2کُرِنتھِیوں 6:8 - کِتاب مُقدّس سرائیکی ترجمہ

⁸ عزت تے بے عزتی ءچ، بدنامی تے نیک نامی ءچ۔ اساں سچے ہیں پر وَل وی لوک ساکُوں دوکھے باز سمجھدے ہِن۔

2کُرِنتھِیوں 6:8 Referans Kwoze

متّی 27:63

”سائیں! ساکُوں یاد ہے جو اُوں دوکھے باز آپنڑے زندہ ہوندے آکھیا ہا جو مَیں ترے ڈینہہ بعد زندہ تھی ویساں۔

1 پطرس 4:14

جے مسیح دے ناں دے سببّوں تُہاڈی بے عزتی کیتی ویندی ہے تاں تُساں مُبارک ہیوے کیوں جو خُدا دا جلالی رُوح القُدس تُہاڈے اُتے چھاں کیتی پئے۔

مُکاشفہ 3:9

ڈیکھ! مَیں شیطان دی جماعت دے اُنہاں لوکاں نال جیہڑے آپنڑے آپ کُوں بنی اِسرائیل آدھے ہِن پر ہِن نئیں بلکہ کُوڑے ہِن، اِینویں کریساں جو او آ تے تیڈے پیراں اُتے ڈھے تے سجدہ کریسن تے منیسن جو مَیں تیڈے نال محبت رکھیندا ہاں۔

1 تِیمُتھِیُس 4:10

اِیہو وجہ ہے جو اساں سخت محنت تے کوشش کریندے ہیں کیوں جو اساں آپنڑی اُمید اُوں زندہ خُدا اُتے رکھی ہے جیہڑا سارے اِنساناں کُوں، خاص کر اِیمانداراں کُوں نجات ڈیوݨ آلا ہے۔

اعمال 28:22

پر اساں تُہاڈے خیال جاننڑاں چاہندے ہیں۔ ایہ تاں ساکُوں معلوم ہے جو لوک ہر جاہ اِیں فرقہ دے خلاف گالھیں کریندے ہِن۔“

اعمال 24:5

اساں ڈِٹھے جو ایہ بندہ بہُوں خطرناک ہے۔ ایہ دُنیا دے سارے یہُودیاں ءچ فساد پیدا کریندے تے ناصری دے بِدعتی فرقہ دا راہنما ہے۔

3 یُوحنّا 1:12

دیمیترِیُس دے حق ءچ سبھ لوک چنگی گواہی ڈیندے ہِن تے خود سچائی وی گواہی ڈیندی ہے۔ اساں وی اِیہو گواہی ڈیندے ہیں تے تُوں جانڑدیں جو ساڈی گواہی سچی ہے۔

عبرانیوں 13:13

اِیں واسطے آؤ، اساں یسُوع دی ذِلت کُوں آپنڑے اُتے گِھن تے ڈیرے دی حد کنُوں باہر اُوندے کولھ جُلوں۔

رومیوں 3:8

کیوں نہ ایہ آکھوں جو ”آؤ اساں بُرائی کرُوں تاں جو بھلائی تھیوے؟“ کُجھ لوک ساڈے اُتے اِلزام لیندے ہِن جو ساڈی تعلیم اِیہو ہے۔ پر ایجھے لوکاں دا مُجرم کھڑایا ونجنڑاں اِنصاف ہے۔

اعمال 22:12

اُتھاں حننیاہ ناں دا ہِک بندہ جیہڑا شریعت دا سخت پابند تے اُتھوں دے یہُودیاں ءچ بہُوں نیک ناں ہا،

اعمال 16:39

تے اُتھاں آ تے اُنہاں تُوں معافی منگی تے وَل اُنہاں کُوں قید خانہ ءچوں باہر گِھن آئے تے درخاست کیتی جو شہر ءچوں باہر چلے ونجو۔

اعمال 10:22

اُنہاں آکھیا، ”کُرنیلیُس صوبیدار جیہڑا راستباز تے خُدا دا خوف مننڑ آلا بندہ ہے تے یہُودیاں دی ساری قوم ءچ نیک ناں ہے، اُوں خُدا دے پاک فرشتہ کنُوں ہدایت پاتی جو تیکُوں آپنڑے گھر سڈ تے تُہاڈے تُوں کلام سُنڑے۔“

اعمال 6:3

اِیں واسطے بِھراؤ! آپنڑے ءچوں سَت نیک ناں بندے چُنڑ گِھنو جیہڑے رُوح القُدس تے دانائی نال بھرے ہووݨ جو اساں اُنہاں کُوں اِیں کم کیتے مقرر کرُوں۔

اعمال 5:13

پر ڈُوجھیاں ءچوں کہیں کُوں جُرأت نہ تھیندی ہئی جو اُنہاں ءچ شامل تھی ونجنڑ، بےشک لوک اُنہاں دی بہُوں عزت کریندے ہَن۔

اعمال 4:21

عدالت آلیاں اُنہاں کُوں بِیا وی دھمکا تے چھوڑ ڈِتا کیوں جو لوکاں دے سببّوں اُنہاں کُوں سزا ڈیوݨ دا کوئی موقع نہ مِلیا۔ اِیں واسطے جو سارے لوک اُوں واقعے دے سببّوں خُدا دی تعریف کریندے ہَن۔

یُوحنّا 7:12

تے لوک اُوندے بارے ءچ ہولے ہولے گالھیں کریندے پئے ہَن۔ کُجھ آدھے ہَن جو ”او نیک بندہ ہے“ تے کُجھ آدھے ہَن جو ”کائنی، او لوکاں کُوں گُمراہ کریندے۔“

مرقس 12:14

اُنہاں آ تے یسُوع کُوں آکھیا، ”اُستاد، اساں جانڑدے ہیں جو تُساں سچے ہیوے، تے کہیں دی پرواہ نئیں کریندے، کیوں جو تُساں کہیں دے طرفدار نئیں بلکہ سچائی نال خُدا دی راہ ڈسیندے ہیوے۔ بس رومی بادشاہ قیصر کُوں ٹیکس ڈیوݨ جائز ہے یا نئیں؟ اساں ڈیؤں یا نا ڈیؤں؟“

متّی 22:16

بس اُنہاں آپنڑے شاگرداں کُوں ہیرودیس دے پیروکاراں نال اُوندے کولھ بھیجیا تے اُنہاں آکھیا، ”اُستاد! اساں جانڑدے ہیں جو تُساں سچے ہیوے تے سچائی نال خُدا دی راہ دی تعلیم ڈیندے ہیوے، تے کہیں دی پرواہ نئیں کریندے کیوں جو تُساں کہیں بندے دے طرفدار نئیں۔

متّی 10:25

شاگرد کیتے کافی ہے جو او آپنڑے اُستاد وانگُوں تے نوکر کیتے ایہ جو او آپنڑے مالک وانگُوں ہووے۔ جِیں ویلے اُنہاں گھر دے مالک کُوں شیطان آکھیا تاں اُوندے گھر آلیاں کُوں کیوں نہ اکھیسن۔

1 تِیمُتھِیُس 3:7

تے او غیر اِیمانداراں ءچ وی نیک ناں ہووے، اِینویں نہ تھیوے جو کوئی اُونکُوں بُرا بھلا آکھے تے او ابلیس دے پھندے ءچ پَھس ونجے۔

2کُرِنتھِیوں 1:18

جِینویں خُدا سچا ہے اُونویں ای تُہاڈے نال ساڈے پیغام ءچ ”ہاں“ تے ”نہ“ ڈوہائیں نئیں ہوندے۔

2کُرِنتھِیوں 4:2

اساں شرم دے لُکے گالھیں کُوں چھوڑ ڈِتے۔ نہ اساں مکاری کریندے ہیں تے نہ ای خُدا دے کلام ءچ ملاوٹ کریندے ہیں۔ بلکہ سچائی کُوں ظاہر کر تے خُدا دے حضُور ہر بندے دے دل ءچ آپنڑے آپ کُوں نیک ظاہر کریندے ہیں۔

2کُرِنتھِیوں 11:21

ایہ آکھ تے میکُوں شرم آندی ہے جو اساں اِتنے کمزور ہسے جو اِینویں نہ کر سگے۔ بےشک میڈا ایہ آکھنڑ بیوقُوفی ہے پر جے کوئی کہیں گالھ اُتے فخر کرݨ دی جُرأت کریندے تاں مَیں وی اُوہو فخر کرݨ دی جُرأت کریندا ہاں۔

2کُرِنتھِیوں 12:16

بے شک مَیں خود تُہاڈے اُتے بھار نہ سٹیا پر کُجھ لوک ایہ سمجھدے ہِن جو مَیں مکار ہاں تے تُہاکُوں دوکھا ڈے تے پَھسا گِھدے۔

1تھِسّلُنیکیوں 2:3

کیوں جو ساڈی نصیحت نہ گُمراہی دے سببّوں، تے نہ ناپاک مقصد دے سببّوں تے نہ چلاکی دے سببّوں ہے۔