2 تِیمُتھِیُس 1:9 - کِتاب مُقدّس سرائیکی ترجمہ

⁹ کیوں جو اُوں ساکُوں نجات ڈِتی ہے تے مُقدّس زندگی گُزارݨ کیتے سڈے۔ ایہ ساڈے اعمال دی وجہ کنُوں نئیں بلکہ اُوندے آپنڑے خاص اِرادے تے فضل دی وجہ تُوں ہے۔ ایہ فضل ساڈے اُتے مسیح یسُوع ءچ ازل کنُوں ای تھی گِیا ہئی،

2 تِیمُتھِیُس 1:9 Referans Kwoze

رومیوں 16:25

خُدا دی تمجید ہووے جیہڑا تُہاکُوں میڈی خوشخبری یعنی یسُوع مسیح دی تبلیغ دے وسیلے مضبوط کر سگدا ہے، اُوں بھید دے مُکاشفہ دے مطابق جیہڑا ازل کنُوں لُکیا ریہا

طِطُس 1:2

تے اُوں ہمیشاں دی زندگی دی اُمید اُتے قائم راہوݨ، جِیندا وعدہ خُدا جیہڑا کُوڑ نئیں مریندا، زمانے دے شروع تھیوݨ کنُوں وی پہلے کر ڈِتے۔

رومیوں 9:11

تے اجنڑ تئیں نہ تاں چھوہر جائے ہَن تے نہ ای اُنہاں کُجھ نیکی یا بدی کیتی ہئی، خُدا رِبقہ کُوں آکھیا جو وڈا چھوٹے دی خدمت کریسی، تاں جو خُدا ایہ ظاہر کرے جو اُوندا مقصد قائم راہندے کیوں جو او آپنڑی مرضی نال لوکاں کُوں چُنڑدے نہ جو اُنہاں دے اعمال نال۔

یُوحنّا 17:24

باپ! مَیں چاہندا ہاں جو جِنہاں کُوں تَیں میڈے حوالے کیتے، او میڈے نال اُتھاں ہووݨ جِتھاں مَیں ہاں، تاں جو او اُوں جلال کُوں ڈیکھ سگنڑ جیہڑا تَیں میکُوں ڈِتے کیوں جو تَیں دُنیا دے بنڑݨ کنُوں وی پہلے ای میڈے نال محبت رکھی ہے۔

اِفِسیوں 1:11

مسیح ءچ ساکُوں وی وراثت مِل گئی ہے کیوں جو خُدا جیہڑا سبھ کُجھ آپنڑی مرضی تے مقصد دے مطابق کریندے، اُوں آپنڑے اِرادہ دے مطابق ساڈے کیتے ایہ پہلے کنُوں ای مقرر کیتے۔

مُکاشفہ 13:8

زمین دے سبھ راہنڑ آلے اُوں حیوان دی عبادت کریسن، یعنی او سبھ جِنہاں دے ناں دُنیا دے شروع تُوں اُوں لیلے دی کتاب ِ حیات ءچ نئیں لِکھے گئے جیہڑا ذبح تھئے۔

1 پطرس 1:20

خُدا مسیح کُوں دُنیا بنڑاوݨ تُوں پہلے مقرر کیتا پر تُہاڈے کیتے اُونکُوں اِیں آخری زمانے ءچ ظاہر کیتا۔

یُوحنّا 17:9

مَیں اُنہاں کیتے دُعا کریندا ہاں۔ مَیں دُنیا کیتے دُعا نئیں کریندا بلکہ اُنہاں کیتے جِنہاں کُوں تُوں میکُوں ڈِتے کیوں جو او تیڈے ہِن۔

1 پطرس 2:9

پر تُساں ہِک چُنڑی ہوئی نسل، شاہی کاہِن، مُقدّس قوم تے ایجھی اُمت ہیوے جیہڑی خُدا دی خاص ملکیت ہے، تاں جو تُساں اُوندے خُوبیاں دا اعلان کرو جئیں تُہاکُوں اندھارے ءچوں آپنڑی حیران کرݨ آلی روشنی ءچ سڈیا ہے۔

عبرانیوں 3:1

اِیں واسطے میڈے پاک بِھراؤ، تُساں جیہڑے اسمانی دعوتءچ شریک ہیوے، یسُوع اُتے غور کرو جیہڑا رسُول تے کاہِن ِ اعظم ہے تے جِیندا اساں اِقرار کریندے ہیں۔

اِفِسیوں 2:5

جِیں ویلے اساں گُناہاں دی وجہ کنُوں مُردہ ہسے، تاں اُوں ساکُوں مسیح دے نال زندہ کیتا۔ ہا، تُہاکُوں فضل نال ای نجات مِلی ہے۔

1تھِسّلُنیکیوں 4:7

کیوں جو خُدا ساکُوں ناپاکی کیتے نئیں بلکہ پاکیزگی کیتے سڈیا ہے۔

1کُرِنتھِیوں 1:18

کیوں جو ہلاک تھیوݨ آلیاں کیتے تاں صلیب دا پیغام بیوقُوفی ہے پر نجات پاوݨ آلیاں کیتے خُدا دی قُدرت ہے۔

یُوحنّا 6:37

جِتی لوک باپ میکُوں ڈیندے، او میڈے کولھ آسن تے جیہڑا کوئی میڈے کولھ آسی مَیں اُونکُوں ہرگز نہ کڈھیساں۔

مُکاشفہ 17:8

جیہڑا حیوان تَیں ڈِٹھے، او پہلے ہا، پر ہُنڑ نئیں۔ او بے تَل کھڈے کنُوں نِکلسی تے ہلاک تھی ویسی۔ تے زمین دے او راہنڑ آلے جِنہاں دے ناں دُنیا بنڑݨ کنُوں پہلے کتاب ِ حیات ءچ لِکھے نئیں گئے، اُوں حیوان کُوں ڈیکھ تے حیران رہ ویسن، کیوں جو او پہلے ہا، پر ہُنڑ نئیں تے وَل آوݨ آلا ہے۔

اِفِسیوں 3:11

ایہ ای خُدا دا ازلی اِرادہ ہا جیہڑا اُوں ساڈے خُداوند یسُوع مسیح دے ذریعے پُورا کیتا۔

رومیوں 3:20

کیوں جو شریعت دے کم کر تے کوئی بندہ خُدا دی نِگاہ ءچ راستباز نئیں کھڑ سگدا بلکہ شریعت دے وسیلے گُناہ دی پچھاݨ تھیندی ہے۔

1 تِیمُتھِیُس 1:1

ایہ خط میں پولُس دی طرفوں ہے جیہڑا ساڈے نجات ڈیوݨ آلے خُدا تے ساڈی اُمید یعنی یسُوع مسیح دے حُکم نال اُوندا رسُول مقرر کیتا گِیا ہاں،

اِفِسیوں 1:9

تے خُدا آپنڑی مرضی دے راز کُوں آپنڑی خوشی دے مطابق ساڈے اُتے ظاہر کر ڈِتا، جِیندا اُوں مسیح ءچ پُورا کرݨ دا اِرادہ کیتا ہا،

رومیوں 9:24

یعنی ساڈے ذریعے جِنہاں کُوں اُوں نہ صرف یہُودیاں ءچوں بلکہ غیریہُودیاں ءچوں وی سڈیا۔

لُوقا 10:21

اُونہی ویلے یسُوع رُوح القُدس کنُوں خوشی نال بھریج گِیا تے آکھنڑ لگا، ”باپ، اسمان تے زمین دے مالک! مَیں تیڈا شُکر کریندا ہاں جو تَیں ایہ گالھیں دانا لوکاں تے عالماں کنُوں لُکائیاں، تے بالاں اُتے ظاہر کیتیاں۔ ہاں، باپ، کیوں جو تیڈی نظر ءچ اِیہو چنگا ہا۔

متّی 1:21

اُوندے پوتر جمسی تے تُوں اُوندا ناں یسُوع رکھیں کیوں جو اُوہو آپنڑے لوکاں کُوں اُنہاں دے گُناہاں تُوں نجات ڈیسی۔“

اعمال 2:47

تے خُدا دی حمد کریندے تے سارے لوکاں دی نظر ءچ مقبول ہَن۔ تے خُداوند ہر روز نجات پاوݨ آلیاں کُوں جماعت ءچ شامل کر ڈیندا ہا۔

اعمال 15:18

جیہڑا دُنیا دے شروع تُوں اِنہئی گالھیں دی خبر ڈیندا آیا ہے۔

رومیوں 11:14

تاں جو کہیں طرحاں وی مَیں آپنڑی قوم آلیاں کُوں غیرت ڈیوا تے اُنہاں ءچوں بہُوں کُوں نجات ڈیوا سگاں۔

رومیوں 11:29

کیوں جو خُدا دیاں نعمتاں تے اُوندا بُلاوا کڈھائیں تبدیل نئیں تھیندا۔

فِلِپّیوں 3:14

مَیں سِدھا منزل دو بھجدا ویندا ہاں تاں جو او اِنعام حاصل کراں جیندے کیتے خُدا میکُوں یسُوع مسیح ءچ اسمان دو سڈیا ہے۔

2 تِیمُتھِیُس 1:1

ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہاں تاں جو اُوں وعدہ کیتی ہوئی زندگی دی تبلیغ کراں جیہڑی مسیح یسُوع ءچ مِلدی ہے۔