2تھِسّلُنیکیوں 2:6 - کِتاب مُقدّس سرائیکی ترجمہ

⁶ تے تُساں جانڑدے ہیوے جو کیا کُچھ اُوں بدکار کُوں روکی پئے تاں جو او صرف آپنڑے مقرر وقت اُتے ظاہر تھیوے۔

2تھِسّلُنیکیوں 2:6 Referans Kwoze

2تھِسّلُنیکیوں 2:3

تُساں کہیں دے دوکھے ءچ نہ اوائے۔ کیوں جو او ڈینہہ اُوں ویلے تئیں نہ آسی جئیں تئیں خُدا دے خلاف وڈی بغاوت نہ تھی ونجے تے او بدکار ظاہر نہ تھی ونجے جِیندا انجام ہلاکت ہے۔

2تھِسّلُنیکیوں 2:8

وَل او بدکار ظاہر تھیسی جِینکُوں خُداوند یسُوع آپنڑے مُنہ دی پُھوک نال مار سٹیسی تے آپنڑی آمد دے جلال نال برباد کر ڈیسی۔

رومیوں 1:18

پر خُدا دا قہر اُنہاں لوکاں دی ساری بے دینی تے بدکاری اُتے اسمان کنُوں ظاہر تھیندے جیہڑے سچائی کُوں آپنڑی بدکاری نال دبا ڈیندے ہِن۔

2تھِسّلُنیکیوں 2:7

کیوں جو بدی دی لُکی ہوئی طاقت ہُنڑ وی آپنڑا اثر کریندی پئی ہے، پر ہِک روکنڑ آلا وی ہے تے جئیں تئیں او روکنڑ آلا رستے کنُوں ہٹایا نہ ونجے او اُوں بدکار کُوں روکی رکھیسی۔