2کُرِنتھِیوں 7:13 - کِتاب مُقدّس سرائیکی ترجمہ

¹³ اِیں واسطے ساکُوں تسلی ہے۔ تے اِیں تسلی دے علاوہ طِطُس کُوں خوش ڈیکھ تے ساکُوں بئی وی خوشی تھئی کیوں جو تُساں ساریاں دے سببّوں اُوندی رُوح وَل تازہ تھی گئی۔

2کُرِنتھِیوں 7:13 Referans Kwoze

2کُرِنتھِیوں 7:6

وَل وی خُدا جیہڑا مایُوس لوکاں کُوں حوصلہ ڈیندے، طِطُس کُوں اُتھاں بھیج تے ساکُوں تسلی ڈِتی۔

1کُرِنتھِیوں 16:13

جاگدے راہو۔ اِیمان ءچ قائم راہو۔ دلیر تھیؤ تے مضبوط تھیندے ونجو۔

1کُرِنتھِیوں 12:26

جے بدن دا ہِک اَنگ ڈُکھدے تاں سارے اَنگ اُوندے نال ڈُکھدے ہِن۔ تے جے ہِک اَنگ کُوں عزت مِلدی ہے تاں سارے اَنگ اُوندے نال خوشی منیندے ہِن۔

رومیوں 15:32

وَل میں خُدا دی مرضی نال تُہاڈے کولھ خوشی نال آساں تے تُہاڈے نال رہ تے تازہ تھی ویساں۔

1 پطرس 3:8

آخری گالھ ایہ ہے جو تُساں سارے ہِک ڈُوجھے نال ہمدردی، برادرانہ محبت، رحم دِلی تے عاجزی نال راہو۔

فِلیمون 1:20

ہا بِھرا، خُداوند دی خاطر میڈے اُتے ایہ مہربانی کر جو میکُوں تَیں تُوں کوئی فائدہ مِلے۔ مسیح ءچ میڈے دل کُوں تازہ کر۔

2 تِیمُتھِیُس 1:16

اُنیسِفرُس دے خاندان اُتے خُداوند دی رحمت تھیوے کیوں جو اُوں بہُوں دفعہ میکُوں تازہ دم کیتے تے میڈیاں قید دیاں زنجیراں کنُوں کڈھائیں نئیں شرمایا۔

فِلِپّیوں 2:28

اِیں واسطے میکُوں خیال آیا جو اُونکُوں جلدی بھیج ڈیواں تاں جو تُساں اُونکُوں ولا ڈیکھ تے خوش تھی ونجو تے میڈی پریشانی وی گھٹ ونجے۔

2کُرِنتھِیوں 7:15

جِیں ویلے اُونکُوں یاد آندے جو تُساں کِتنے فرمانبردار ہَوے تے کِینویں ڈردے تے کمبدے ہوئے اُوندا اِستقبال کیتا، تاں اُوندی محبت تُہاڈے نال بئی وی زیادہ تھی ویندی ہے۔

2کُرِنتھِیوں 2:13

وَل وی میکُوں دِلی سکون نہ تھیّا کیوں جو میکُوں میڈا بِھرا طِطُس اُتھاں نہ مِلیا ہا۔ اِیں واسطے مَیں اُنہاں لوکاں تُوں رُخصت تھی تے مَکِدُنیہ روانہ تھی گِیا۔

2کُرِنتھِیوں 2:3

مَیں تُہاکُوں اِیہو گالھ لِکھی ہئی تاں جو جِیں ویلے مَیں آواں تاں میکُوں اُنہاں لوکاں کنُوں ڈُکھ نہ پُجے جِنہاں کنُوں میکُوں خوشی مِلنڑی چاہیدی ہئی، کیوں جو میکُوں تُہاڈے ساریاں اُتے اِیں گالھ دا بھروسا ہے جو جیہڑی میڈی خوشی ہے اُوہو تُساں ساریاں دی وی خوشی ہے۔

رومیوں 12:15

خوشی مناوݨ آلیاں نال خوشی مناؤ، رووݨ آلیاں نال روؤ۔

1کُرِنتھِیوں 16:18

اُنہاں میڈی تے تُہاڈی رُوح کُوں تازہ کیتے۔ بس ایجھیاں دی قدر کیتا کرو۔

2کُرِنتھِیوں 7:14

مَیں اُوندے سامنڑے تُہاڈے بارے ءچ فخر کیتا ہا تے میں شرمندہ نئیں تھیّا۔ بلکہ جِینویں اساں تُہاکُوں ہمیشاں سچے گالھیں ڈسائیاں ہِن، اُونویں ای جیہڑا فخر اساں تُہاڈے بارے ءچ طِطُس دے سامنڑے کیتا او وی سچ ثابت تھیّا۔

فِلیمون 1:7

کیوں جو بِھرا، میکُوں تیڈی محبت تُوں بہُوں خوشی تے تسلی مِلی ہے کیوں جو تَیں مُقدّساں دے دِلاں کُوں تازہ کیتے۔