2 یُوحنّا 1:6 - کِتاب مُقدّس سرائیکی ترجمہ

⁶ محبت ایہ ہے جو اساں خُدا دے حُکماں اُتے عمل کرُوں۔ ایہ اُوہو حُکم ہے جیہڑا تُساں شروع کنُوں سُنڑیا ہے، تے تُہاکُوں اُوندے اُتے عمل کرنڑا چاہیدے۔

2 یُوحنّا 1:6 Referans Kwoze

1 یُوحنّا 5:3

خُدا نال محبت رکھنڑ دا مطلب ایہ ہے جو اساں اُوندے حُکماں اُتے عمل کرُوں تے اُوندے حُکم بھارے نئیں۔

1 یُوحنّا 2:24

او پیغام جیہڑا تُساں شروع کنُوں سُنڑدے آئے ہیوے، تُہاڈے دل ءچ قائم راہوے۔ جے او پیغام تُہاڈے ءچ قائم راہوے تاں تُساں وی باپ تے اُوندے پوتر ءچ قائم راہسو۔

1 یُوحنّا 2:5

پر جیہڑا اُوندے کلام اُتے عمل کریندے تاں اُوندے ءچ خُدا دی محبت یقیناً کامِل تھی گئی ہے۔ اِیں تُوں ساکُوں پتہ چلدے جو اساں اُوندی رفاقت ءچ ہیں۔

یُوحنّا 15:10

جے تُساں میڈے حُکماں اُتے عمل کریسو تاں میڈی محبت ءچ قائم راہسو، جِینویں مَیں آپنڑے باپ دے حُکماں اُتے عمل کیتے تے اُوندی محبت ءچ قائم ہاں۔

یُوحنّا 14:15

جے تُساں میڈے نال محبت کریندے ہیوے تاں میڈے حُکماں اُتے عمل کرو۔

یُوحنّا 15:14

جے تُساں میڈے حُکماں اُتے عمل کریسو تاں میڈے دوست ہوسو۔

یُوحنّا 14:21

جیندے کولھ میڈے حُکم ہِن تے او اُنہاں کُوں منیندے، اُوہو میڈے نال محبت کریندے۔ تے جیہڑا میڈے نال محبت کریندے او میڈے باپ دا پیارا ہوسی تے مَیں اُوندے نال محبت رکھیساں تے آپنڑے آپ کُوں اُوندے اُتے ظاہر کریساں۔“

1 یُوحنّا 5:15

جِیں ویلے ساکُوں معلوم ہے جو جیہڑا کُجھ اساں اُوں کنُوں منگدے ہیں، او ساڈی سُنڑدے تاں ایہ وی جانڑدے ہیں جو جیہڑا کُجھ منگیا ہے، او مِل وی گِیا ہے۔

2 یُوحنّا 1:5

مَیں مِنت کریندا ہاں جو اساں سبھ ہِک ڈُوجھے نال محبت رکھوں۔ ایہ کوئی نواں حُکم نئیں جیہڑا میں لِکھدا پِیا ہاں، بلکہ اُوہو جیہڑا شروع کنُوں ساڈے کولھ ہے۔

یُوحنّا 14:23

یسُوع جواب ءچ اُونکُوں آکھیا جو ”جے کوئی میڈے نال محبت کریندے تاں او میڈے کلام اُتے عمل کریسی تے میڈا باپ اُوندے نال محبت کریسی تے اساں اُوندے کولھ آسُوں تے اُوندے نال راہسوں۔

1 یُوحنّا 2:7

عزیزو! مَیں تُہاکُوں کوئی نواں حُکم نئیں لِکھیندا پِیا بلکہ اُوہو پُرانڑا حُکم جیہڑا شروع کنُوں تُہاکُوں مِلیا ہے۔ ایہ پُرانڑا حُکم اُوہو پیغام ہے جیہڑا تُساں سُنڑ گِھدے۔