2کُرِنتھِیوں 7:15 - کِتاب مُقدّس سرائیکی ترجمہ

¹⁵ جِیں ویلے اُونکُوں یاد آندے جو تُساں کِتنے فرمانبردار ہَوے تے کِینویں ڈردے تے کمبدے ہوئے اُوندا اِستقبال کیتا، تاں اُوندی محبت تُہاڈے نال بئی وی زیادہ تھی ویندی ہے۔

2کُرِنتھِیوں 7:15 Referans Kwoze

فِلِپّیوں 2:12

بس میڈے عزیزو، جِینویں تُساں ہمیشاں فرمانبرداری کیتی ہے، اُونویں ای ہُنڑ وی نہ صرف میڈی موجودگی ءچ بلکہ غیر موجودگی ءچ وی، ڈردے تے کمبدے ہوئے آپنڑی نجات دے کم کریندے راہو۔

2کُرِنتھِیوں 2:9

مَیں اِیں واسطے وی لِکھیا ہا جو تُہاڈا اِمتحان گِھن تے ڈیکھاں جو تُساں سارے گالھیں ءچ فرمانبردار ہیوے یا نئیں۔

1 یُوحنّا 3:17

جے کہیں دے کولھ دُنیا دا مال موجود ہووے پر او آپنڑے بِھرانواں کُوں مُتھاج ڈیکھ تے اُنہاں اُتے رحم نہ کرے تاں خُدا دی محبت اُوندے ءچ کِینویں قائم رہ سگدی ہے؟

2تھِسّلُنیکیوں 3:14

جے کوئی ساڈے اِیں خط ءچ لِکھی ہوئی نصیحت اُتے عمل نہ کرے تاں اُوندے اُتے نظر رکھو تے اُوندے نال تعلق چھوڑ ڈیؤ تاں جو او شرمسار تھیوے۔

کلُسِّیوں 3:12

تُساں خُدا دے چُنڑے ہوئے، پاک تے عزیز لوک ہیوے، اِیں واسطے رحم، ہمدردی، فروتنی، نرمی تے صبر دے کپڑے پا گِھنو۔

فِلِپّیوں 1:8

خُدا گواہ ہے جو میڈے دل ءچ تُہاڈے کیتے یسُوع مسیح جیہی محبت ہے تے مَیں تُساں ساریاں کُوں مِلنڑ دی سِک رکھیندا ہاں۔

2کُرِنتھِیوں 6:12

ساڈے دِلاں ءچ تُہاڈے کیتے جاہ گھٹ نئیں تھئی پر تُہاڈے دِلاں ءچ ساڈے کیتے جاہ گھٹ تھی گئی ہے۔

اعمال 16:29

داروغہ ڈیوا چوا تے اندر گِیا تے کمبدا ہویا پولُس تے سِیلاس دے پیراں ءچ ڈھے پِیا۔

اِفِسیوں 6:5

نوکرو! ڈردے تے کمبدے ہوئے صاف دِلی نال آپنڑے دُنیاوی مالکاں دی فرمانبرداری کرو جِینویں مسیح دی کریندے ہیوے۔

یُوحنّا 16:21

جِیں ویلے عورت کُوں بال جمنڑ آلا ہوندے تاں او ڈُکھی تھیندی ہے، اِیں واسطے جو اُوندی تکلیف دا ویلا آ گئے۔ پر جِینویں ای بال جمدے تاں اِیں خوشی دے سببّوں جو ہِک اِنسان دُنیا ءچ آ گئے، او آپنڑا ڈُکھ بُھل ویندی ہے۔

1کُرِنتھِیوں 2:3

مَیں کمزوری تے ڈر دی حالت ءچ کمبدا ہویا تُہاڈے کولھ آیا۔