2 پطرس 1:16 - کِتاب مُقدّس سرائیکی ترجمہ

¹⁶ کیوں جو جِیں ویلے اساں تُہاکُوں آپنڑے خُداوند یسُوع مسیح دی قُدرت تے واپس آوݨ دے بارے ءچ ڈسایا ہا تاں اساں چالاکی نال گھڑیاں کہانڑیاں دی پیروی نہ کیتی ہئی بلکہ اساں اُوندی عظمت دے اکھیں ڈِٹھے گواہ ہسے۔

2 پطرس 1:16 Referans Kwoze

1 یُوحنّا 4:14

اساں ڈیکھ گِھدے تے ہُنڑ گواہی ڈیندے ہیں جو باپ آپنڑے پوتر کُوں دُنیا دا نجات ڈیوݨ آلا بنڑا تے بھیج ڈِتے۔

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

1 تِیمُتھِیُس 1:4

تے فرضی کہانڑیاں تے ختم نہ تھیوݨ آلے شِجریاں اُتے غور نہ کرݨ۔ ایجھے گالھیں جھیڑے پیدا کریندیاں ہِن تے خُدا دے کم کُوں پُورا نئیں کریندیاں جیہڑا اِیمان نال کیتا ویندے۔

1 تِیمُتھِیُس 4:7

پر اُنہاں بے ہُودہ تے فرضی کہانڑیاں کنُوں کنارہ کر بلکہ دینداری کیتے مشق کر۔

1کُرِنتھِیوں 2:4

مَیں پیغام تے تبلیغ کریندے ویلے حِکمت تے قائل کرݨ آلے الفاظ اِستعمال کرݨ دی بجائے صرف رُوح القُدس دی قوت اُتے بھروسا کیتا،

اِفِسیوں 4:14

وَل اساں اگُوں تے بال نہ راہسوں تے غلط تعلیم دی ہر تیز ہوا نال پانڑی دیاں چھلاں وانگُوں اِڈے اُڈے واہندے نہ راہوں، تے چالباز تے مکار لوکاں دے گُمراہ کر ڈیوݨ آلے منصوبیاں دا شکار نہ بنڑوں۔

1کُرِنتھِیوں 1:17

کیوں جو مسیح میکُوں بپتسمہ ڈیوݨ کیتے نئیں بلکہ خوشخبری سُنڑاوݨ کیتے بھیجے، او وی حِکمت آلی تقریر نال نئیں تاں جو یسُوع المسیح دی صلیب بے اثر نہ تھیوے۔

مُکاشفہ 1:7

”ڈیکھو او بدلاں اُتے آوݨ آلا ہے تے ہر اکھ اُونکُوں ڈیکھسی جِنہاں اُونکُوں چھیدیا ہا او وی ڈیکھسن تے زمین دیاں سبھ قوماں اُوندے سببّوں دھاڑپِٹ کریسن ہا، اِینویں ای تھیوے۔ آمین۔“

طِطُس 1:14

تے او یہُودیاں دیاں فرضی کہانڑیاں تے ایجھے لوکاں دے حُکماں اُتے دھیان نہ ڈیوݨ جیہڑے سچائی کنُوں مُنہ پھیر گِھندے ہِن۔

یہُوداہ 1:14

حنُوک وی جیہڑا آدم دی ستویں پُشت ءچوں ہا، اِنہاں دے بارے ءچ پیشن گوئی کیتی ہئی جو ”ڈیکھو! خُداوند آپنڑے لکھاں پاک فرشتیاں نال آندا پئے

2تھِسّلُنیکیوں 2:9

اِیں بدکار دی آمد شیطان دے اثر دے مطابق ہر طرحاں دی کُوڑی قُدرت، نشاناں تے معجزیاں نال ہوسی۔

2کُرِنتھِیوں 4:2

اساں شرم دے لُکے گالھیں کُوں چھوڑ ڈِتے۔ نہ اساں مکاری کریندے ہیں تے نہ ای خُدا دے کلام ءچ ملاوٹ کریندے ہیں۔ بلکہ سچائی کُوں ظاہر کر تے خُدا دے حضُور ہر بندے دے دل ءچ آپنڑے آپ کُوں نیک ظاہر کریندے ہیں۔

2کُرِنتھِیوں 2:17

اساں اُنہاں اکثر لوکاں آلی کار نئیں جیہڑے پیسے کیتے خُدا دے کلام ءچ ملاوٹ کریندے ہِن بلکہ خُدا دی طرفوں تے اُونکُوں حاضر جاݨ تے مسیح ءچ سچے دل نال گالھ کریندے ہیں۔

متّی 28:18

یسُوع اُنہاں دے کولھ آ تے اُنہاں کُوں آکھنڑ لگا، ”اسمان تے زمین دا کُل اِختیار میکُوں ڈِتا گِیا ہے۔

1تھِسّلُنیکیوں 2:19

آخر ساڈی اُمید تے خوشی تے فخر دا تاج کیا ہے؟ خُداوند یسُوع دے واپس آوݨ ویلے جڈاں اساں اُوندے سامنڑے پیش تھیسوں تاں ساڈی اُمید یا خوشی یا او تاج جیندے اُتے اساں فخر کریسوں، کیا او تُساں ای نئیں؟

فِلِپّیوں 3:21

او آپنڑی طاقت نال سارے چیزاں کُوں آپنڑے تابع کر سگدے تے اِیں طاقت دے ذریعے او ساڈے پست حال بدن دی شکل بدل تے اُونکُوں آپنڑے بدن وانگُوں جلال آلا بنڑا ڈیسی۔

1کُرِنتھِیوں 5:4

وَل جِیں ویلے تُساں خُداوند یسُوع دے ناں اُتے جمع تھیسو، تے مَیں وی رُوحانی طور تے حاضر ہوساں تے ساڈے خُداوند یسُوع دی قُدرت وی تُہاڈے نال ہوسی،

1کُرِنتھِیوں 2:1

بِھراؤ! جِیں ویلے مَیں تُہاڈے کولھ آیا ہم تاں خُدا دے راز دی منادی شاندار خطاب تے حِکمت دا اِظہار کریندے ہوئے نہ آیا ہم۔

1کُرِنتھِیوں 1:23

پر اساں صلیب اُتے چڑھائے گئے مسیح دی تبلیغ کریندے ہیں تے ایہ گالھ یہُودیاں کیتے تُھڈا کھاوݨ دا سبب ہے تے غیریہُودیاں کیتے بیوقُوفی۔

1کُرِنتھِیوں 1:7

ہُنڑ ساڈے خُداوند یسُوع مسیح دے ظاہر تھیوݨ دے اِنتظار ءچ راہندے ہوئے تُہاکُوں کہیں رُوحانی نعمت دی کمی نئیں۔

رومیوں 1:4

پر پاکیزگی دی رُوح دے لحاظ نال مُردیاں ءچوں زندہ تھیوݨ دے سببّوں بہُوں قُدرت نال خُدا دا پوتر ثابت تھیّا۔ ایہ ساڈا خُداوند یسُوع المسیح ہے،

یُوحنّا 17:2

کیوں جو تُوں اُونکُوں سبھ لوکاں اُتے اِختیار بخشیا ہے تاں جو جِنہاں کُوں تُوں اُونکُوں بخشیا ہے اُنہاں ساریاں کُوں او ہمیشاں دی زندگی ڈیوے۔

متّی 24:27

کیوں جو جِینویں بجلی مشرق کنُوں چمک تے مغرب تئیں ڈِکھالی ڈیندی ہے، اُونویں ای اِبنِ آدم دا آوݨ ہوسی۔

متّی 24:3

وَل جِیں ویلے یسُوع زیتون دے پہاڑ اُتے بیٹھا ہا تاں اُوندے شاگرد کلھیپے ءچ اُوندے کولھ آ تے آکھنڑ لگے، ”ساکُوں ڈساؤ جو ایہ گالھیں کڈݨ تھیسن، تے تُہاڈی آمد تے دُنیا دے خاتمے دا نشان کیا ہوسی؟“

متّی 16:28

مَیں تُہاکُوں سچ آدھا ہاں جو جیہڑے اِتھاں کھڑے ہِن اُنہاں ءچوں کُجھ ایجھے ہِن جو جئیں تئیں اِبنِ آدم کُوں اُوندی بادشاہی ءچ آندے ہوئے ڈیکھ نہ گِھنسن، ہرگز نہ مرسن۔“

متّی 16:27

کیوں جو اِبنِ آدم آپنڑے باپ دے جلال ءچ آپنڑے فرشتیاں نال آسی۔ اُوں ویلے ہر ہِک کُوں اُوندے کماں دے مطابق اجر ڈیسی۔

متّی 17:1

چِھی ڈینہہ بعد یسُوع پطرس، یعقُوب تے یعقُوب دے بِھرا یُوحنّا کُوں نال گِھدا تے اُنہاں کُوں ہِک اُچے پہاڑ اُتے اَنج گِھن گِیا۔

مرقس 13:26

اُوں ویلے لوک اِبنِ آدم کُوں بدلاں ءچ وڈی قُدرت تے جلال نال آندا ڈیکھسن۔

مرقس 14:62

یسُوع جواب ڈِتا، ”ہاں مَیں ہاں، تے تُساں اِبنِ آدم کُوں قادر ِ مُطلق دے سجے پاسُوں بیٹھا تے اسمان دے بدلاں اُتے آندا ڈیکھسو۔“

لُوقا 1:2

اُنہاں او گالھیں بیان کیتیاں جیہڑیاں ساکُوں اُنہاں لوکاں دی طرفوں پُجیاں، جِنہاں شروع کنُوں آپنڑے اکھیں نال ڈِٹھا تے کلام دے خادم ہِن۔

لُوقا 9:43

سبھ لوک خُدا دی قُدرت ڈیکھ تے حیران تھئے۔ جیہڑے ویلے سبھ لوک اُنہاں سبھ کماں کنُوں جیہڑے یسُوع کریندا ہا، حیران تھیندے پئے ہَن، اُوں آپنڑے شاگرداں کُوں آکھیا،

2 پطرس 2:3

لالچ دے سببّوں ایہ اُستاد فرضی گالھیں سُنڑا تے تُہاڈے تُوں ناجائز فائدہ چیسن۔ پر اُنہاں دی سزا دا حُکم بہُوں پہلے کنُوں تھی گئے، تے او سزا تیار ہے تے اُنہاں دی ہلاکت ءچ دیر نہ تھیسی۔