2 تِیمُتھِیُس 1:7 - کِتاب مُقدّس سرائیکی ترجمہ

⁷ کیوں جو جیہڑی رُوح خُدا ساکُوں ڈِتی ہے او ساکُوں بُزدل نئیں بنڑیندی بلکہ طاقت، محبت تے تربیت ڈیندی ہے۔

2 تِیمُتھِیُس 1:7 Referans Kwoze

رومیوں 8:15

کیوں جو تُہاکُوں ایجھی رُوح نئیں مِلی جیہڑی تُہاکُوں ڈرݨ آلے غُلام بنڑیندی ہے بلکہ خُدا دی رُوح مِلی ہے جیہڑی تُہاکُوں لےپالک بنڑیندی ہے جیندے وسیلے نال اساں ”ابّا“ یعنی ”باپ“ آکھ تے سڈیندے ہیں۔

1 یُوحنّا 4:18

محبت ءچ خوف نئیں ہوندا بلکہ کامِل محبت خوف کُوں دور کر ڈیندی ہے، کیوں جو خوف دا تعلق سزا نال ہوندے تے جیہڑا ڈردے، اُوندے ءچ محبت کامِل نئیں تھئی۔

گلتِیوں 5:22

پر رُوح القُدس دا پھل محبت، خوشی، اِطمینان، صبر، مہربانی، نیکی، وفاداری،

یُوحنّا 14:27

مَیں تُہاکُوں اِطمینان ڈِتی ویندا ہاں، آپنڑا اِطمینان تُہاکُوں ڈیندا ہاں۔ ایہ ایجھا اِطمینان نئیں جیہڑا دُنیا ڈیندی ہے۔ تُہاڈا دل نہ گھبراوے تے نہ ڈرے۔

لُوقا 10:19

ڈیکھو مَیں تُہاکُوں اِختیار ڈِتے جو سَپاں تے وِٹھوویاں کُوں لتاڑو تے دُشمنڑ دی ساری قُدرت اُتے غالب آؤ تے تُہاکُوں کہیں چیز کنُوں نُقصان نہ پُجسی۔

اعمال 1:8

پر جِیں ویلے رُوح القُدس تُہاڈے اُتے نازل تھیسی تاں تُہاکُوں قوت مِلسی تے تُساں یروشلیم تے یہُودیہ تے سامریہ دے سارے علاقے ءچ بلکہ زمین دی اِنتہا تئیں میڈے گواہ ہوسو۔“

رومیوں 5:5

ایجھی اُمید ساکُوں مایوس نئیں کریندی کیوں جو رُوح القُدس جیہڑا ساکُوں بخشیا گِیا ہے اُوں ساڈے دِلاں کُوں خُدا دی محبت نال بھر ڈِتے۔

عبرانیوں 2:15

تے اُنہاں کُوں چُھڑا گِھنے جیہڑے ساری عُمر موت دے ڈر کنُوں غُلامی ءچ گرفتار ریہے۔

اعمال 20:24

پر مَیں آپنڑی جان کُوں عزیز نئیں رکھیندا بس ایہ چاہندا ہاں جو مَیں آپنڑی خدمت دا دور تے او کم جیہڑا خُداوند یسُوع میکُوں ڈِتے، پُورا کراں یعنی خُدا دے فضل دی خوشخبری سُنڑاوݨ دا کم۔

1کُرِنتھِیوں 2:4

مَیں پیغام تے تبلیغ کریندے ویلے حِکمت تے قائل کرݨ آلے الفاظ اِستعمال کرݨ دی بجائے صرف رُوح القُدس دی قوت اُتے بھروسا کیتا،

لُوقا 24:49

تے ڈیکھو، مَیں تُہاڈے اُتے اُونکُوں نازل کریساں جِیندا وعدہ میڈے باپ کیتے، پر جئیں تئیں تُہاکُوں اسمان کنُوں قوت نہ مِلے اِیں شہر ءچ ٹِکے راہو۔“

اعمال 10:38

جو خُدا یسُوع ناصری کُوں رُوح القُدس تے قُدرت نال کِینویں مسح کیتا۔ او بھلائی کریندا تے اُنہاں ساریاں کُوں جیہڑے ابلیس دے ظلم دا شکار ہَن، شِفا ڈیندا ریہا کیوں جو خُدا اُوندے نال ہا۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

اعمال 21:13

پر پولُس جواب ڈِتا، ”تُساں ایہ کیا کریندے ہیوے؟ کیوں رو رو تے میڈا دل تُڑیندے ہیوے؟ مَیں یروشلیم ءچ خُداوند یسُوع دے ناں دی خاطر صرف بدھیجنڑ کیتے ای نئیں بلکہ مرݨ کیتے وی تیار ہاں۔“

کلُسِّیوں 1:8

اُوں ای ساکُوں اُوں محبت دے بارے ءچ ڈسایا جیہڑی رُوح القُدس تُہاڈے دِلاں ءچ پیدا کیتی ہے۔

اعمال 6:8

ستِفُنس فضل تے قوت نال بھریا ہویا لوکاں ءچ وڈے وڈے عجیب کم تے معجزے ظاہر کریندا ہا۔

اعمال 9:22

پر ساؤل رُوحانی زور ءچ ودھدا گِیا تے او اِیں گالھ کُوں ثابت کر تے جو المسیح یسُوع ای ہے، دمشق دے راہنڑ آلے یہُودیاں کُوں پریشان کریندا ریہا۔

لُوقا 8:35

لوک اِیں ماجرے کُوں ڈیکھنڑ کیتے نِکلے تے یسُوع دے کولھ آ تے اُوں بندے کُوں جیندے ءچوں بدرُوحاں نِکلیاں ہَن کپڑے پاتے تے ہوش ءچ یسُوع دے قدماں ءچ بیٹھے ڈِٹھا تاں ڈر گئے۔

اعمال 26:25

پولُس جواب ڈِتا، ”معزز فیستُس! مَیں دیوانہ نئیں بلکہ سچائی تے عقل دے گالھیں کریندا ہاں۔

لُوقا 15:17

وَل اُوں ہوش ءچ آ تے آکھیا، ’میڈے پِیُو دے مزدُوراں کُوں ضرورت کنُوں وی زیادہ روٹی مِلدی ہے تے مَیں اِتھاں بُکھا مردا پِیا ہاں!

اعمال 26:11

مَیں ہر ہِک عبادت خانہ ءچ اُنہاں کُوں سزا ڈیندا ہم تے کُفر بَکنڑ اُتے مجبور کریندا ہم۔ اُنہاں دی مخالفت ءچ مَیں اِتنا دیوانہ بنڑ گِیا جو مَیں ڈُوجھے مُلکاں دے شہراں ءچ وَنج تے وی اُنہاں کُوں سَتیندا ہم۔