2 پطرس 3:9 - کِتاب مُقدّس سرائیکی ترجمہ

⁹ خُداوند آپنڑا وعدہ پُورا کرݨ ءچ دیر نئیں کریندا جِینویں کُجھ لوک سمجھدے ہِن، بلکہ او تُہاڈے کیتے صبر کریندے، کیوں جو او کہیں دی ہلاکت نئیں چاہندا بلکہ چاہندے جو ہر کوئی توبہ کرے۔

2 پطرس 3:9 Referans Kwoze

1 تِیمُتھِیُس 2:4

او چاہندے جو سبھ لوک نجات پاوݨ تے سچائی کُوں پچھاݨ گِھننڑ۔

رومیوں 2:4

کیا تُوں خُدا دی مہربانی، برداشت تے صبر کُوں نا چیز سمجھدیں؟ تے کیا ایہ نئیں جانڑدا جو خُدا تیکُوں توبہ کرݨ دو گِھن ونجنڑ کیتے تیڈے اُتے مہربانی کریندے؟

مُکاشفہ 2:21

مَیں اُونکُوں مُہلت ڈِتی ہے جو او آپنڑی بدکرداری تُوں توبہ کرے پر او توبہ کرݨ نئیں چاہندی۔

2 پطرس 3:15

ساڈے خُداوند دے صبر کُوں نجات حاصل کرݨ دا موقع سمجھو، جِینویں ساڈے عزیز بِھرا پولُس وی اُوں حِکمت دے مطابق جیہڑی خُدا اُونکُوں ڈِتی ہے، تُہاکُوں لِکھیا ہے۔

1 تِیمُتھِیُس 1:16

پر میڈے اُتے رحم اِیں واسطے تھیّا جو خُداوند یسُوع مسیح میڈے ذریعے جیہڑا سبھ تُوں وڈا گُنہگار ہاں، آپنڑا کمال صبر ظاہر کرے تاں جو مَیں اُنہاں ساریاں کیتے نمونہ بنڑ سگاں جیہڑے اُوندے اُتے اِیمان گِھن آ تے ہمیشاں دی زندگی پیسن۔

عبرانیوں 10:37

کیوں جو ہُنڑ تھوڑی جیہی دیر باقی ہے جو ”آوݨ آلا آ ویسی، تے دیر نہ لیسی۔

رومیوں 9:22

بس حیرانگی دی کیا گالھ ہے، جے خُدا آپنڑے غضب تے آپنڑی قُدرت کُوں ظاہر کرݨ دے اِرادے نال اُنہاں کُوں جِنہاں اُتے غضب تھیسی، جیہڑے ہلاکت کیتے تیار کیتے گئے ہَن، بہُوں صبر نال برداشت کریندا ریہا،

1 پطرس 3:20

جیہڑیاں پِچھلے زمانہ ءچ نافرمان ہَن، جِیں ویلے خُدا نُوح دی کشتی بنڑݨ تئیں صبر نال اِنتظار کیتا۔ اُوں کشتی ءچ بہُوں تھوڑے یعنی اَٹھ بندے پانڑی ءچوں لنگھ تے بچ نِکلے۔

رومیوں 13:11

وقت کُوں پچھانڑو تے اِینویں ای کرو، کیوں جو نیندر کنُوں جاگنڑ دا ویلا آ گِیا ہے۔ جِیں ویلے اساں اِیمان گِھن آئے ہسے، اُوں وقت دی نسبت ہُنڑ ساڈی نجات بہُوں نیڑے ہے۔

رومیوں 13:12

رات تقریباً لنگھ گئی ہے تے ڈینہہ نِکلنڑ آلا ہے، اِیں واسطے اساں اندھارے دے کماں کُوں چھوڑ تے نُور دے ہتھیار بَدھ گِھنوں۔

2 پطرس 1:4

اِنہاں دے ذریعے اُوں ساڈے نال قیمتی تے بہُوں وڈے وعدے کیتے تاں جو اُنہاں دے وسیلہ نال تُساں اِیں دُنیاوی خرابی کنُوں جیہڑی بُری خواہش دے سببّوں ہے، چُھٹ تے خُدا دی اِلٰہی ذات ءچ شریک تھی ونجو۔