2 یُوحنّا 1:8 - کِتاب مُقدّس سرائیکی ترجمہ

⁸ خبردار راہو جو جِنہاں چیزاں کیتے اساں محنت کیتی ہے او تُہاڈے ہتُھوں نِکل نہ ونجنڑ بلکہ تُہاکُوں پُورا اجر مِلے۔

2 یُوحنّا 1:8 Referans Kwoze

عبرانیوں 10:35

بس ہِمت نہ ہارو کیوں جو اِیندا اجر وڈا ہے۔

مُکاشفہ 3:11

ڈیکھ! مَیں جلدی آندا پِیا ہاں۔ جیہڑا کُجھ تیڈے کولھ ہے، اُونکُوں مضبوطی نال پکڑی رکھ تاں جو تیڈا تاج کوئی کَھس نہ گِھنے۔

1کُرِنتھِیوں 3:14

جئیں کہیں دا کیتا ہویا کم باقی راہسی، اُونکُوں اجر مِلسی۔

1کُرِنتھِیوں 3:8

لاوݨ آلے تے پانڑی ڈیوݨ آلے ڈوہائیں دا ہِکو مقصد ہے تے ہر ہِک کُوں آپنڑی محنت دے مطابق اجر مِلسی۔

عبرانیوں 12:15

دھیان کرو جو کوئی بندہ خُدا دے فضل کنُوں محروم نہ رہ ونجے، اِینویں نہ تھیوے جو کوئی بندہ کڑوی جڑھ آلی کار پُھٹ تے تُہاکُوں تکلیف ڈیوے تے بہُوں سارے لوکاں کُوں وِگاڑ ڈیوے۔

مرقس 13:9

پر تُساں خبردار رہوائے کیوں جو لوک تُہاکُوں عدالتاں ءچ پیش کریسن تے تُساں عبادت خانیاں ءچ ماراں کھاسو، تے میڈی وجہ کنُوں حاکماں تے بادشاہاں دے سامنڑے حاضر کیتے ویسو تے ایہ تُہاڈے کیتے گواہی ڈیوݨ دا موقع ہوسی۔

گلتِیوں 3:4

کیا تُساں اِتنیاں تکلیفاں بے فائدہ برداشت کیتیاں؟ پر شاید بے فائدہ نئیں۔

یُوحنّا 4:36

کپنڑ آلا مزدُوری پیندے تے ہمیشاں دی زندگی کیتے پھل جمع کریندے، تاں جو رہاوݨ آلا تے کپنڑ آلا ڈوہائیں رَل تے خوشی مناوݨ۔

گلتِیوں 4:11

میکُوں ڈر ہے جو جیہڑی محنت مَیں تُہاڈے اُتے کیتی ہے، کِتھائیں بے فائدہ نہ تھی ونجے۔

لُوقا 21:8

اُوں آکھیا، ”خبردار، کوئی تُہاکُوں گُمراہ نہ کر ڈیوے کیوں جو بہُوں سارے میڈے ناں نال آسن تے اکھیسن، ’مَیں المسیح ہاں‘ تے ایہ وی جو ’ویلا نیڑے آ گِیا ہے۔‘ تُساں اُنہاں دے پِچُھوں نہ ٹُر پوائے۔

عبرانیوں 10:32

پر اُنہاں پہلے ڈینہاں کُوں یاد کرو جِیں ویلے تُساں اِیمان نال روشن تھیوݨ تُوں بعد شدید تکلیفاں دا ڈُکھ برداشت کیتا۔

فِلِپّیوں 3:16

بہرحال جِتھاں تئیں اساں پُج گئے ہیں، اُوندے مطابق زندگی گُزاروں۔

مرقس 13:23

پر تُساں خبردار رہوائے۔ ڈیکھو مَیں تُہاکُوں پہلے ای سبھ کُجھ ڈسا ڈِتے۔

متّی 24:4

یسُوع جواب ءچ آکھیا، ”خبردار! کوئی تُہاکُوں گُمراہ نہ کر ڈیوے۔

1کُرِنتھِیوں 15:8

تے سبھ کنُوں آخر ءچ او میکُوں ڈِکھالی ڈِتا جیہڑا پُورے ڈینہاں دا جم نہ ہم۔

لُوقا 19:19

اُوں اُونکُوں آکھیا جو ’تُوں وی پنج شہراں دا مُختار تھی۔‘