2 تِیمُتھِیُس 1:13 - کِتاب مُقدّس سرائیکی ترجمہ

¹³ ہُنڑ مسیح یسُوع ءچ آپنڑے اِیمان تے محبت اُتے قائم رہ تے اُنہاں صحیح گالھیں کُوں جیہڑیاں تُوں میں کنُوں سُنڑیاں آپنڑے کیتے ہِک نمونہ بنڑائی رکھ۔

2 تِیمُتھِیُس 1:13 Referans Kwoze

طِطُس 1:9

جیہڑا سچا کلام اُونکُوں سِکھایا گئے، او اُوندے اُتے قائم راہوے تاں جو او صحیح تعلیم نال ڈُوجھیاں کُوں نصیحت ڈے سگے تے مخالفاں کُوں وی سمجھا سگے۔

2 تِیمُتھِیُس 3:14

پر تُوں اِنہاں گالھیں اُتے قائم رہ جیہڑیاں تَیں سکھیاں ہِن تے جِنہاں دا تیکُوں پُورا یقین ہے، کیوں جو تُوں جانڑدا ہیں جو اِنہاں گالھیں کُوں سِکھاوݨ آلے کوݨ ہِن۔

فِلِپّیوں 4:9

جیہڑا کُجھ تُساں میں تُوں سِکھیا، حاصل کیتا، سُنڑیا تے میڈے ءچ ڈِٹھا، اُوندے اُتے عمل کریندے راہو۔ تے خُدا جیہڑا اِطمینان دا چشمہ ہے تُہاڈے نال راہسی۔

رومیوں 6:17

پر خُدا دا شُکر ہے جو بےشک پہلے تُساں گُناہ دے غُلام ہَوے پر ہُنڑ دل نال اُوں تعلیم دے تابع تھی گئے ہیوے جیہڑی تُہاڈے سپُرد کیتی گئی۔

2 تِیمُتھِیُس 2:2

تے جیہڑے گالھیں تُوں میڈے کنُوں بہُوں سارے گواہاں دی موجودگی ءچ سُنڑیاں ہِن، اُنہاں کُوں ایجھے دیانتدار لوکاں دے سپُرد کر جیہڑے ڈُوجھیاں کُوں وی سِکھاوݨ دے قابل ہووݨ۔

مُکاشفہ 3:11

ڈیکھ! مَیں جلدی آندا پِیا ہاں۔ جیہڑا کُجھ تیڈے کولھ ہے، اُونکُوں مضبوطی نال پکڑی رکھ تاں جو تیڈا تاج کوئی کَھس نہ گِھنے۔

مُکاشفہ 3:3

اِیں واسطے یاد کر جو جیہڑی تعلیم تَیں گِھدی تے سُنڑی ہئی، اُوندے اُتے قائم رہ تے توبہ کر گِھن۔ پر جے تُوں نیندر کنُوں نہ جاگسیں تاں مَیں چور وانگُوں آساں تے تیکُوں پتہ وی نہ ہوسی جو مَیں کیہڑے ویلے تَیں اُتے آ پوساں۔

1 تِیمُتھِیُس 1:14

تے ساڈے خُداوند دا فضل میڈے اُتے بہُوں زیادہ تھیّا، اُوں اِیمان تے محبت نال جیہڑا مسیح یسُوع ءچ ہے۔

یہُوداہ 1:3

عزیزو! مَیں تُہاکُوں اُوں نجات دے بارے ءچ لِکھنڑ دا بہُوں شوق رکھیندا ہم جیندے ءچ اساں سارے شریک ہیں، پر مَیں ایہ نصیحت کرݨ ضروری سمجھدا ہاں جو تُساں اُوں اِیمان کیتے بہُوں محنت کرو جیہڑا خُدا آپنڑے مُقدّساں کُوں ہِکے پھیری ہمیشاں کیتے سپُرد کر ڈِتا ہا۔

عبرانیوں 10:23

اساں آپنڑی اُوں اُمید کُوں مضبوطی نال پکڑی رکھوں جِیندا اساں اِقرار کریندے ہیں کیوں جو جئیں وعدہ کیتے او وفادار ہے۔

2 تِیمُتھِیُس 1:14

تے رُوح القُدس دی مدد نال جیہڑا ساڈے ءچ وسدا پئے، اُوں چنگی امانت دی حفاظت کر جیہڑی تیڈے سپُرد کیتی گئی ہے۔

رومیوں 2:20

تے احمقاں کُوں سِکھاوݨ آلا تے بالاں دا اُستاد ہیں کیوں جو تیڈے کولھ شریعت ءچ علم تے حق دا نمونہ ہے،

طِطُس 2:1

پر تُوں او سِکھا جیہڑا صحیح تعلیم دے مطابق ہے۔

1 تِیمُتھِیُس 6:3

جے کوئی غلط تعلیم ڈیندے تے خُداوند یسُوع مسیح دے صحیح کلام تے اُوں تعلیم کُوں نئیں منیندا جیہڑی خُدا پرستی دے مطابق ہے،

فِلِپّیوں 1:27

کُجھ وی تھی ونجے، اِتنا ضرور کرو جو تُہاڈا چال چلنڑ مسیح دی خوشخبری دے لائق ہووے تاں جو بھانویں مَیں تُہاکُوں ڈیکھنڑ آواں یا نہ آواں، ضرور تُہاڈے بارے ءچ سُنڑاں جو تُساں ہِک رُوح ءچ قائم ہیوے تے ہِک جان تھی تے خوشخبری دے اِیمان کیتے بہُوں محنت کریندے پئے ہیوے۔

1 تِیمُتھِیُس 1:10

تے اُنہاں کیتے ہے جیہڑے زِنا کار ہِن، چھوہر باز ہِن، اغوا کرݨ آلے ہِن، کُوڑ مریندے ہِن، کُوڑیاں قَسماں چیندے ہِن، تے ایجھے بہُوں سارے کم کریندے ہِن جیہڑے صحیح تعلیم دے خلاف ہِن۔

مُکاشفہ 2:25

سوائے اِیندے جو جیہڑا کُجھ تُہاڈے کولھ ہے، اُونکُوں میڈے آوݨ تئیں مضبوطی نال پکڑی رکھو۔

عبرانیوں 4:14

بس جڈاں ساڈا ہِک ایجھا عظیم کاہِن ِ اعظم ہے جیہڑا اسماناں کنُوں لنگھ گِیا یعنی خُدا دا پوتر یسُوع، تاں آؤ اساں آپنڑے اِیمان اُتے قائم راہوں، جِیندا اِقرار اساں کریندے ہیں۔

عبرانیوں 3:6

پر مسیح پوتر دی حیثیت نال خُدا دے گھر دا مُختار ہے۔ تے اُوندے گھر آلے اساں ہیں پر شرط ایہ ہے جو اساں اُوں دلیری تے اُمید کُوں مضبوطی نال قائم رکھوں جیندے اُتے اساں فخر کریندے ہیں۔

طِطُس 2:8

تے تیڈا کلام ایجھا صحیح ہووے جو کوئی بندہ اُوندے اُتے انگل نہ چا سگے تاں جو مخالفاں کُوں ساڈے اُتے اِلزام لاوݨ دا موقع نہ مِلے تے او شرمندہ تھی ونجنڑ۔

1تھِسّلُنیکیوں 5:21

بلکہ ہر گالھ کُوں ازماؤ۔ جیہڑی چنگی ہووے اُونکُوں پکڑی راہو۔

کلُسِّیوں 1:4

کیوں جو اساں سُنڑیا ہے جو تُساں مسیح یسُوع اُتے اِیمان رکھیندے ہیوے تے سارے مُقدّساں نال محبت کریندے ہیوے۔

2 تِیمُتھِیُس 1:1

ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہاں تاں جو اُوں وعدہ کیتی ہوئی زندگی دی تبلیغ کراں جیہڑی مسیح یسُوع ءچ مِلدی ہے۔

2 تِیمُتھِیُس 4:3

کیوں جو ایجھا وقت آندا پئے جو لوک صحیح تعلیم دی برداشت نہ کریسن بلکہ آپنڑیاں آپنڑیاں نفسانی خواہشاں دے مطابق ایجھے اُستاد جمع کریسن جیہڑے اُوہو اکھیسن جیہڑا او سُنڑݨ چاہندے ہِن۔