2 پطرس 2:17 - کِتاب مُقدّس سرائیکی ترجمہ

¹⁷ ایہ لوک سُکے ہوئے چشمے تے اندھاری دے اُڈائے ہوئے بدّل ہِن۔ اِنہاں کیتے سخت اندھارا مقرر ہے۔

2 پطرس 2:17 Referans Kwoze

اِفِسیوں 4:14

وَل اساں اگُوں تے بال نہ راہسوں تے غلط تعلیم دی ہر تیز ہوا نال پانڑی دیاں چھلاں وانگُوں اِڈے اُڈے واہندے نہ راہوں، تے چالباز تے مکار لوکاں دے گُمراہ کر ڈیوݨ آلے منصوبیاں دا شکار نہ بنڑوں۔

یہُوداہ 1:6

تے جیہڑے فرشتیاں آپنڑے مقام کُوں قائم نہ رکھیا بلکہ آپنڑی مقررہ جاہ کُوں چھوڑ ڈِتا، اُنہاں کُوں خُدا ابدی زنجیراں نال بَدھ تے عدالت دے عظیم ڈینہہ تئیں اندھارے ءچ قید رکھیا ہے۔

2 پطرس 2:4

ڈیکھو، خُدا اُنہاں فرشتیاں کُوں نئیں چھوڑیا جِنہاں گُناہ کیتا، بلکہ اُنہاں کُوں اندھارے دیاں زنجیراں نال بَدھ تے دوزخ ءچ سَٹ ڈِتا تاں جو عدالت دے ڈینہہ تئیں قید ءچ راہوݨ۔

متّی 25:30

تے اِیں بے کار نوکر کُوں باہر اندھارے ءچ سَٹ ڈیؤ۔ اُتھاں رووݨ تے ڈنداں دا پِیہوݨ ہوسی۔‘

متّی 22:13

اِیں وجہ تُوں بادشاہ آپنڑے خادماں کُوں آکھیا، ’اِیندے ہتھ پیر بَدھ تے باہر اندھارے ءچ سَٹ ڈیؤ۔ اُتھاں رووݨ تے ڈنداں دا پِیہوݨ ہوسی۔‘

متّی 8:12

پر بادشاہی دے پوتر باہر اندھارے ءچ سَٹ ڈِتے ویسن جِتھاں رووݨ تے ڈنداں دا پِیہوݨ ہوسی۔“

عبرانیوں 12:18

تُساں سِینا پہاڑ دے کولھ نئیں آئے جِینکُوں ہتھ لاوݨ ممکن ہا۔ او پہاڑ بھاہ نال بلدا پِیا ہا تے کالے بدّل، اندھارے تے طوفان نال چارے پاسُوں گِھریا ہویا ہا۔