2کُرِنتھِیوں 9:4 - کِتاب مُقدّس سرائیکی ترجمہ

⁴ اِینویں نہ تھیوے جو مَکِدُنیہ دے کُجھ لوک میڈے نال آوݨ تے تُہاکُوں تیار نہ پاوݨ تے تُہاڈے نال ساکُوں وی اُوں بھروسے دے سببّوں جیہڑا تُہاڈے اُتے ہا، شرمندہ تھیونڑا پووے۔

2کُرِنتھِیوں 9:4 Referans Kwoze

2کُرِنتھِیوں 11:17

جیہڑا کُجھ مَیں ہُنڑ فخر کر تے آدھا ہاں او خُداوند دی طرفوں نئیں بلکہ مَیں بیوقُوف آلی کار آدھا ہاں۔

2کُرِنتھِیوں 9:2

کیوں جو مَیں جانڑدا ہاں جو تُساں دِلی شوق نال مدد کرݨ چاہندے ہیوے تے اِیں پارُوں میں مَکِدُنیہ دے لوکاں دے سامنڑے تُہاڈے اُتے فخر کریندا ہاں۔ مَیں اُنہاں کُوں ڈسایا جو اَخیہ دے لوک پِچھلے سال کنُوں مدد کرݨ کیتے تیار ہَن۔ تُہاڈے جوش بہُوں ساریاں کُوں اِیں کم کیتے اُبھارے۔

2کُرِنتھِیوں 8:24

بس اُنہاں کُوں آپنڑی محبت تے ساڈے اُوں فخر کُوں جیہڑا تُہاڈے اُتے ہے، کلیسیاواں دے سامنڑے ثابت کرو۔

رومیوں 15:26

کیوں جو مَکِدُنیہ تے اَخیہ دے ایماندار یروشلیم دے غریب مُقدّساں کیتے چندہ بھیجنڑ چاہندے ہِن۔

1کُرِنتھِیوں 16:2

یعنی ہر ہفتے دے پہلے ڈینہہ تُہاڈے ءچوں ہر بندہ آپنڑی آمدنی دے مطابق کُجھ آپنڑے کولھ جمع کر رکھے، تاں جو میڈے آوݨ تے تُہاکُوں چندہ جمع کرݨ دی لوڑ نہ پووے۔

فِلیمون 1:19

مَیں پولُس آپنڑے ہتھ نال لِکھیندا ہاں جو میں تیکُوں او ادا کر ڈیساں۔ ایہ یاد ڈیواوݨ دی لوڑ نئیں جو میڈا قرض جیہڑا تیڈے اُتے ہے، او تُوں خود ہیں۔