2کُرِنتھِیوں 8:19 - کِتاب مُقدّس سرائیکی ترجمہ

¹⁹ تے صرف اِیہو نئیں بلکہ کلیسیاواں اُونکُوں چُنڑ گِھدے جو او ساڈے نال سفر کرے جڈاں اساں خیرات کُوں یروشلیم پُچاؤں۔ اساں ایہ کم خُداوند کُوں جلال ڈیوݨ کیتے تے آپنڑی خدمت دے شوق کُوں ظاہر کرݨ کیتے کریندے ہیں۔

2کُرِنتھِیوں 8:19 Referans Kwoze

2کُرِنتھِیوں 4:15

ایہ سبھ کُجھ تُہاڈے فائدے کیتے ہے تاں جو بہُوں سارے لوکاں اُتے فضل تھیوے تے نتیجہ ءچ شُکرگُزاری ودھدی ونجے جیندے نال خُدا کُوں جلال مِلے۔

2کُرِنتھِیوں 9:8

خُدا تُہاڈے اُتے ہر طرحاں دا فضل کثرت نال کر سگدے، تاں جو تُہاڈے کولھ ہمیشاں ہر چیز ضرورت کنُوں زیادہ ہووے تے ہر ہِک نیک کم کیتے تُہاڈے کولھ بہُوں کُجھ موجود ہووے۔

اعمال 15:25

اِیں واسطے اساں رَل تے مناسب جانڑیا جو کُجھ چُنڑے ہوئے بندیاں کُوں آپنڑے عزیزاں پولُس تے برنباس دے نال تُہاڈے کولھ بھیجُوں۔

اعمال 15:22

وَل رسُولاں تے بزُرگاں ساری کلیسیا سمیت مناسب سمجھیا جو آپنڑے ءچوں کُجھ بندیاں کُوں چُنڑ تے پولُس تے برنباس دے نال انطاکِیہ بھیجنڑ یعنی یہُوداہ کُوں جیہڑا برسبّا اکھویندے تے سِیلاس کُوں۔ ایہ بِھرانواں ءچ قابل ِ احترام ہَن۔

اعمال 14:23

اُنہاں ہر کلیسیا ءچ بزُرگاں کُوں مقرر کیتا تے روزہ رکھ تے، تے دُعاواں کر تے اُنہاں کُوں خُداوند دے سپُرد کیتا جئیں اُتے او اِیمان گِھن آئے ہَن۔

اعمال 19:22

بس اُوں آپنڑے خدمت گُزاراں ءچوں تِیمُتِھیُس تے اِراستُس کُوں مَکِدُنیہ روانہ کیتا تے خود کُجھ دیر آسِیہ دے صوبہ ءچ ریہا۔

اعمال 19:29

سارے شہر ءچ افراتفری مچ گئی تے لوکاں گِیُس تے ارِسترخُس مَکِدُنیہ آلیاں کُوں جیہڑے پولُس نال آئے ہَن پکڑ گِھدا تے اُنہاں کُوں گھلیندے ہوئے تماشا گاہ دو بھج پئے۔

رومیوں 5:3

تے صرف اِیہو نئیں بلکہ اساں مُصیبتاں ءچ خوش تھیندے ہیں کیوں جو اساں جانڑدے ہیں جو مُصیبت نال صبر پیدا تھیندے۔

رومیوں 5:11

تے نہ صرف ایہ بلکہ اساں آپنڑے خُداوند یسُوع المسیح دے ذریعے خُدا اُتے فخر کریندے ہیں جیندے وسیلے ساڈی خُدا نال صُلح تھی گئی ہے۔

2کُرِنتھِیوں 8:11

ہُنڑ اِیں کم کُوں پُورا وی کرو، تاں جو جِینویں تُساں جوش نال اِرادہ کیتے، اُونویں ای آپنڑی گُنجائش دے مطابق اُونکُوں پُورا وی کرو۔

2کُرِنتھِیوں 8:12

کیوں جو جے ڈیوݨ دی نیّت ہووے تاں خُدا خیرات اُوندے مطابق قبول کریندے جیہڑی ڈیوݨ آلے دے کولھ ہے، نہ جو اُوندے مطابق جیہڑی اُوندے کولھ نئیں۔

2کُرِنتھِیوں 8:20

اساں اِیں کنُوں بچنڑا چاہندے ہیں جو جِیں خیرات دا اساں اِنتظام کریندے ہیں، اُوندے بارے ءچ کوئی ساڈے اُتے انگل نہ چاوے۔

2کُرِنتھِیوں 9:2

کیوں جو مَیں جانڑدا ہاں جو تُساں دِلی شوق نال مدد کرݨ چاہندے ہیوے تے اِیں پارُوں میں مَکِدُنیہ دے لوکاں دے سامنڑے تُہاڈے اُتے فخر کریندا ہاں۔ مَیں اُنہاں کُوں ڈسایا جو اَخیہ دے لوک پِچھلے سال کنُوں مدد کرݨ کیتے تیار ہَن۔ تُہاڈے جوش بہُوں ساریاں کُوں اِیں کم کیتے اُبھارے۔