2 پطرس 2:21 - کِتاب مُقدّس سرائیکی ترجمہ

²¹ جِنہاں صداقت دی راہ کُوں جاݨ تاں گِھدا پر اُوں پاک حُکم کنُوں پِھر گئے جیہڑا اُنہاں کُوں ڈِتا گِیا ہا، تاں اُنہاں کیتے اِیہو چنگا ہا جو اِیں راہ کُوں کڈھائیں نہ جانڑدے۔

2 پطرس 2:21 Referans Kwoze

یعقُوب 4:17

بس جیہڑا نیکی کرݨ جانڑدے پر نئیں کریندا، ایہ اُوندے کیتے گُناہ ہے۔

لُوقا 12:47

تے او نوکر جئیں آپنڑے مالک دی مرضی جاݨ گِھدی تے تیاری نہ کیتی تے نہ اُوندی منشا دے مطابق عمل کیتا، بہُوں مار کھاسی۔

یُوحنّا 15:22

جے مَیں آ تے اُنہاں نال کلام نہ کریندا تاں او گُنہگار نہ تھیندے پر ہُنڑ اُنہاں دے گُناہ دا اُنہاں کولھ کوئی عُذر نئیں۔

1تھِسّلُنیکیوں 4:2

کیوں جو تُساں جانڑدے ہیوے جو اساں خُداوند یسُوع دی طرفوں تُہاکُوں کیا کیا حُکم ڈِتے۔

یُوحنّا 9:41

یسُوع اُنہاں کُوں آکھیا جو ”جے تُساں اندھے ہوندے تاں گُنہگار نہ سمجھے ویندے، پر تُساں آدھے ہیوے جو اساں ڈیدھے ہیں، اِیں واسطے تُہاڈا گُناہ قائم راہندے۔“

متّی 21:32

کیوں جو یُوحنّا تُہاکُوں راستبازی دا رستہ ڈِکھاوݨ آیا تے تُساں اُوندا یقین نہ کیتا پر محصُول گِھننڑ آلیاں تے طوائفاں اُوندا یقین کیتا۔ تے ایہ ڈیکھ تے وی تُساں پشیمان نہ تھئے جو اُوندا یقین کر گِھندے۔

رومیوں 7:12

بس شریعت پاک ہے تے اُوندا ہر حُکم وی پاک، راست تے چنگا ہے۔

گلتِیوں 6:2

ہِک بئے دا بھار چاؤ تے اِینویں ای مسیح دی شریعت کُوں پُورا کرو۔

1 تِیمُتھِیُس 6:14

جو جئیں تئیں ساڈا خُداوند یسُوع مسیح ظاہر نہ تھی ونجے، جیہڑا حُکم تیکُوں ڈِتا گئے اُوندے اُتے بغیر کہیں غلطی تے ناکامی دے عمل کر۔

عبرانیوں 10:26

کیوں جو جے اساں حق دی پچھاݨ کرݨ تُوں بعد جاݨ بُجھ تے گُناہ کریندے راہوں تاں گُناہاں تُوں پاک کرݨ دی کوئی بئی قُربانی باقی نئیں۔

2 پطرس 3:2

مَیں چاہندا ہاں جو تُساں پاک نبیاں دیاں پیشن گوئیاں تے ساڈے خُداوند تے نجات ڈیوݨ آلے دے حُکم کُوں یاد رکھو جیہڑا اساں رسُولاں دے ذریعے تُہاڈے تئیں پُجیا ہے۔

یہُوداہ 1:3

عزیزو! مَیں تُہاکُوں اُوں نجات دے بارے ءچ لِکھنڑ دا بہُوں شوق رکھیندا ہم جیندے ءچ اساں سارے شریک ہیں، پر مَیں ایہ نصیحت کرݨ ضروری سمجھدا ہاں جو تُساں اُوں اِیمان کیتے بہُوں محنت کرو جیہڑا خُدا آپنڑے مُقدّساں کُوں ہِکے پھیری ہمیشاں کیتے سپُرد کر ڈِتا ہا۔