُکاشفہ 20:4

وَل مَیں تخت ڈِٹھے جِنہاں اُتے او لوک بیٹھے ہَن جِنہاں کُوں عدالت کرݨ دا اِختیار ڈِتا گِیا ہا۔ تے مَیں اُنہاں لوکاں دیاں رُوحاں ڈِٹھیاں جِنہاں دے سر یسُوع دی گواہی ڈیوݨ تے خُدا دے کلام دی وجہ کنُوں کپ ڈِتے گئے ہَن۔ اُنہاں لوکاں، نہ تاں اُوں حیوان دی تے نہ اُوندے بُت دی عبادت کیتی تے نہ متھے یا ہتھاں اُتے اُوندا نشان لوایا ہا۔ او زندہ تھی گئے تے ہِک ہزار سال تئیں مسیح دے نال بادشاہی کریندے ریہے۔

مُکاشفہ 20:6

مُبارک تے مُقدّس ہِن او لوک جیہڑے پہلی قیامت ءچ شریک ہِن۔ اُنہاں اُتے ڈُوجھی موت دا کوئی اِختیار نئیں بلکہ او خُدا تے مسیح دے کاہِن ہوسن تے ہزار سال تئیں اُوندے نال بادشاہی کریندے راہسن۔

لُوقا 12:9

پر جیہڑا لوکاں دے سامنڑے میڈا اِنکار کریسی، خُدا دے فرشتیاں دے سامنڑے اُوندا اِنکار کیتا ویسی۔

مُکاشفہ 5:10

تے اُنہاں کُوں ساڈے خُدا کیتے ہِک بادشاہی تے کاہِن بنڑا ڈِتا تے او زمین اُتے بادشاہی کریسن۔“

لُوقا 9:26

کیوں جو جیہڑا کوئی مَیں کنُوں تے میڈے کلام کنُوں شرمیسی، مَیں اِبنِ آدم وی جِیں ویلے آپنڑے تے آپنڑے باپ دے تے پاک فرشتیاں دے جلال ءچ آساں تاں اُوں کنُوں شرمیساں۔

مُکاشفہ 2:13

”مَیں جانڑدا ہاں جو جِتھاں تُوں راہندیں اُتھاں شیطان دا تخت ہے، پر وَل وی تُوں میڈے ناں نال وفادار ریہا ہیں۔ تے اُنہاں ڈینہاں ءچ وی جِیں ویلے میڈا سچا گواہ اِنتپاس تیڈے شہر ءچ شہید کیتا گِیا جِتھاں شیطان راہندے، اُوں ویلے وی تَیں میڈے اُتے اِیمان رکھنڑ تُوں اِنکار نئیں کیتا۔

مُکاشفہ 1:9

مَیں یُوحنّا، تُہاڈا بِھرا تے یسُوع دی پیروی کریندے ہوئے ڈُکھ، بادشاہی تے صبر ءچ تُہاڈا شریک ہاں۔ مَیں خُدا دا کلام سُنڑاوݨ تے یسُوع دی گواہی ڈیوݨ دی وجہ کنُوں اُوں جزیرہ اُتے بھیجیا گِیا ہم جیہڑا پتمُس اکھویندے۔

یہُوداہ 1:4

کُجھ بدکار لوک لُک تے تُہاڈے وچال آ گئے ہِن جیہڑے ساڈے خُدا دے فضل کُوں آپنڑی شہوت پرستی دا بہانہ بنڑائی پئے ہِن، تے ساڈے واحد مالک تے خُداوند یسُوع مسیح دا اِنکار کریندے ہِن۔ ایجھے لوکاں دی سزا دا حُکم بہُوں پہلے کنُوں ای لِکھ ڈِتا گِیا ہا۔

فِلِپّیوں 1:28

تے ایہ وی جو تُساں کہیں گالھ ءچ وی آپنڑے مخالفاں کنُوں خوف زدہ نئیں۔ ایہ اُنہاں کیتے تاں ہلاکت دا نشان، پر تُہاڈے کیتے نجات دا نشان ہے تے ایہ خُدا دی طرفوں ہے۔

مرقس 8:38

کیوں جو جیہڑا کوئی اِیں زِنا کار تے گُنہگار قوم ءچ مَیں کنُوں تے میڈے کلام کنُوں شرمیسی، مَیں اِبنِ آدم وی جِیں ویلے آپنڑے باپ دے جلال ءچ پاک فرشتیاں نال آساں تاں اُوندے کنُوں شرمیساں۔“

متّی 26:35

پطرس اُونکُوں آکھیا، ”جے تُہاڈے نال میکُوں مرنڑا وی پووے، وَل وی تُہاڈا اِنکار نہ کریساں۔“ تے سارے شاگرداں وی اِیہو آکھیا۔

مُکاشفہ 3:8

”مَیں تیڈے کماں کُوں جانڑدا ہاں۔ ڈیکھ! مَیں تیڈے سامنڑے ہِک دروازہ کھول رکھے جِینکُوں کوئی بند نئیں کر سگدا۔ مَیں جانڑدا ہاں جو تیڈے ءچ طاقت گھٹ ہے پر تَیں میڈے کلام اُتے عمل کیتے تے میڈے ناں دا اِنکار نئیں کیتا۔

اعمال 14:22

تے شاگرداں دے دِلاں کُوں مضبوط کریندے تے ایہ نصیحت کریندے ہَن جو ”آپنڑے اِیمان اُتے قائم راہو“ تے آدھے ہَن ”ضرور ہے جو اساں بہُوں ساریاں مُصیبتاں سہہ تے خُدا دی بادشاہی ءچ داخل تھیؤں۔“

مرقس 10:33

اُوں آکھیا، ”اساں یروشلیم ویندے ہیں تے اِبنِ آدم سردار کاہِناں تے شریعت دے عالماں دے حوالے کیتا ویسی۔ او اُوندے قتل دا حُکم ڈیسن تے اُونکُوں غیر قوماں دے حوالے کریسن

متّی 26:75

پطرس کُوں یسُوع دی او گالھ یاد آئی جیہڑی اُوں آکھی ہئی جو ”کُکڑ دے بانگ ڈیوݨ کنُوں پہلے تُوں ترے پھیری میڈا اِنکار کریسیں،“ تے او باہر وَنج تے بُٹ بُٹ رویا۔

مُکاشفہ 1:6

تے ساکُوں ہِک بادشاہی یعنی آپنڑے خُدا تے باپ دی خدمت کیتے کاہِن وی بنڑایا۔ جلال تے قُدرت ہمیشاں تئیں اُوندی راہوے۔ آمین۔

لُوقا 22:29

تے جِینویں میڈے باپ میکُوں ہِک بادشاہی عطا کیتی ہے، مَیں وی تُہاکُوں عطا کریندا ہاں۔

لُوقا 22:30

تاں جو تُساں میڈی بادشاہی ءچ میڈے دسترخوان اُتے کھاؤ پِیو بلکہ تُساں تختاں اُتے بہہ تے بنی اِسرائیل دے بارہاں قبیلیاں دا اِنصاف کریسو۔

رومیوں 5:17

کیوں جو جڈاں ہِک بندے دے گُناہ دی وجہ کنُوں موت ساریاں اُتے حکُومت کیتی تاں جیہڑے لوک خُدا دے بہُوں زیادہ فضل تے راستبازی دی نعمت حاصل کریندے ہِن، او وی ہِک بندے یعنی یسُوع مسیح دے وسیلے نال ہمیشاں دی زندگی ءچ ضرور حکُومت کریسن۔

1 تِیمُتھِیُس 5:8

جیہڑا بندہ آپنڑے رشتہ داراں، خاص کر آپنڑے گھر آلیاں دا خیال نئیں کریندا او اِیمان دا مُنکر ہے تے غیر اِیمانداراں کنُوں وی بدتر ہے۔

مُکاشفہ 3:10

تَیں میڈے صبر کرݨ دے بارے ءچ کلام اُتے عمل کیتے، اِیں واسطے مَیں وی ازمائش دے اُوں ویلے جیہڑا ساری دُنیا اُتے آوݨ آلا ہے، تیڈی حفاظت کریساں۔

مُکاشفہ 3:21

جیہڑا غالب آسی، مَیں اُونکُوں آپنڑے نال آپنڑے تخت اُتے بِلھیساں، جِینویں مَیں غالب آیا ہاں تے آپنڑے باپ دے نال اُوندے تخت اُتے بہہ گِیا ہاں۔