2کُرِنتھِیوں 8:1 - کِتاب مُقدّس سرائیکی ترجمہ

¹ بِھراؤ! اساں تُہاکُوں خُدا دے اُوں فضل دے بارے ءچ ڈسیندے ہیں جیہڑا مَکِدُنیہ دی کلیسیاواں اُتے تھئے،

2کُرِنتھِیوں 8:1 Referans Kwoze

کلُسِّیوں 1:29

اِیں مقصد کیتے مَیں مسیح دی اُوں وڈی قُدرت نال سخت محنت کریندا ہاں، جیہڑی میڈے اُتے زور نال اثر کریندی ہے۔

1تھِسّلُنیکیوں 4:10

تے تُساں مَکِدُنیہ دے سبھ بِھرانواں نال محبت کریندے ہیوے۔ وَل وی بِھراؤ! اساں تُہاکُوں نصیحت کریندے ہیں جو اِیندے ءچ بِیا وی ترقی کریندے راہو۔

1کُرِنتھِیوں 15:10

پر ہُنڑ مَیں جیہڑا کُجھ ہاں، خُدا دے فضل نال ہاں، تے او فضل جیہڑا اُوں میڈے اُتے کیتا او ضائع نئیں تھیّا کیوں جو مَیں ساریاں تُوں زیادہ محنت کیتی، بےشک ایہ محنت مَیں آپنڑی کوشش نال نئیں بلکہ خُدا دے فضل نال کیتی، جیہڑا میڈے اُتے ہا۔

اعمال 16:9

رات کُوں پولُس مَکِدُنیہ دے ہِک بندے کُوں رویا ءچ کھڑا ڈِٹھا جیہڑا پولُس دی مِنت کر تے آدھا ہے جو ”اِیں پار مَکِدُنیہ ءچ آ تے ساڈی مدد کر۔“

اِفِسیوں 3:8

بھانویں میں مُقدّساں ءچوں ساریاں کنُوں چھوٹا ہاں، وَل وی میڈے اُتے ایہ فضل تھئے جو مَیں غیر قوماں کُوں مسیح دی بے حد دولت دی خوشخبری سُنڑاواں،

2کُرِنتھِیوں 9:2

کیوں جو مَیں جانڑدا ہاں جو تُساں دِلی شوق نال مدد کرݨ چاہندے ہیوے تے اِیں پارُوں میں مَکِدُنیہ دے لوکاں دے سامنڑے تُہاڈے اُتے فخر کریندا ہاں۔ مَیں اُنہاں کُوں ڈسایا جو اَخیہ دے لوک پِچھلے سال کنُوں مدد کرݨ کیتے تیار ہَن۔ تُہاڈے جوش بہُوں ساریاں کُوں اِیں کم کیتے اُبھارے۔

رومیوں 15:26

کیوں جو مَکِدُنیہ تے اَخیہ دے ایماندار یروشلیم دے غریب مُقدّساں کیتے چندہ بھیجنڑ چاہندے ہِن۔

اعمال 11:23

جِیں ویلے او اُتھاں پُجیا تاں لوکاں اُتے خُدا دا فضل ڈیکھ تے بہُوں خوش تھیّا تے اُنہاں سبھ کُوں نصیحت کیتی جو پُورے دل نال خُداوند دے وفادار بنڑے راہو۔

2کُرِنتھِیوں 11:9

تے جِیں ویلے مَیں تُہاڈے کولھ ہم تے میکُوں ضرورت پئی تاں مَیں تُہاڈے ءچوں کہیں کُوں ذرا وی تکلیف نہ ڈِتی کیوں جو مَکِدُنیہ کنُوں مسیحی بِھرانواں آ تے میڈی ضرورت پُوری کیتی۔ مَیں تُہاڈے اُتے کوئی بھار نئیں سٹیا تے نہ ای ولا سٹیساں۔

2کُرِنتھِیوں 9:12

کیوں جو تُہاڈی اِیں خدمت دے سببّوں نہ صرف مُقدّساں دیاں ضرورتاں پُوریاں تھیندیاں ہِن بلکہ بہُوں لوک خُدا دی خُوب شُکرگزاری کریندے ہِن۔

2کُرِنتھِیوں 9:4

اِینویں نہ تھیوے جو مَکِدُنیہ دے کُجھ لوک میڈے نال آوݨ تے تُہاکُوں تیار نہ پاوݨ تے تُہاڈے نال ساکُوں وی اُوں بھروسے دے سببّوں جیہڑا تُہاڈے اُتے ہا، شرمندہ تھیونڑا پووے۔

اعمال 24:17

بہُوں سالاں بعد مَیں آپنڑی قوم کُوں خیرات پُچاوݨ تے خُدا کُوں نذرانے پیش کرݨ کیتے یروشلیم آیا ہم۔

متّی 25:22

جِینکُوں ڈُو تھیلے مِلے ہَن او وی آیا تے آکھنڑ لگا، ’ مالک! تُساں میکُوں ڈُو تھیلے ڈِتے ہَن، ڈیکھو مَیں ڈُو تھیلے بئے کَما گِھدن۔‘