2 پطرس 2:9 - کِتاب مُقدّس سرائیکی ترجمہ

⁹ تاں ظاہر ہے جو خُداوند دیندار لوکاں کُوں ازمائش تُوں بچاوݨ تے بے دین لوکاں کُوں عدالت دے ڈینہہ تئیں سزا ءچ رکھنڑ جانڑدے

2 پطرس 2:9 Referans Kwoze

1کُرِنتھِیوں 10:13

تُہاڈے اُتے ایجھی ازمائش نئیں آئی جیہڑی تُہاڈی برداشت تُوں باہر ہووے۔ تے خُدا وفادار ہے، او تُہاڈی برداشت کنُوں زیادہ سخت ازمائش تُہاڈے اُتے نہ آوݨ ڈیسی۔ بلکہ جِیں ویلے ازمائش آسی تاں او اُوں کنُوں بچ نِکلنڑ دی راہ وی پیدا کر ڈیسی تاں جو تُساں برداشت کر سگو۔

مُکاشفہ 3:10

تَیں میڈے صبر کرݨ دے بارے ءچ کلام اُتے عمل کیتے، اِیں واسطے مَیں وی ازمائش دے اُوں ویلے جیہڑا ساری دُنیا اُتے آوݨ آلا ہے، تیڈی حفاظت کریساں۔

2 تِیمُتھِیُس 3:12

اصل ءچ سبھ لوک جیہڑے مسیح یسُوع ءچ دینداری دی زندگی گُزارݨ چاہندے ہِن، او سبھ ستائے ویسن۔

2 پطرس 3:7

تے موجودہ اسمان تے زمین خُدا دے کلام دے وسیلہ نال بھاہ ءچ ساڑے ونجنڑ کیتے رکھے گئے ہِن۔ او بے دیناں دی عدالت تے ہلاکت دے ڈینہہ تئیں محفوظ راہسن۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

2 پطرس 2:4

ڈیکھو، خُدا اُنہاں فرشتیاں کُوں نئیں چھوڑیا جِنہاں گُناہ کیتا، بلکہ اُنہاں کُوں اندھارے دیاں زنجیراں نال بَدھ تے دوزخ ءچ سَٹ ڈِتا تاں جو عدالت دے ڈینہہ تئیں قید ءچ راہوݨ۔

رومیوں 2:5

پر تُوں آپنڑے سخت تے توبہ نہ کرݨ آلے دل دے سببّوں آپنڑے کیتے غضب جمع کریندا پِیا ہیں، خُدا دے غضب دے ڈینہہ کیتے جڈاں خُدا دا سچا اِنصاف ظاہر تھیسی۔

متّی 6:13

تے ساکُوں ازمائش ءچ نہ پا بلکہ بُرائی تُوں بچا۔ [کیوں جو بادشاہی، قُدرت تے جلال ہمیشاں تیڈے ای ہِن۔ آمین۔]

متّی 10:15

مَیں تُہاکُوں سچ آدھا ہاں جو عدالت دے ڈینہہ سدُوم تے عمُورہ دے علاقے دا حال اُوں شہر دے حال کنُوں زیادہ برداشت دے لائق ہوسی۔

یہُوداہ 1:6

تے جیہڑے فرشتیاں آپنڑے مقام کُوں قائم نہ رکھیا بلکہ آپنڑی مقررہ جاہ کُوں چھوڑ ڈِتا، اُنہاں کُوں خُدا ابدی زنجیراں نال بَدھ تے عدالت دے عظیم ڈینہہ تئیں اندھارے ءچ قید رکھیا ہے۔