2 پطرس 2:4 - کِتاب مُقدّس سرائیکی ترجمہ

⁴ ڈیکھو، خُدا اُنہاں فرشتیاں کُوں نئیں چھوڑیا جِنہاں گُناہ کیتا، بلکہ اُنہاں کُوں اندھارے دیاں زنجیراں نال بَدھ تے دوزخ ءچ سَٹ ڈِتا تاں جو عدالت دے ڈینہہ تئیں قید ءچ راہوݨ۔

2 پطرس 2:4 Referans Kwoze

یہُوداہ 1:6

تے جیہڑے فرشتیاں آپنڑے مقام کُوں قائم نہ رکھیا بلکہ آپنڑی مقررہ جاہ کُوں چھوڑ ڈِتا، اُنہاں کُوں خُدا ابدی زنجیراں نال بَدھ تے عدالت دے عظیم ڈینہہ تئیں اندھارے ءچ قید رکھیا ہے۔

متّی 25:41

وَل او آپنڑے کھبے پاسے آلیاں کُوں اکھیسی، ’لعنتیو! میڈے سامنڑے کنُوں پرے تھی ونجو، تے اُوں ہمیشاں تئیں بلنڑ آلی بھاہ ءچ چلے ونجو جیہڑی ابلیس تے اُوندے فرشتیاں کیتے تیار کیتی گئی ہے۔

رومیوں 8:32

جئیں آپنڑے پوتر کُوں قُربان کرݨ تُوں وی دریغ نہ کیتا بلکہ ساڈے ساریاں کیتے اُونکُوں موت دے حوالے کر ڈِتا تاں او اُوندے نال ساکُوں بئیاں ساریاں چیزاں وی کیوں نہ ڈیسی؟

مُکاشفہ 20:10

تے ابلیس، جئیں اُنہاں کُوں گُمراہ کیتا ہا، گندھک تے بھاہ دی جھیل ءچ سٹیا گِیا جِتھاں او حیوان تے کُوڑا نبی وی ہئی تے او ڈینہہ رات ہمیشاں تئیں عذاب ءچ راہسن۔

لُوقا 10:18

اُوں اُنہاں کُوں آکھیا، ”مَیں شیطان کُوں بجلی وانگُوں اسمان کنُوں ڈھاندے ہوئے ڈیدھا پِیا ہم۔

1 یُوحنّا 3:8

جیہڑا کوئی گُناہ کریندا راہندے، او ابلیس دا بندہ ہے، کیوں جو ابلیس شروع کنُوں ای گُناہ کریندا ریہا ہے۔ خُدا دا پوتر اِیں واسطے ظاہر تھئے جو ابلیس دے کماں کُوں برباد کر ڈیوے۔

2 پطرس 2:11

حالانکہ اِیندے مُقابلہ ءچ فرشتے وی، جیہڑے طاقت تے قُدرت ءچ اُنہاں تُوں وڈے ہِن، خُداوند دے سامنڑے لعن طعن کر تے اُنہاں ہستیاں اُتے اِلزام نئیں لیندے۔

2 پطرس 2:5

اِینویں ای خُدا قدیم دُنیا کُوں نہ چھوڑیا بلکہ دُنیا دے بے دین لوکاں اُتے طوفان بھیج تے صرف راستبازی دی منادی کرݨ آلے نُوح کُوں بئے سَت لوکاں سمیت بچا گِھدا۔

لُوقا 8:31

او اُوندی مِنت کرݨ لگیاں جو ”ساکُوں سزا دے کھڈے ءچ ونجنڑ دا حُکم نہ ڈے۔“

یُوحنّا 8:44

تُساں آپنڑے پِیُو ابلیس کنُوں ہیوے تے آپنڑے پِیُو دیاں خواہشاں کُوں پُورا کرݨ چاہندے ہیوے۔ او شروع کنُوں ای خونی ہے تے سچائی اُتے قائم نئیں ریہا کیوں جو اُوندے ءچ سچائی کائنی۔ جِیں ویلے او کُوڑ بُلیندا ہے تاں آپنڑی فطرت دے مطابق آدھے، کیوں جو او کُوڑا ہے بلکہ کُوڑاں دا پِیُو ہے۔

مرقس 5:7

تے زور نال چیخدے ہوئے آکھیا، ”یسُوع، خُدا تعالیٰ دے پوتر! میکُوں تیڈے نال کیا کم؟ تیکُوں خُدا دا واسطہ، میکُوں عذاب ءچ نہ سَٹ۔“

متّی 8:29

او چیخ تے آکھنڑ لگے، ”خُدا دے پوتر! ساکُوں تیڈے نال کیا کم؟ کیا تُوں وقت تُوں پہلے ای ساکُوں عذاب ءچ سٹنڑ آیا ہیں؟“

یہُوداہ 1:13

ایہ سمندر دیاں بے قابو چھلاں ہِن جیہڑیاں آپنڑی بے شرمی دی جَھگ مریندیاں ہِن۔ ایہ او اوارہ تارے ہِن جِنہاں کیتے اندھاری جاہ ہمیشاں کیتے مقرر کر ڈِتی گئی ہے۔

2 پطرس 2:9

تاں ظاہر ہے جو خُداوند دیندار لوکاں کُوں ازمائش تُوں بچاوݨ تے بے دین لوکاں کُوں عدالت دے ڈینہہ تئیں سزا ءچ رکھنڑ جانڑدے

رومیوں 11:21

کیوں جو جِیں ویلے خُدا اصلی لڑیاں کُوں نہ چھوڑیا تاں او تیکُوں وی نہ چھوڑیسی۔