2کُرِنتھِیوں 8:21 - کِتاب مُقدّس سرائیکی ترجمہ

²¹ اساں پُوری کوشش کریندے ہیں جو اُوہو کم کرُوں جیہڑے نہ صرف خُداوند دی نظر ءچ چنگے ہووݨ بلکہ اِنساناں دی نظر ءچ وی۔

2کُرِنتھِیوں 8:21 Referans Kwoze

رومیوں 12:17

بُرائی دا جواب بُرائی نال نہ ڈیؤ۔ دھیان نال او کم کرو جیہڑا ساریاں دی نِگاہ ءچ چنگا ہووے۔

1 پطرس 2:12

غیر قوماں ءچ آپنڑا چال چلنڑ ایجھا نیک رکھو جو بیشک او تُہاڈے اُتے بدکار ہووݨ دے اِلزام لیندن پر تُہاڈے نیک کماں کُوں ڈیکھ تے عدالت دے ڈینہہ خُدا دی حمد کرݨ۔

فِلِپّیوں 4:8

بِھراؤ، آخری گالھ ایہ ہے جو جِتّی گالھیں سچیاں ہِن، جِتّی گالھیں شرافت دیاں ہِن، جِتّی گالھیں اِنصاف دیاں ہِن، جِتّی گالھیں پاک ہِن تے جِتّی گالھیں سوہنڑیاں تے چنگیاں لگدیاں ہِن یعنی جِتّی گالھیں نیک تے تعریف دے لائق ہِن، اُنہاں اُتے غور کریندے راہو۔

1تھِسّلُنیکیوں 5:22

ہر طرحاں دی بدی کنُوں دُور راہو۔

2کُرِنتھِیوں 2:17

اساں اُنہاں اکثر لوکاں آلی کار نئیں جیہڑے پیسے کیتے خُدا دے کلام ءچ ملاوٹ کریندے ہِن بلکہ خُدا دی طرفوں تے اُونکُوں حاضر جاݨ تے مسیح ءچ سچے دل نال گالھ کریندے ہیں۔

رومیوں 14:18

جیہڑا کوئی اِینویں مسیح دی خدمت کریندے اُونکُوں خُدا پسند کریندے تے او لوکاں ءچ مقبول ہے۔

1 تِیمُتھِیُس 5:14

اِیں واسطے مَیں جوان بیوہ عورتاں کُوں صلاح ڈیندا ہاں جو او شادی کرݨ، بال جمنڑ، آپنڑا گھر سنبھالنڑ تے کہیں مخالف کُوں بدگوئی کرݨ دا موقع نہ ڈیوݨ۔

متّی 6:4

تاں جو تیڈی خیرات لُکی راہوے۔ وَل تیڈا باپ جیہڑا لُکے ہوئے کم ڈیدھے، تیکُوں اجر ڈیسی۔

متّی 5:16

اِیں طرحاں تُہاڈی روشنی لوکاں دے سامنڑے چمکے تاں جو او تُہاڈے نیک کماں کُوں ڈیکھ تے تُہاڈے اسمانی باپ دی تمجید کرݨ۔

متّی 23:5

او آپنڑے سبھ کم لوکاں کُوں ڈِکھاوݨ کیتے کریندے ہِن۔ او وڈے تعوِیذ پیندے ہِن، تے آپنڑی پُشاک دے گھیرے چوڑے رکھیندے ہِن۔

متّی 6:1

”خبر دار، آپنڑے نیک کم لوکاں کُوں ڈِکھاوݨ کیتے نہ کرو۔ کیوں جو تُہاڈا اسمانی باپ تُہاکُوں کوئی اجر نہ ڈیسی۔

2کُرِنتھِیوں 8:20

اساں اِیں کنُوں بچنڑا چاہندے ہیں جو جِیں خیرات دا اساں اِنتظام کریندے ہیں، اُوندے بارے ءچ کوئی ساڈے اُتے انگل نہ چاوے۔

2کُرِنتھِیوں 8:22

اساں اُنہاں ڈُوہائیں بِھرانواں دے نال ہِک بئے بِھرا کُوں وی بھجیندے پئے ہیں جِینکُوں اساں بہُوں سارے گالھیں ءچ چنگی طرحاں ازمایا تے بہُوں پُر جوش ڈِٹھا ہے۔ ہُنڑ کیوں جو تُہاڈے اُتے بہُوں بھروسا ہے، اِیں واسطے او بِیا وی پُر جوش تھی گئے۔

1 تِیمُتھِیُس 3:7

تے او غیر اِیمانداراں ءچ وی نیک ناں ہووے، اِینویں نہ تھیوے جو کوئی اُونکُوں بُرا بھلا آکھے تے او ابلیس دے پھندے ءچ پَھس ونجے۔