2کُرِنتھِیوں 6:10 - کِتاب مُقدّس سرائیکی ترجمہ

¹⁰ ڈُکھی ہیں پر ہمیشاں خوش راہندے ہیں، غریب ہیں پر بہُوں ساریاں کُوں دولت مند بنڑا ڈیندے ہیں، مسکین ہیں پر ساڈے کولھ سبھ کُجھ ہے۔

2کُرِنتھِیوں 6:10 Referans Kwoze

یُوحنّا 16:22

اِینویں ای ہُنڑ تُہاکُوں ڈُکھ تاں ہے پر مَیں تُہاکُوں ولا مِلساں تے تُہاڈا دل خوش تھیسی تے کوئی تُہاڈی خوشی کَھس نہ گِھنسی۔

2کُرِنتھِیوں 8:9

کیوں جو تُساں ساڈے خُداوند یسُوع مسیح دے فضل کُوں جانڑدے ہیوے جو او بھانویں دولت مند ہا، وَل وی تُہاڈی خاطر غریب بنڑ گِیا تاں جو تُساں اُوندی غریبی دے سببّوں دولت مند بنڑ ونجو۔

مُکاشفہ 2:9

”مَیں تیڈی مُصیبت تے غریبی کُوں جانڑدا ہاں، پر حقیقت ءچ تُوں دولت مند ہیں۔ تے مَیں اُنہاں لوکاں دی تُہمت کُوں وی جانڑدا ہاں جیہڑے آپنڑے آپ کُوں بنی اِسرائیل تاں اکھیندے ہِن پر ہِن نئیں بلکہ شیطان دی جماعت ہِن۔

یعقُوب 2:5

میڈے پیارے بِھراؤ سُنڑو! کیا خُدا دُنیا دے غریباں کُوں نئیں چُنڑیا جو اِیمان ءچ دولت مند ہووݨ تے اُوں بادشاہی دے وارث ہووݨ جِیندا اُوں آپنڑے محبت رکھنڑ آلیاں کُوں ڈیوݨ دا وعدہ کیتے؟

عبرانیوں 10:34

تُساں قیدیاں نال ہمدردی کیتی تے آپنڑے مال دے لُٹے ونجنڑ کُوں وی خوشی نال قبول کیتا کیوں جو تُساں جانڑدے ہَوے جو ہِک بہتر تے ابدی ملکیت تُہاڈے کولھ ہے۔

1 تِیمُتھِیُس 4:8

کیوں جو جِسمانی مشق کنُوں کُجھ فائدہ تاں تھیندے پر دینداری ہر لحاظ نال فائدہ مند ہوندی ہے تے اِیندے ءچ نہ صرف اِیں زندگی کیتے بلکہ آوݨ آلی زندگی کیتے وی وعدہ موجود ہے۔

فِلِپّیوں 4:4

خُداوند ءچ ہر وقت خوش راہو۔ میں ولا آدھا ہاں جو خوش راہو۔

1تھِسّلُنیکیوں 1:6

بھانویں سخت مُصیبت آئی، وَل وی تُساں کلام کُوں رُوح القُدس دی ڈِتی ہوئی خوشی نال قبول کر تے ساڈے تے خُداوند دے نمونے اُتے چلنڑ آلے بنڑ گئے۔

کلُسِّیوں 3:16

مسیح دے کلام کُوں آپنڑے دِلاں ءچ مکمل طور تے وسنڑ ڈیؤ تے کمال حِکمت دے نال ہِک ڈُوجھے کُوں تعلیم ڈیؤ تے نصیحت کرو۔ تے آپنڑے دِلاں ءچ شُکرگزاری کریندے ہوئے خُدا کیتے زبُور، حمد تے رُوحانی گیت گاؤ۔

فِلِپّیوں 2:17

جے تُہاڈی خدمت تے قُربانی اُتے جیہڑی اِیمان دی وجہ کنُوں ہے، میڈی جان وِیٹے ونجنڑ آلی نذر دے طور تے وِیٹی ونجے تاں وَل وی مَیں خوش ہاں تے تُساں ساریاں نال خوشی کریندا ہاں۔

رومیوں 11:12

جڈاں یہُودیاں دی گُمراہی دُنیا دی برکت دا سبب بنڑی تے اُنہاں دا رُوحانی زوال غیریہُودیاں کیتے بےحد برکت دا سبب بنڑیا تاں اُنہاں دی مکمل بحالی کیجھی زیادہ برکت دا سبب ہوسی۔

1 پطرس 4:13

بلکہ خوشی مناؤ جو تُساں مسیح دے ڈُکھاں ءچ شریک تھی گئے ہیوے تاں جو جِیں ویلے اُوندا جلال ظاہر تھیوے تاں تُساں مزید وی خوش تھی سگو۔

2کُرِنتھِیوں 4:7

پر ایہ خزانہ ساڈے ءچ رکھیا گِیا ہے جیہڑے مِٹی دے تھانواں وانگُوں ہیں تاں جو ظاہر تھی ونجے جو ایہ حد کنُوں زیادہ قُدرت خُدا دی طرفوں ہے نہ جو ساڈی طرفوں۔

2کُرِنتھِیوں 2:4

مَیں بہُوں مُصیبت تے پریشانی ءچ تے بہُوں سارے ہنجُو وہا وہا تے تُہاکُوں لِکھیا ہا پر میڈا مقصد تُہاکُوں ڈُکھ ڈیوݨ نہ ہا بلکہ مَیں چاہندا ہم جو تُساں جاݨ گِھنو جو مَیں تُہاڈے نال کِتنی گہری محبت رکھیندا ہاں۔

رومیوں 15:13

خُدا جیہڑا اُمید دا سرچشمہ ہے تُہاکُوں اِیمان رکھنڑ دے سببّوں ساری خوشی تے اِطمینان نال بھر ڈیوے تاں جو رُوح القُدس دی قُدرت نال تُہاڈی اُمید ودھدی ونجے۔

رومیوں 12:15

خوشی مناوݨ آلیاں نال خوشی مناؤ، رووݨ آلیاں نال روؤ۔

اعمال 5:41

بس رسُول عدالت ءچوں اِیں گالھ تُوں خوش تھی تے چلے گئے جو اساں یسُوع دے ناں دی خاطر بے عزت تھیوݨ دے لائق تاں تھئے۔

لُوقا 6:21

مُبارک ہیوے تُساں جیہڑے ہُنڑ بُکھے ہیوے کیوں جو تُساں رَج سو۔ مُبارک ہیوے تُساں جیہڑے ہُنڑ روندے ہیوے کیوں جو تُساں کِھلسو۔

متّی 5:4

مُبارک ہِن او جیہڑے ڈُکھی ہِن، کیوں جو او تسلی پیسن۔

1 تِیمُتھِیُس 6:18

اُنہاں کُوں حُکم ڈے جو او نیکی کرݨ تے نیک کماں دے لحاظ نال دولت مند بنڑݨ تے ہمیشاں سخاوت کر تے ڈُوجھیاں دی مدد کرݨ کیتے تیار راہوݨ۔

1تھِسّلُنیکیوں 5:16

ہر ویلے خوش راہو۔

اعمال 3:6

پطرس آکھیا، ”چاندی، سونا تاں میڈے کولھ نئیں پر جیہڑا کُجھ میڈے کولھ ہے مَیں تیکُوں ڈے ڈیندا ہاں۔ یسُوع مسیح ناصری دے ناں نال اُٹھی، تے ٹُر پِھر۔“

کلُسِّیوں 1:24

ہُنڑ مَیں اُنہاں ڈُکھاں دے سببّوں خوش ہاں جیہڑے مَیں تُہاڈی خاطر چیندا پِیا ہاں کیوں جو مَیں مسیح دے بدن یعنی کلیسیا دی خاطر مسیح دیاں مُصیبتاں دی کمی کُوں آپنڑے بدن ءچ پُورا کریندا پِیا ہاں۔

اِفِسیوں 3:16

میں دُعا کریندا ہاں جو او آپنڑے جلال دی دولت دے مطابق تُہاکُوں ایہ بخشے جو تُساں اُوندے رُوح القُدس دے ذریعے آپنڑے آپ ءچ بہُوں زور آور تھی ونجو،

اِفِسیوں 3:8

بھانویں میں مُقدّساں ءچوں ساریاں کنُوں چھوٹا ہاں، وَل وی میڈے اُتے ایہ فضل تھئے جو مَیں غیر قوماں کُوں مسیح دی بے حد دولت دی خوشخبری سُنڑاواں،

2کُرِنتھِیوں 4:15

ایہ سبھ کُجھ تُہاڈے فائدے کیتے ہے تاں جو بہُوں سارے لوکاں اُتے فضل تھیوے تے نتیجہ ءچ شُکرگُزاری ودھدی ونجے جیندے نال خُدا کُوں جلال مِلے۔

1کُرِنتھِیوں 1:5

تُساں اُوندے ءچ ہر لحاظ نال یعنی ہر قِسم دا کلام کرݨ تے علم رکھنڑ ءچ دولتمند تھی گئے ہیوے۔

رومیوں 9:2

جو مَیں بہُوں غمگین ہاں تے میڈا دل ہر ویلے ڈُکھدا راہندے۔

رومیوں 8:32

جئیں آپنڑے پوتر کُوں قُربان کرݨ تُوں وی دریغ نہ کیتا بلکہ ساڈے ساریاں کیتے اُونکُوں موت دے حوالے کر ڈِتا تاں او اُوندے نال ساکُوں بئیاں ساریاں چیزاں وی کیوں نہ ڈیسی؟

اعمال 16:25

اَدھ رات ویلے پولُس تے سِیلاس دُعا تے خُدا دی حمد کریندے پئے ہَن تے قیدی سُنڑدے پئے ہَن،

متّی 5:12

خوش تھیوائے تے جشن منائے کیوں جو اسمان اُتے تُہاکُوں وڈا اجر مِلسی، اِیں واسطے جو لوکاں تُہاڈے تُوں پہلے نبیاں کُوں وی اِینویں ای ستایا ہا۔

مُکاشفہ 21:7

جیہڑا غالب آسی او اِنہاں چیزاں دا وارث ہوسی۔ مَیں اُوندا خُدا ہوساں تے او میڈا پوتر ہوسی۔