2 پطرس 2:12 - کِتاب مُقدّس سرائیکی ترجمہ

¹² پر ایہ کُوڑے اُستاد، آپنڑی فطرت اُتے چلنڑ آلے ناسمجھ جانوراں وانگُوں ہِن جیہڑے اِیں واسطے پیدا تھئے ہِن جو اُنہاں کُوں پکڑیا تے ختم کیتا ونجے۔ او اُوندی توہین کریندے ہِن جیہڑا کُجھ او نئیں سمجھدے، تے اُنہاں دی بربادی ءچ او وی برباد تھی ویسن۔

2 پطرس 2:12 Referans Kwoze

یہُوداہ 1:10

پر ایہ لوک اُنہاں گالھیں دے بارے ءچ توہین کریندے ہِن جِنہاں دے بارے ءچ سمجھ نئیں رکھیندے۔ تے جِنہاں گالھیں کُوں او بے سمجھ جانوراں آلی کار آپنڑی فطرت نال سمجھدے ہِن، اُوہو اُنہاں کُوں برباد کر ڈیندیاں ہِن۔

2 پطرس 2:19

ایہ کُوڑے اُستاد اُنہاں دے نال تاں ازادی دا وعدہ کریندے ہِن پر خود بُرائی دے غُلام بنڑے پئے ہِن۔ کیوں جو جیہڑی چیز اِنسان اُتے غالب آ ویندی ہے، اِنسان اُوندی غُلامی ءچ ہوندے۔

گلتِیوں 6:8

جیہڑا کوئی آپنڑیاں بُریاں خواہشاں کیتے رہیندے، او ہلاکت دی فصل کپیسی۔ تے جیہڑا کوئی رُوح القُدس کُوں خوش کرݨ کیتے رہیندے، او رُوح القُدس دی طرفوں ہمیشاں دی زندگی دی فصل کپیسی۔

2 پطرس 1:4

اِنہاں دے ذریعے اُوں ساڈے نال قیمتی تے بہُوں وڈے وعدے کیتے تاں جو اُنہاں دے وسیلہ نال تُساں اِیں دُنیاوی خرابی کنُوں جیہڑی بُری خواہش دے سببّوں ہے، چُھٹ تے خُدا دی اِلٰہی ذات ءچ شریک تھی ونجو۔

یُوحنّا 8:21

یسُوع ولا اُنہاں کُوں آکھیا، ”مَیں ویندا ہاں تے تُساں میکُوں گولھیسو پر آپنڑے گُناہاں ءچ مرسو۔ جِتھاں مَیں ویندا ہاں، اُتھاں تُساں نئیں آ سگدے۔“

مرقس 7:22

زِنا کاریاں، لالچ، بدکاری، مکر، شہوت پرستی، بدنظری، بدگوئی، شیخی تے حماقت نِکلدے ہِن۔

کلُسِّیوں 2:22

ایہ ساریاں چیزاں اِستعمال تھی تے فنا تھی ویندیاں ہِن تے ایہ صرف اِنسانی حُکم تے تعلیم ہِن۔